KARIYILAPPIDAKALUDE DIVASAM ( malayalam )

  കരിയിലപ്പിടകളുടെ    ദിവസം 

ദക്ഷിണാഫ്രിക്കയിൽ    ശൈത്യകാലം   അവസാനിച്ചു  എന്നാണ് 
വിചാരിച്ചത് . ശൈത്യകാലത്തിന്റെ   പ്രതിരോധ സാമഗ്രിക ളായ 
blanket , jacket , heater    മുതലായവ   അടുത്ത   കൊല്ലം  ജൂണ്‍  വരെ 
ഭദ്രമായി    സൂക്ഷിച്ചു വെക്കാൻ   ഒരുങ്ങുകയായിരുന്നു . Spring ൻറെ 
വരവിനെ   സൂചിപ്പിച്ചു കൊണ്ട്   peach മരങ്ങളിൽ   പൂക്കൾ  വിടർന്നു .
               ഏപ്രിലിൽ    കഠിനമായ   തണുപ്പിൽ നിന്ന്  രക്ഷപ്പെടാൻ   നീണ്ട 
               അവുധിക്ക്   പോയ  weaver പക്ഷി    റാം   തിരിച്ചെത്തി . പീച് പൂക്കളെ 
                വട്ടമിട്ട്    തേനീച്ചകൾ   പറന്നു . മരങ്ങളിൽ   വിവിധ ഇനം  പക്ഷികൾ 
                നല്ല   കാലം   ആഘോഷിച്ചു . വീട്ടുമുറ്റത്ത്‌   പറന്നിറങ്ങിയ   Addidas 
                 കൊക്കുകൾ   ഏറുകണ്ണിട്ട്‌   നോക്കി . ജന്നലിൽ ക്കൂടി  നോക്കിയാലും 
                  അവർക്ക്   പിടികിട്ടും . അത്രനല്ല   കാഴ്ച ശക്തിയാണ്. നമ്മൾ 
                 നോക്കുന്നുണ്ട്   എന്ന്  പിടികിട്ടിയാൽ   ബഹളം വെച്ചുകൊണ്ട് 
                 അവർ   പറന്നുപോകും .

                വെള്ളിയാഴ്ച   കാലാവസ്ഥ   തകിടം   മറിഞ്ഞു . Winter വീണ്ടും 
                തിരിച്ചെത്തി , ജാമ്യത്തിൽ  ഇറങ്ങിയ   ഒരു  കള്ളനെ പോലെ . പാവം 
                റാം   കഴിഞ്ഞയാഴ്ച   ഒരു  കൂടിന്  ചട്ടക്കൂട്   തീർത്തതാണ് . തണുപ്പ് 
                സഹിക്കാനാവാതെ    അവൻ   എങ്ങോട്ടോ   പറന്നു   രക്ഷപ്പെട്ടു .

                 Eastern  Cape ലെ    മലയിടുക്കുകളിൽ    മഞ്ഞു വീണ്   ഗതാഗതം 
                 തടസ്സപ്പെട്ടു . ഇവിടെ   ഇന്നലെയും   ഇന്നും   പകൽ  താപനില 
                  10 -12 .

                  ഈ   തണുപ്പിനെ   ഇഷ്ടപ്പെടുന്ന   ഒരു   കൂട്ടരെ   കണ്ടു . കരിയില 
                  -പ്പിടകൾ . ഇവ  എല്ലാ ദിവസവും   ഞങ്ങളുടെ   തോട്ടത്തിൽ 
                   വരാറുള്ളതാണ്. ചെറിയ  ഇല്ലിക്കൂട്ടത്തിൽ   അവ   കളിച്ചു 
                   പറക്കുന്നത്  കാണാം . ഏകദേശം   50  എണ്ണം. അവയും   വളരെ 
                   sensitive   ആണ് . അടുത്തു ചെന്നാൽ  കൂട്ടത്തോടെ    പറന്നു പോകും .
                  ഒറ്റയ്ക്ക്   കാണുമ്പോൾ   പ്രത്യേക ഭംഗിയില്ലാത്ത   അവർ  കൂട്ടമായി 
                  പറക്കുമ്പോൾ   ഭംഗിയുണ്ട് . എല്ലാവരുടെയും   ചിറകടിശബ്ദം 
                  ഒന്നാകുമ്പോൾ  'ഭും ' എന്നൊരു   ശബ്ദം   കേൾക്കാം . കൂട്ടമായ 
                  പറക്കലിന്റെ   ഭംഗി , ഒരു   ഷാൾ   കാറ്റിൽ   പറക്കുന്നതുപോലെ .

                  ഒരു   പക്ഷേ  ഇന്ന്   കരിയിലപ്പിടകളുടെ   സംസ്ഥാന സമ്മേളനം 
                  ഇവിടെ  നടത്തിയെന്നു   തോന്നുന്നു . അമ്പതല്ല   അഞ്ഞൂറിലധികം 
                  കരിയിലപ്പിടകൾ . നഗരം   കാണാൻ   ഗ്രാമത്തിൽനിന്ന്   വൻ
                  നഗരത്തിലെത്തിയ    നിഷ്കളങ്കരായ   പ്രൈമറി സ്കൂൾ  കുട്ടികളെ -
                  പ്പോലെ , എന്തു കാണണം , എങ്ങോട്ടുപോകണം   എന്നറിയാതെ 
                  മരങ്ങൾ  തോറും   പറന്നു . നിലത്തിറങ്ങി   കലപില കൂട്ടി , വഴക്കു 
                  പിടിച്ചു . ഒരു  സ്ഥലത്ത്   ഒരു മിനിറ്റിൽ കൂടുതൽ   അവർ  
                  ചെലവഴിച്ചില്ല .  സമ്മേളനവേദിയെ ചൊല്ലിയുള്ള    തർക്കങ്ങളായി 
                  -രിക്കാം    കലഹത്തിനു    കാരണം .

