വാരാന്ത്യ ചിന്തകൾ

ഞായറാഴ്ചയും  Valentine's ദിനവും   ഒന്നിച്ചു വന്നത്  വളരെ  സന്തോഷമുള്ള  ഒരു  കാര്യമാണ് .അനശ്വര പ്രണയത്തെ പ്പറ്റി   ചിന്തിക്കുമ്പോൾ   ആദ്യമായി
മനസ്സിൽ  തെളിയുന്നത്   Shakespeare ടെ   sonnet 116  എന്ന  കവിതയാണ് . നാടകങ്ങളിൽ  ചിലപ്പോൾ   Shakespeare ടെ   ഭാഷ  മനസ്സിലാക്കാൻ   പ്രയാസമാണ് .എന്നാൽ   ഈ  കവിതയിൽ   ലളിതമായ  ഭാഷയാണ്  ഉപയോഗിച്ചിരിക്കുന്നത് . വളരെ  കുറച്ച്  വാക്കുകളിൽ   അനശ്വര പ്രണയം
എന്താണെന്ന്   കവി   പറഞ്ഞു തരുന്നു . യഥാർത്ഥ പ്രണയത്തിൽ   തടസ്സങ്ങൾ   ഒന്നുമില്ല . തടസ്സങ്ങൾ  വന്നാലും   അതിനെയെല്ലാം   അത്
അതിജീവിക്കുന്നു . നല്ല  മനസ്സാണ്   യഥാർത്ഥ  പ്രണയത്തിൻറെ    അടിസ്ഥാനം . ജീവിതത്തിൽ  ഉണ്ടാകുന്ന   പ്രതിസന്ധികളിൽ   സ്വാർത്ഥ താല്പര്യത്തിന്  വേണ്ടി   വേർപിരിയുന്ന  ഒന്നല്ല  യഥാർത്ഥ   പ്രണയം .

Let  me not to the  marriage  of true minds
Admit  impediments  .Love is not love
Which  alters  when it   alteration finds
Or bends  with the remover  to  remove
........  .........    ...................

കാറ്റിലും കോളിലും  പെട്ട്  നട്ടം  തിരിയുന്ന  കപ്പലുകളെ  നേർവഴിക്ക്  നയിക്കുന്ന  ഒരു   Light House  ആയും , അത്യുന്നതങ്ങളിൽ    മാറ്റമില്ലാതെ  തിളങ്ങുന്ന  നക്ഷത്രമായും   കവി   പ്രണയത്തെ  കാണുന്നു . കാലത്തിൻറെ
പ്രയാണത്തിൽ  സുന്ദരമായ  മുഖത്ത്   ചുളിവുകൾ  വീണാലും   അത്  യഥാർത്ഥ പ്രണയത്തിന്  ഒരു  വിലങ്ങു തടിയല്ല  എന്ന്   കവി  സമർഥിക്കുന്നു . യഥാർത്ഥ പ്രണയം    ലോകാവസാനം   വരെ  നിലനില്ക്കുന്നതാണ് . താൻ  പറയുന്നത്   തെറ്റാണെങ്കിൽ   താൻ  കവിത
ഒന്നും  എഴുതിയിട്ടില്ല   എന്ന്   പറഞ്ഞു കൊണ്ടാണ്  കവിത   അവസാനിപ്പിക്കുന്നത് .

പ്രണയത്തെപ്പറ്റി   ആയിരമായിരം    കവിതകളും   കഥകളും  ഉണ്ട് .എന്നാൽ
നിത്യജീവിതത്തിൽ    അനശ്വര പ്രണയം   കണ്ടെത്താൻ   പ്രയാസമാണ് .പ്രത്യേകിച്ച്   ദക്ഷിണാഫ്രിക്ക  പോലുള്ള   രാജ്യങ്ങളിൽ . ഓസ്കാർ   Pistorius
ൻറെ   പതനം  തന്നെ   ഉദാഹരണം . പക്ഷേ   അത്തരം  ദുരന്തങ്ങളെപ്പറ്റി
ഈ   നല്ല  ദിവസത്തിൽ   ഓർക്കാതിരിക്കുക .

പണ്ടത്തെ     സിനിമകൾ   എല്ലാം    കമിതാക്കൾ   തടസ്സങ്ങൾ  എല്ലാം
നീങ്ങി   വിവാഹിതരാകുന്നതോടെ    ശുഭമായി  അവസാനിക്കുന്നവയായിരുന്നു . ഇന്ന്   അങ്ങനെ   പച്ചയായി   ശുഭമായി
അവസാനിക്കുന്ന   സിനിമകൾ  കുറവാണ് . യാഥാർത്യം
പൊതുവെ   എല്ലാവരും   അന്ഗീകരിക്കുന്നത് കൊണ്ടാണിത് . വിവാഹിതരായ   നായകനെയും   നായികയെയും  രണ്ടുകയ്യും  നീട്ടി സ്വീകരിക്കാൻ ഇന്ന്   പ്രേക്ഷകർ  തയ്യാറാണ് .


വിവാഹജീവിതം   ഒരു   റിലേ  ഓട്ടം  പോലെയാണ് .ഓട്ടങ്ങളിൽ   ഏറ്റവും
വിഷമം  പിടിച്ചതാണ്  റിലേ . Baton  കയ്യിൽ നിന്ന്  വീണു പോകരുത് .
Baton   കൈമാറുമ്പോൾ   താഴെ  വീഴരുത് .ട്രാക്ക്  മാറി  ഓടരുത് .പിഴവുകൾ
സംഭവിച്ചാൽ    അയോഗ്യരാകും . ഇവിടെ  baton  എന്ന്  പറയുന്നത്  പ്രണയമാണ് . ഭാര്യയും  ഭർത്താവും   വളരെ  ശ്രദ്ധിച്ച് ,സഹകരിച്ച്   ഓടിയാൽ  ഓട്ടം   പൂർത്തിയാക്കാൻ   കഴിയും .