                  അവർക്ക്    തീർച്ചയായും    പരാതികൾ   കാണും .  പ്രകൃതിയെ 
                   സംരക്ഷിക്കാൻ    യാതൊരു   നടപടിയും   ANC  ഭരിക്കുന്ന   നഗര 
                   സഭയിൽ നിന്ന്   ഉണ്ടാകുന്നില്ല . apartheid കാലത്ത്   മനോഹരമായി 
                   സംരക്ഷിക്കപ്പെട്ടിരുന്ന    ഒരു   പാർക്ക്‌  ഇന്ന്   നശിച്ചു 
                   കൊണ്ടിരിക്കുന്നു . പാവപ്പെട്ടവർ   അവിടെയുള്ള   ചില  മരങ്ങൾ 
                   വിറകിനു വേണ്ടി   വെട്ടി കൊണ്ടുപോകുന്നു . ഒരു  മരം പോലും 
                    പുതുതായി   വെച്ചുപിടിപ്പിക്കുന്നില്ല . പല  നഗരങ്ങളിലും 
                    ഇതാണ്   സ്ഥിതി . സ്വകാര്യ വ്യക്തികൾ   സംരക്ഷിക്കുന്ന  
                    മരങ്ങളാണ്    പക്ഷികൾക്ക്   അഭയം . മരങ്ങൾ   വെട്ടിക്കളയരുത് 
                    എന്ന്    കരിയിലപ്പിടകളുടെ    സംസ്ഥാന സമ്മേളനം   പ്രമേയം 
                    പാസ്സാക്കിക്കാണും .
               
               

TOILET പ്രശ്നങ്ങൾ

മൂന്നാം    ലോകം  എന്ന്‌  പറയുന്നത്   ഒരു   വലിയ  രാജ്യം
പോലെയാണ് . ഇവിടത്തെ   പ്രശ്നങ്ങൾ   സമാനമാണ് .
ഉദാഹരണത്തിന്   മഴക്കാലത്ത്‌    താഴ്ന്ന   പ്രദേശങ്ങളിൽ
വെള്ളം   കയറി  സാധാരണക്കാരായ   ജനങ്ങളുടെ   ജീവിതം
ദുസ്സഹമാകുന്നു . വീടുകളിൽ   വെള്ളം  കയറി   ജനങ്ങൾ
വളരെ    ദുരിതം   അനുഭവിക്കുന്നത്   കേരളത്തിൽ  ഈയിടെ
കണ്ടു . ദക്ഷിണാഫ്രിക്കയിലും   ഇതുപോലുള്ള  വെള്ളപ്പൊക്കവും
വീടുകളിൽ   വെള്ളം  കയറുന്നതും  എല്ലാ വർഷവും
ആവർത്തിക്കാറുണ്ട്‌ . പ്രകൃതി  ദുരന്തങ്ങൾ   എല്ലാ
രാജ്യങ്ങളിലും   സംഭവിക്കാറുണ്ട് . എന്നാൽ   ഒന്നാം  രാജ്യങ്ങളിൽ
ജനങ്ങൾക്ക്‌   ജനങ്ങളുടെ    രക്ഷക്ക്  ഉടനടി   പരിഹാരം
എത്തിക്കാൻ   സംവിധാനമുണ്ട്   എന്നതാണ്   ഒരു  വ്യത്യാസം .

രാഷ്ട്രീയം   കേരളത്തിലും   ഇന്ത്യയിൽ   ഒട്ടാകെയും  പൊതുവെ
ജനങ്ങൾക്ക്‌   താൽപ്പര്യമില്ലാത്ത    വിഷയമായി  എന്നതിന്
ലക്ഷണങ്ങൾ   കാണുന്നുണ്ട് . മോദി തരംഗം   അവസാനിച്ചെന്ന്
തോന്നുന്നു . കേരളത്തിലാണെങ്കിൽ   പണ്ടേ   യാതൊരു
തരംഗവും    ഇല്ല . ഇനി   രാഷ്ട്രീയം   ചൂടുപിടിക്കണമെങ്കിൽ
അടുത്ത   election   വരണം , ചുരുക്കം   ഒരു  ഉപതെരഞ്ഞെടുപ്പെങ്കിലും .

ഈ   കാലഘട്ടത്തിൽ   ചാനലുകൾ   മറ്റുവിഷയങ്ങളിലേയ്ക്ക്‌
ശ്രദ്ധ   തിരിക്കുന്നത്   സ്വാഭാവികമാണ് . അങ്ങനെയാണ്  ഏഷ്യാനെറ്റ്‌
ചില   സ്കൂളുകളിലെ   toilet കളുടെ   ശോചനീയമായ   അവസ്ഥ
വെളിച്ചത്ത്   കൊണ്ടുവന്നത് .

''  ഉണ്ണിയെ  കണ്ടാൽ  അറിയാം  ഊരിലെ  പഞ്ഞം .''  എന്ന്   പറയുന്നതു
പോലെ   ഒരു  രാജ്യത്തെ   പൊതു toilet കളുടെ   അവസ്ഥ  കണ്ടാൽ
ആ   രാജ്യത്തെ   ജനങ്ങ ളുടെ   നിലവാരം   അറിയാം.

ചില വാക്കുകൾ   വായിക്കാനും   പറഞ്ഞു കേൾക്കാനും  ആ
വാക്കുകൾ  സൂചിപ്പിക്കുന്ന   വസ്തുക്കൾ  കാണാനും  നമ്മൾ
ഇഷ്ടപ്പെടുന്നില്ല . ഉദാഹരണമായി   ചർദ്ദി , മലമൂത്രവിസർജ്ജനം,
ഉപയോഗിച്ച   സിറിഞ്ച് , പഴകിയ  ഇറച്ചി   മുതലായവ .
മൂത്രപ്പുര   എന്ന   വാക്ക്  അറപ്പും  വെറുപ്പും  ഉളവാക്കുന്ന
ഒന്നാണ് . ജീർണ്ണതയുടെ   എല്ലാ  അംശങ്ങളും  അതിൽ   അടങ്ങിയിട്ടുണ്ട് .
അതുകൊണ്ടാണ്   10  മണിക്കൂർ   മൂത്രമൊഴിക്കാതെ  സഹിച്ച്
ബസ്സിൽ   യാത്ര ചെയ്താലും  മൂത്രപ്പുരയിൽ  കയറാൻ  പലരും
മടിക്കുന്നത് . മൂത്രപ്പുര   മോശമായതുകൊണ്ട്   സ്കൂൾ  കുട്ടികൾ
അവയിൽ   കയറാതെ   ദിവസം  മുഴുവൻ  തള്ളി  നീക്കുന്നതായും
പെണ്‍കുട്ടികൾക്ക്   ഇത്   ആരോഗ്യപ്രശ്നങ്ങൾ  ഉണ്ടാക്കുന്നതായും
ഏഷ്യാനെറ്റ്‌   അന്വേഷണം  വെളിപ്പെടുത്തുന്നു .

' മൂത്രപ്പുര ' എന്ന  വാക്കുതന്നെ   കാലഹരണപ്പെട്ടതാണ് . വിറകുപുര ,
പുകപ്പുര , വാദ്യപ്പുര  എന്നൊക്കെ   കേട്ടിട്ടുണ്ട് . വിറക്  സൂക്ഷിക്കുന്ന
പുര   വിറകുപുര . മൂത്രം   സൂക്ഷിക്കുന്ന  പുരയാണോ   മൂത്രപ്പുര ?
ശരിയാണ് . മൂത്രം   പൂർണ്ണമായി  ഒഴുകിപ്പോകാതെ   കെട്ടിനിന്ന് ,
ദുർഗന്ധം   വമിക്കുന്ന   പുരയാണ്   മൂത്രപ്പുര. നാറ്റോയുടെ   ആസ്ഥാനം
Brussels   ആണെന്ന്   നമ്മൾ   കേട്ടിട്ടുണ്ട് . നാറ്റത്തിന്റെ   ആസ്ഥാനമാണ്‌
മൂത്രപ്പുര . മൂത്രപ്പുര , കക്കൂസ് , കുളിമുറി  എന്നിവയ്ക്ക്  പകരം
toilet , bathroom  എന്ന്  പറഞ്ഞാൽ    അറപ്പും  വെറുപ്പും
തോന്നുകയില്ല . ഇന്ന്   ആരെങ്കിലും   സ്വന്തം  വീട്ടിലെ
toilet ന്   കക്കൂസ്സ്   എന്ന്   പറയുമെന്ന്   തോന്നുന്നില്ല .

toilet   സൌകര്യങ്ങൾ    തീരെ കുറവുള്ള   രാജ്യമാണ്  ഇന്ത്യ . മനുഷ്യൻറെ   dignityയെ  ഏറ്റവും   ബാധിക്കുന്ന
കാര്യമാണ്    toilet . Apartheid  കാലത്ത്  ദക്ഷിണാഫ്രിക്കയിൽ
കരുമ്പർക്കു  വീട് ,ശുദ്ധജലം, toilet  സൌകര്യങ്ങൾ  എന്നിവ
വേണ്ടത്ര   സൌകര്യങ്ങൾ   ഇല്ലായിരുന്നു . ബക്കറ്റ്‌ toilet ഉം
തോട്ടിപ്പണിയും    സാധാരണമായിരുന്നു . ഇപ്പോൾ
സ്ഥിതിഗതികൾ    വളരെ   മെച്ചപ്പെട്ടിട്ടുണ്ട് .

ചില  ഗ്രാമീണസ്കൂളുകളിൽ   കേരളത്തിലെ   അതേ  സ്ഥിതിയാണ്    toilet  കാര്യത്തിൽ   ഉള്ളത് . സർക്കാർ
ഈ  കാര്യത്തിൽ   പണം  മുടക്കാഞ്ഞിട്ടല്ല  ഇത് . വിദ്യാർത്ഥികളുടെ    അച്ചടക്കമില്ലായ്മ  കാരണം
toiletകൾ   നശിക്കുന്നു . പുകവലി , മയക്കുമരുന്ന്   മുതലായവയുടെ    ഒരു  ഒളിത്താവളമായി   toilet
ഉപയോഗിക്കുന്നു . സ്കൂൾ   അധികൃതരോ    ആരോഗ്യ
അധികൃതരോ   പരിശോധനകൾ   നടത്താറില്ല .

റോഡ്‌ മാർഗ്ഗം    സഞ്ചരിക്കുന്നവർക്ക്    ഇവിടെ  toilet
സൌകര്യങ്ങൾ   വേണ്ടത്ര   ഉണ്ട് . പെട്രോൾ    സ്റ്റേഷൻകളിൽ  പൊതുവെ   വൃത്തിയുള്ള   toilets   ഉണ്ട് ,
ഇതു മാത്രമല്ല , വളരെ   വിശാലമായ   രാജ്യമായതിനാൽ
വഴിയരികിൽ    വാഹനം   നിറുത്തി , കുറ്റിക്കാട്ടിൽ  മൂത്രമൊഴിക്കാൻ    സാധിക്കും . സ്വകാര്യത  ഒട്ടും
നഷ്ടപ്പെടാതെ .

2012   ഡിസംബർ  മാസത്തിൽ   ഞാൻ    Bangaloreൽ  നിന്ന്
കോട്ടയത്തേക്ക്    Luxury   ബസ്സിൽ   യാത്ര  ചെയ്തു. യാത്ര
ദുരിതപൂർണ്ണമായിരുന്നു . രാത്രി   8 മണിക്ക്   ബസ്‌  പുറപ്പെട്ടു .ഒരു മണിക്കൂർ   കഴിഞ്ഞ്   ഒരു   ചെറിയ
ടൌണ്‍ൽ   ബസ്  നിറുത്തി, കാപ്പി  കുടിക്കാനും   toiletൽ
പോകാനും  സമയം  കിട്ടി . പിന്നെ   ഒരിക്കലും   ഈ
ആവശ്യങ്ങൾക്കുവേണ്ടി   ബസ്‌  നിറുത്തിയില്ല .യാത്രക്കാർ    ആരും   ഈ   ആവശ്യം   ഉന്നയിച്ചുമില്ല . കോട്ടയത്ത്‌
എത്തിയപ്പോൾ    എട്ടര   മണിയായി . മൂത്രം   പിടിച്ചു
വെക്കുന്നതിൽ    യാത്രക്കാർക്ക്    നല്ല   പരിചയമുള്ളതായി
മനസ്സിലായി . പരിചയമില്ലാത്ത   ഞാൻ  ഞെളിപിരി കൊള്ളുകതന്നെ   ചെയ്തു . മേലിൽ   'luxury ' ബസ്‌   യാത്ര
ചെയ്യുകയില്ലെന്ന്    തീരുമാനിച്ചു .

LIQUOR POLICE ( SHORT PLAY )

LIQUOR   പോലീസ് (  short  play )

AD    2024 
(  ചാക്കോച്ചന്റെ   ഫ്ലാറ്റ് . കർട്ടൻ   ഉയരുമ്പോൾ  ചാക്കോച്ചന്റെ 
6   സുഹൃത്തുക്കൾ   ഡൈനിങ്ങ്‌   TABLEന്  ചുറ്റും   ഇരിക്കുന്നു .
TABLE ൽ   കുറെ   Coke ൻറെയും സോഡയുടേയും   കുപ്പികൾ 
ഉണ്ട് . പല   പ്ലേറ്റ്കളിൽ   ചിക്കൻ , പോർക്ക്‌ , ബീഫ്  മുതലായവ 
വറുത്തതും   പൊരിച്ചതും  ഉണ്ട് . അവർ  തിന്നുകൊണ്ടിരിക്കുന്നു . അൽപ്പ നേരം   കഴിഞ്ഞ്   ചാക്കോച്ചൻ (60)
പ്രവേശിക്കുന്നു . SHIRTനുള്ളിൽ  നിന്ന്   CHIVAZ  REGAL ൻറെ  ഒരു   കുപ്പി   എടുത്ത്  മേശയിൽ    വെക്കുന്നു . എല്ലാവരും   കയ്യടിക്കുന്നു .)

                                        സുഹൃത്ത്  1

 എവിടെ   നിന്ന്   ഒപ്പിച്ചു ?

                               ചാക്കോ
ഒന്നും   പറയണ്ട . കുറെ   പാടുപെട്ടു . തേടാത്ത  സ്ഥലമില്ല .
ഒരു  വിധത്തിലാണ്   ഇവിടം   വരെ  എത്തിയത് . Liquor
Policeൻറെ   ചെക്കിംഗ്  അല്ലേ   എല്ലായിടത്തും .

                               സുഹൃത്ത്  2

എന്തു വിലയായി ?

                                  ചാക്കോ

അതിഥികളെ   വിളിച്ചു   വരുത്തിയിട്ട്   കുപ്പിയുടെ   വില
പറയുന്നത്     ശരിയാണോ ?  സമയം   കളയണ്ടാ . നമുക്ക്
തുടങ്ങാം .

(  കുപ്പി  തുറന്ന്   ഗ്ലാസ്സുകളിൽ   ഒഴിക്കുന്നു . )

                                        സുഹൃത്ത്  3

Cheers . Happy   60th   birthday , ചാക്കോ .

                                         എല്ലാവരും

Cheers . Happy   ഷഷ്ടിപൂർത്തി , ചാക്കോച്ചൻ

(  അവർ   കുടിച്ചുകൊണ്ട്    സംസാരിച്ച്   ഇരിക്കുന്നു . 10
മിനിറ്റ്   കഴിയുമ്പോൾ    doorൽ   മുട്ടു കേൾക്കുന്നു . ചാക്കോ
Chivaz ൻറെ   കുപ്പി   ഒളിപ്പിക്കുന്നു . സാവധാനം   വാതിൽ
തുറക്കുന്നു . ഇൻസ്പെക്ടർ   സോമൻ  ( 40 )  പ്രവേശിക്കുന്നു . )
                                        സോമൻ

എന്താ   ഇവിടെ    പരിപാടി  ?

                                      സുഹൃത്ത്  4

ഒന്നുമില്ല . ഈ   ചാക്കോച്ചന്റെ   ഷഷ്ടിപൂർത്തി  ആണ് .
ഞങ്ങളെല്ലാവരും   കൂടി   വെറുതെ ......

 (  സോമൻ   ചുറ്റിനടന്ന്   പട്ടിയെപോലെ   മണം  പിടിക്കുന്നു .  )
                                          സോമൻ

ഇവിടെ    മദ്യത്തിൻറെ   മണമുണ്ടല്ലോ ? സോറി . ഞാൻ
പരിചയപ്പെടുത്താൻ   മറന്നു . ഞാൻ  Liquor  Police   സ്പെഷ്യൽ   ബ്രാഞ്ച്   ഇൻസ്പെക്ടർ   സോമൻ . ഇവിടെ
മദ്യപാനം   നടക്കുന്നതായി   എനിക്ക്   രഹസ്യ സന്ദേശം
ലഭിച്ചതുകൊണ്ട്    വന്നതാണ് . ( ID കാണിക്കുന്നു ).

                                       ചാക്കോ

മദ്യമോ ? ഇവിടെയോ ? വെറും   soft  drinks  ആണ്  ഞങ്ങൾ
കുടിക്കുന്നത് . സംശയമുണ്ടെങ്കിൽ    കുടിച്ചു നോക്കിക്കോളൂ . 

                                       സോമൻ

ഉള്ള   സത്യം   പറഞ്ഞാൽ   ഒരു  fine  കൊടുത്ത്   രക്ഷപ്പെടാം . അല്ലെങ്കിൽ   6   മാസം  വരെ    തടവ്‌  കിട്ടാവുന്ന    ഗുരുതരമായ    കുറ്റമാണ് .

                                    ചാക്കോ

ഞാൻ   പറഞ്ഞില്ലേ , ഇത്   soft   drink   ആണ് .

 (  സോമൻ   ഒരു  ഗ്ലാസ്‌   എടുത്ത്  കുടിക്കുന്നു . നെറ്റി  ചുളിക്കുന്നു . രുചി   ഇഷ്ടപ്പെടുന്നു . സംശയം  തീർക്കാനായി   എല്ലാ   ഗ്ലാസ്സിൽ  നിന്നും   കുടിക്കുന്നു . ഇടയ്ക്ക്   porkഉം  ബീഫും   ചിക്കനും   തിന്നുന്നു . മദ്യം
തലയ്ക്ക്   പിടിച്ചതിന്റെ   ലക്ഷണങ്ങൾ   കാണിക്കുന്നു .
 ഗൌരവം   മാറി   വളരെ   സന്തോഷവാനാകുന്നു )

                                           സോമൻ

soft  drink   ആണ് .സമ്മതിച്ചു .  അതായത്   തൊണ്ടയിൽക്കൂടി   soft  ആയി   ഇറങ്ങും . ഒരു  തൂവൽ സ്പർശം  പോലെ .
നല്ല   സാധനമാ . നാടനല്ല , ഉറപ്പാ . ഇരിക്ക്   സാറന്മാരെ .
ഞാൻ    കേസ്   എടുക്കും , ആ   കുപ്പി   മേശയിൽ   വെച്ചില്ലെങ്കിൽ .

    ( ചാക്കോച്ചൻ    Chivaz ൻറെ  കുപ്പി   മേശയിൽ   വെക്കുന്നു .)
                                    സോമൻ

(  ചാക്കോയെ   കെട്ടിപ്പിടിക്കുന്നു . കാലിടറി   വീഴുന്നു . എല്ലാവരും  കൂടി   പിടിച്ച്   എഴുനേൽപ്പിക്കുന്നു .)

സോറി  Mr ചാക്കോ . ഞാൻ   നിങ്ങളുടെ   ഷഷ്ടിപൂർത്തി
പാർട്ടി   കുളമാക്കി . എന്തുചെയ്യാം , ഇത്  എൻറെ  ജോലി
യായിപ്പോയി . ഇഷ്ടമുണ്ടായിട്ടല്ല . ഉണ്ട  ചോറിന്  നന്ദി
കാണിക്കണ്ടേ . സമ്പൂർണ്ണ മദ്യനിരോധനം  പോലും . വിനാശ കാലേ   വിപരീതബുദ്ധി  എന്നല്ലാതെ
എന്തുപറയാനാ . ( ഗ്ലാസ്സ്  നീട്ടുന്നു )  കുറച്ചുകൂടി   ഒഴിക്ക്
സാറെ ..എൻറെ   മന:പ്രയാസം   കുറയ്ക്കാനാ ... ഒഴിക്ക്
..നല്ല   സാധനമാ ..  പോർക്ക്‌   ഉഗ്രൻ ... സാറെ   വാല്   തലയെ   നയിക്കുന്ന   കാലമാ   ഇത് ...  ഞങ്ങൾ   മദ്യം  പിടിക്കാൻ    മണത്തു മണത്തു  നടക്കുമ്പോൾ    ഗുണ്ടകളും
ഗുണ്ടികളും   നാട്ടിൽ   വിലസുകയാ ...   പണ്ട്   ആ  ഉമ്മൻ
ചാണ്ടിയും    സുധീരനും  കൂടി   ഒപ്പിച്ച   പണിയാ ....
ആകട്ടെ    സാറെ    പോലീസിന്റെ    യഥാർത്ഥ   പണി
എന്താ ?   സാറ്തന്നെ    പറ ....   എന്നതാ  ?   സാറ്   പറ ..

                                            ചാക്കോ

പേർസണൽ   ആയിട്ട്   പറയുകയാണെങ്കില് ......

                                              സോമൻ

എന്താ ...   ജനങ്ങളെ     ഗുണ്ടകളിൽ നിന്ന്   രക്ഷിക്കണം ..
അതാണ്‌   പോലീസിൻറെ    ജോലി ...  എനിക്കത്   സാധിക്കുന്നില്ല ...   ഞാൻ   വെറുതെ  സമയം   കളയുകയാണ് ..  അതുകൊണ്ട്   ഈ   ജോലി   എനിക്കിനി
വേണ്ട ..സാറെ    ഒരു  കടലാസ്സും    പേനയും   താ ...  ഞാൻ
ഇപ്പോൾതന്നെ    രാജി   വെക്കുകയാണ് ...

                                      ചാക്കോ
 ഓ , രാജിയൊന്നും    വേണ്ടാ .

                (  സോമൻറെ   പോക്കറ്റിൽ   ഫോണ്‍  അടിക്കുന്നു .
അയാൾ   ഫോണിനു വേണ്ടി   തപ്പുന്നു .  എടുത്തുകഴിയുമ്പോൾ    ഫോണ്‍ ബെൽ  നിൽക്കുന്നു . തപ്പിത്തടഞ്ഞ്   ഡയൽ  ചെയ്യുന്നു . '' താങ്കൾ  വിളിച്ച  നമ്പർ
നിലവിൽ  ഇല്ലാ '' എന്നു  കേൾക്കുന്നു .)

                                       ചാക്കോ

ഫോണ്‍   തരൂ . ഞാൻ  വിളിച്ചു തരാം .

                                        സോമൻ

എൻറെ   ഭാര്യ   ആയിരിക്കും .
                                   
    ( ചാക്കോ   ഫോണ്‍   ചെവിയോട്  ചേർത്ത്  പിടിച്ചു
കൊടുക്കുന്നു . )

                                     സോമൻ

സോറി  ഡിയർ ...   ഇന്ന്   വൻമദ്യവേട്ടയായിരുന്നു ....ഇപ്പം
എത്തിയേക്കാം . ഒത്തിരി  മദ്യം  പിടിച്ചു ...  അതാ  വൈകിയത് .. അതെ   ഒത്തിരി  പിടിച്ചു ...( aside )  എൻറെ
തലക്കാണെന്നു മാത്രം ...

    (  എല്ലാവരും    ചിരിക്കുന്നു )


                                
 

madyapanachinthakal

  മദ്യപാനചിന്തകൾ

     പൂട്ടിയ    ബാറുകൾ   തുറക്കുകയില്ലായെന്ന   തീരുമാനം
 സ്വാഗതാർഹമാണ് . എന്നാൽ   ഒടുവിൽ   സമ്പൂർണ്ണ മദ്യ
നിരോധനം   നടപ്പാക്കുമെന്നു പറയുന്നത്   ഒരു  Utopian
ആശയമാണ് .  അത്   നടപ്പാക്കാൻ   സാധിക്കുകയില്ല . ഉദാഹരണമായി   സ്ത്രീധനം   നിയമവിരുദ്ധമാണെന്ന്
കേട്ടിട്ടുണ്ട് . പക്ഷേ   ഇതിന്  ഒട്ടുപാൽ വില   പോലും  ആരും   കല്പ്പിക്കുന്നില്ല .

നിയമങ്ങളെ   ധിക്കരിക്കുക  എന്നത്   ഒരു   നാട്ടു നടപ്പാണ് .
ഹെൽമെറ്റ്‌  ധരിക്കാതെ   എത്രയോ പേർ   ബൈക്ക്   ഓടിക്കുന്നു ! എവിടെ  നോക്കിയാലും  ട്രാഫിക്‌ നിയമ
ലന്ഘനങ്ങൾ    കാണാം. നികുതി   കൊടുക്കാതെ  വൻതോതിൽ   സ്വർണ്ണം   ഒളിപ്പിച്ച്  കൊണ്ടുവരുന്നത്  കുറ്റകരമാണ് . പക്ഷേ  ചിലർ  ഇതിന്  ചെമ്പുവില  കല്പ്പിക്കുന്നില്ല . കൈക്കൂലി   വാങ്ങുന്നത്   കുറ്റകരമാണ് .
പക്ഷേ   കൈക്കൂലി   തുടരുന്നു . മയക്കുമരുന്ന്   കൈവശം
വെക്കുന്നത്   കുറ്റകരമാണ് . പക്ഷേ   അതിൻറെ  പ്രചാരം
കൂടിവരികയാണ് . ഇതിൽ നിന്ന്   മനസ്സിലാക്കാം  സമ്പൂർണ്ണമദ്യനിരോധനം   ഒരിക്കലും   നടപ്പാക്കാൻ
സാധിക്കുകയില്ല . എന്നാൽ  മദ്യത്തിൻറെ   ഉപയോഗം
കുറയ്ക്കാൻ    സാധിക്കും .

മദ്യവിപത്ത്   ഏറ്റവും   ദോഷമായി   ബാധിച്ചിട്ടുള്ള   ഒരു
രാജ്യമാണ്   ദക്ഷിണാഫ്രിക്ക. നെൽസണ്‍  മണ്ടേലയുടെ
നേതൃത്വത്തിൽ    ദക്ഷിണാഫ്രിക്ക   ഒരു  ജനാധിപത്യരാജ്യമായി   മാറിയ   നല്ല കഥ   എല്ലാവരും
കേട്ടിട്ടുണ്ട് . എന്നാൽ   20  വർഷങ്ങൾക്കു ശേഷം   വിലയിരുത്തുമ്പോൾ   പ്രതീക്ഷിച്ചമാതിരി    പുരോഗമനം
നേടാൻ    ദക്ഷിണാഫ്രിക്കയ്ക്ക്    സാധിച്ചിട്ടില്ല . അമിതമായ
മദ്യപാനം   പുരോഗതിക്ക്   ഒരു   വിലങ്ങുതടിയാണ് .

ഒരു   violent  society യായി    ദക്ഷിണാഫ്രിക്ക    അറിയപ്പെടുന്നു . പുറമേ   നോക്കിയാൽ    അങ്ങനെ  തോന്നുകയില്ല . കൊലപാതകം , rape , സായുധ കവർച്ച ,
മുതലായവയ്ക്ക്   പുറമെ    റോഡ്‌  അപകടങ്ങളും   ഇവിടെ   ഏറെയാണ്‌ . ഒരു  ദിവസം   ശരാശരി   50  കൊലപാതകങ്ങൾ    നടക്കുന്നു   എന്നാണ്   കണക്ക് . 2011
നവംബർ , ഡിസംബർ   മാസങ്ങളിൽ   1932 പേർ   റോഡ്‌
അപകടങ്ങളിൽ   മരിച്ചു . 2012 ലെ   ആദ്യത്തെ   മൂന്നു
മാസങ്ങളിൽ   2359 പേർ   റോഡ്‌ അപകടങ്ങളിൽ  മരിച്ചു .
ഒരു   സർവ്വേ   സൂചിപ്പിക്കുന്നത്   മൂന്നിൽ   ഒരു  സ്ത്രീ
ജീവിതത്തിൽ   എന്നെങ്കിലും   rape  ചെയ്യപ്പെട്ടിട്ടുണ്ട്  എന്നാണ് .  നാലിൽ   ഒരു  പുരുഷൻ   rape  ചെയ്തിട്ടുള്ളവനാണ് . ഇതിനെല്ലാം    പുറകിൽ   മദ്യത്തിൻറെ    സ്വാധീനം   ഉണ്ട് .

ഒരു   പരീക്ഷയിൽ   essay   എഴുതാൻ   ഒരു  വിഷയം ,'' എൻറെ   ജീവിതത്തിൽ    മറക്കാനാവാത്ത   അനുഭവം ''
എന്നായിരുന്നു . 16   വയസ്സുള്ള   ഒരു  പെണ്‍കുട്ടി  താൻ
rape  ചെയ്യപ്പെട്ടതിനെ പ്പറ്റി    എഴുതി. ഞാൻ   ആ  കുട്ടിയെ
വിളിച്ച്   ചോദിച്ചു ,' ഇത് കെട്ടുകഥയാണോ   നേരാണോ
എന്ന്. നേരാണ്  എന്ന്   അവൾ   പറഞ്ഞു . കേസ്  തേഞ്ഞുമാഞ്ഞു പോയെന്നും    പറഞ്ഞു . ആ  ദുരനുഭവത്തിന്റെ   വ്യഥ   അവളുടെ   മുഖത്ത്   കണ്ടില്ല .
അധ്യാപകൻ   rape  ചെയ്ത   ഒരു  പെണ്‍കുട്ടിയെയും  എനിക്കറിയാം . അവൾക്കും   വ്യഥയില്ല. കുട്ടികൾക്കും
സ്ത്രീകൾക്കും   എതിരെ   കൊടും ക്രൂരത   നിലനിൽക്കുന്നു . ഒരുമാസം   മുമ്പ്   ഒരു  കാർ മോഷണത്തിനിടയിൽ     നാലുവയസ്സുള്ള  ഒരു  കുട്ടി   ഡോറിൽ   കുടുങ്ങി . മോഷ്ടാക്കൾ   കുട്ടിയെ  ഏതാനും
കിലോമീറ്റർ ദൂരം   വലിച്ചിഴച്ച്  കൊണ്ടുപോയി . കുട്ടി
മരിച്ചു . പിഞ്ചുകുഞ്ഞുങ്ങളെ   rape ചെയ്ത്  കൊല്ലുന്ന
സംഭവങ്ങൾ   സാധാരണയാണ് . ഇത്തരം   ക്രൂരകൃത്യങ്ങൾക്ക്    പ്രേരണ    കൂടുതലും  മദ്യം , മയക്കുമരുന്ന്   എന്നിവയിൽ  നിന്നാ ണ് .

കുടുംബജീവിതത്തിന്റെ    തകർച്ചയാണ്   മദ്യവിപത്ത്
സൃഷ്ട്ടിച്ചിരിക്കുന്ന   പ്രധാന പ്രശ്നം . മദ്യപാനം  അവിഹിതബന്ധത്തിലേക്ക്    നയിക്കുന്നു . ഫലം  വിവാഹമോചനം . അല്ലെങ്കിൽ   എയിഡ്സ്   രോഗം .
'' എൻറെ   അച്ഛനും   അമ്മയും   വേർപിരിഞ്ഞു .'', '' എനിക്ക്   അച്ഛൻ  ഇല്ല , അമ്മയേ  ഉള്ളൂ .''  എനിക്ക്  അച്ഛനും   അമ്മയും  ഇല്ല .''  കുട്ടികളുടെ   വിവരങ്ങൾ
ശേഖരിക്കുമ്പോൾ   അവർ   പറയാറുള്ളതാണ്  ഇത് .

മദ്യപാനം   ഏറ്റവുമധികം    ദോഷമായി    ബാധിക്കുന്നത്
പാവപ്പെട്ടവരേയും    തൊഴിലാളികളേയും   ആണ് . അവർ
താമസിക്കുന്ന    പ്രദേശങ്ങളിൽ   കുടിയും   അക്രമവും
കൂടുതലാണ് . ലൈസെൻസ്   ഇല്ലാതെ   പ്രവർത്തിക്കുന്ന
മദ്യശാലകൾക്ക്    shebeen   എന്ന്   പറയുന്നു . പാവപ്പെട്ടവരുടെ   വേതനം   മദ്യമായി    ഒലിച്ചുപോകുന്നത്     ഈ    ശേബീനുകളിൽ   ആണ് .പാവപ്പെട്ടവർക്ക്     social  grant   കിട്ടുന്ന   പണത്തിൽ
ഒരു  നല്ല  പങ്കും   മദ്യത്തിൽ   ഒലിച്ചുപോകുന്നു . ചുരുക്കി
പറഞ്ഞാൽ     നികുതിദായകന്റെ    പണം   മദ്യത്തിൽ
അവസാനിക്കുന്നു .

വിദ്യാർത്ഥികളിൽ    ചിലർ  മദ്യം   കഴിക്കുന്നവരാണ്‌ .
ഒരു   വിനോദയാത്രയ്ക്കു പോയാൽ   മദ്യപാനമാണ്   പ്രധാന  ലക്ഷ്യം . സ്പോർട്സ്  മേളയ്ക്ക്  പോകുമ്പോഴും
മദ്യപാനമാണ്    ലക്ഷ്യം . കരുമ്പരുടെ   സ്കൂളുകളിലാണ്
മദ്യം    കഴിക്കുന്ന   കുട്ടികൾ  ഉള്ളത് . അതുകൊണ്ടാണ്
വിദ്യാഭ്യാസനിലവാരത്തിലും    സ്പോർട്സിലും   കെന്യ ,
നൈജീരിയ , എത്തിയോപിയ   മുതലായ   മുതലായ
ആഫ്രിക്കൻ    രാജ്യങ്ങളുടെ   അടുത്തുപോലും   ദക്ഷിണാഫ്രിക്ക    എത്താത്തത് .

ഞാൻ   താമസിക്കുന്ന   ഡെലരെയ്വില്ലെ   എന്ന  ചെറിയ
ടൌണ്‍ൽ    5   bottle  store കൾ   ഉണ്ട് . ക്യൂ   നിൽക്കാതെ
മദ്യം    ഏതുവേണമെങ്കിലും   കിട്ടും . ബാറുകൾക്ക്
പ്രാധാന്യമില്ല . ആവശ്യക്കാർ    വാങ്ങി  എവിടെയെങ്കിലും
ഒത്തുകൂടി   കുടിക്കും .

5   bottle  store  ഉള്ള   ടൌണ്‍ൽ     പേരിനു മാത്രം  ഒരു  ലൈബ്രറി  ഉണ്ട് . ഈ  രാജ്യത്ത്   വായനയുടെ   ഒരു
സംസ്കാരം    പൊതുവെ   ഇല്ല . ചില  അധ്യാപകർ  വൈകിട്ട്   നിത്യവും   ഒത്തുകൂടുന്ന   ഒരു    ശേബീൻ  ഉണ്ട് .

ചില  വിശേഷ അവസരങ്ങളിൽ    അൽപ്പം   മദ്യം   കഴിക്കുന്നത്‌    ഒരു   മോശമായ   പ്രവർത്തിയായി   കാണാൻ    കഴിയുകയില്ല . മദ്യപാനത്തെ  സൂചിപ്പിക്കുന്ന
വാക്കുകൾ    ഒരു   മോശമായ   ധ്വനിയാണ്   സൂചിപ്പിക്കുന്നത് .  '' കുടി '', 'കുടിയൻ ', 'വെള്ളമടി ', 'മദ്യപിച്ചു ', 'മദ്യപാനി '  മുതലായവ . വല്ലപ്പോഴും  ഉത്തരവാദിത്തത്തോടെ    അല്പം   മദ്യം   കഴിക്കുന്നയാൾ
കുടിയനല്ല . അതിന്   വേറെ   വാക്ക്   ഉണ്ടോയെന്നറിയില്ല .
sip   എന്ന  വാക്ക്  കടമെടുത്ത്   'സിപ്പുക ' എന്ന   വാക്ക്
ഉണ്ടാക്കാം . ഞാൻ  ശനി , ഞായർ  ദിവസങ്ങളിൽ  മിതമായി  സിപ്പുന്ന   ആളാണ് . അഥിതികൾ   വന്നാലും
സിപ്പും .

സഖറിയ   BBC യോട്    പറഞ്ഞതു പോലെ   സമ്പൂർണ്ണ മദ്യ
നിരോധനം   എന്ന   ആശയം   ഭ്രാന്ത്   ആണ് . സിപ്പുക
എന്നത്    മൌലികാവകാശമാണ് . ഇറാനിലെ  പെണ്‍കുട്ടികൾ    jeans  ധരിക്കണമോയെന്ന്   തീരുമാനിക്കുന്നത്‌    അവിടത്തെ   മതമേധാവികൾ   ആണ് .
സൗദി  അറേബ്യയിൽ   സ്ത്രീകൾ  drive  ചെയ്യാൻ   പാടില്ല .
North Korea യിൽ  പുരുഷന്മാർ   മുടി എങ്ങനെ  വെട്ടണം
എന്ന്   തീരുമാനിക്കുന്നത്‌   അവിടം   ഭരിക്കുന്ന   തടിമാടനാണ് . ജനാധിപത്യ രാജ്യമായ   ഇന്ത്യയിൽ   സമ്പൂർണ്ണമദ്യനിരോധനം    നടപ്പാകാൻ   പോകുന്നില്ല .

സ്ഥിരമായ   മദ്യപാനം   തീർച്ചയായും   നിരുല്സാഹപ്പെടുത്തണം . അച്ഛന്മാർ   ജോലി കഴിഞ്ഞ്
വീട്ടിൽ പ്പോയി   കുട്ടികളെ  പഠനത്തിൽ   സഹായിക്കണം .
കുപ്പി ഉപേക്ഷിച്ച്   പുസ്തകങ്ങൾ   വാങ്ങണം . അങ്ങനെ
ചെയ്‌താൽ    കുടുംബങ്ങളും   രാജ്യവും   നന്നാകും .

സിപ്പികളെ   വെറുതേ   വിടുക . ഞങ്ങളും   മദ്യപാന
ശീലത്തിന്   എതിരാണ് .

മദ്യത്തിൽ നിന്നുള്ള   വരുമാനം   കുറയുന്ന   സാഹചര്യത്തിൽ    കമ്മി  നികത്താൻ   ആദരണീയനായ
മാണി സാറിന്   ഇനി   ഒരു  മാർഗമേയുള്ളൂ . 18 വയസ്സിൽ
കൂടുതലുള്ള  എല്ലാവർക്കും   ഒരു  ചെറിയ  നികുതി .
വായുനികുതി , അഥവാ   air-tax .

 

swathanthryadina chinthakal

സ്വാതന്ത്ര്യദിനചിന്തകൾ

               ''  കണ്ണുള്ളപ്പോൾ    അതിന്റെ   വില   അറിയാറില്ല ''
എന്ന്     പറഞ്ഞു കേട്ടിട്ടുണ്ട് . ജനാധിപത്യത്തിൻറെ   കാര്യത്തിൽ   ഇത്   നൂറ്  ശതമാനവും   ശരിയാണ് . കളഞ്ഞുപോയാൽ    അതിനെ   വീണ്ടെടുക്കാൻ    പ്രയാസമാണ് . ഒഥല്ലോ   നാടകത്തിൽ  ആണെന്ന്   തോന്നുന്നു , കയ്യിൽ  കിട്ടിയ   അമൂല്യ  രത്നത്തെ   കരിക്കട്ടയെന്നു കരുതി    വലിച്ചെറിഞ്ഞ   ഒരു   കാട്ടാളനെപ്പറ്റി    പറയുന്നുണ്ട് . ജനാധിപത്യത്തിനെറെയും
മതേതരത്വത്തിന്റെയും    മാർഗ്ഗം    ഉപേക്ഷിക്കുന്നവർ
ഇതേ    പ്രവർത്തിയാണ്    ചെയ്യുന്നത് .

എന്തെല്ലാം   പോരായ്മകൾ   ഉണ്ടായിരുന്നാലും   സ്വാതന്ത്ര്യത്തിന്റെയും    ജനാധിപത്യത്തിന്റെയും  67
വർഷങ്ങൾ   പിന്നിട്ടത്   ഓരോ   ഭാരതീയനും   അഭിമാനിക്കാവുന്ന    കാര്യമാണ് . അധികാരത്തിൽ 
ഇരിക്കുന്ന    സർക്കാരിനെ , കാലാവധി   കഴിയുമ്പോൾ
തെരഞ്ഞെടുപ്പിലൂടെ   അധികാരത്തിൽ നിന്ന്   തൂത്തെറിഞ്ഞ്   അവരെ    ഇരുത്തേണ്ടിടത്തു   ഇരുത്താൻ
ഇന്ത്യയിലെ    ജനങ്ങൾക്ക്‌    കഴിയുന്നു .ഏതെങ്കിലും
രാഷ്ട്രീയ പാർട്ടിയുടെയോ    നേതാവിന്റെയോ   മിടുക്കു
കൊണ്ടല്ല   ഇന്ത്യയിൽ    ജനാധിപത്യം   ഇവിടം വരെ
എത്തിയത് . മറിച്ച് , ജനാധിപത്യത്തിലും   മതേതരത്വത്തിലും   അഹിംസയിലും   സഹിഷ്ണുതയിലും    വിശ്വസിക്കുന്ന    സാധാരണ  ജനങ്ങൾ   ആണ്  രാജ്യത്തെ
മുമ്പോട്ട്‌   കൊണ്ടുപോകുന്നത് .ആഭ്യന്തര കലാപം  മൂലം
ലിബിയ   പോലുള്ള   ചെറുരാജ്യങ്ങൾ   കത്തിയെരിയുമ്പോൾ    120  കോടി   ജനങ്ങൾ  ഉള്ള  ഇന്ത്യ
ജനാധിപത്യത്തിൻറെ    പാതയിൽ   മുമ്പോട്ട്‌   പോകുന്നത്
വലിയ   അദ്ഭുതമാണ്‌ .

ഇന്ത്യയുടെ   കൂടപ്പിറപ്പായ    പാകിസ്താന്റെ   സ്ഥിതി
ഇന്ന്   ദയനീയമാണ് . മതത്തിൻറെ   അടിസ്ഥാനത്തിൽ
ഒരു  രാജ്യം  കെട്ടിപ്പെടുക്കാമെന്ന   മോഹം   വിജയിക്കുകയില്ല   എന്ന്    പാകിസ്താന്റെ   ചരിത്രം
നമ്മെ    പഠിപ്പിക്കുന്നു . '' ഏ ച്ചുകെട്ടിയാൽ  മുഴച്ചിരിക്കും ''
എന്ന   ചൊല്ലിനെ    ശരിവെച്ചു കൊണ്ട്    കിഴക്കേ   പാകിസ്ഥാൻ   1971 ൽ   അടർന്നു പോയി   ബംഗ്ലാദേശ്
നിലവിൽ  വന്നു .ഇന്ന്    പാകിസ്ഥാൻ   വളരെ   ഗുരുതരമായ    പ്രതിസന്ധി    നേരിടുകയാണ് . ഇമ്രാൻ ഖാനും  മറ്റും    ഇസ്ലാമാബാദിലേക്ക്    മാർച്ച്‌  ചെയ്യുകയാണ് . ഏതുസമയവും    പട്ടാളം   അധികാരം
പിടിച്ചെടുത്തേക്കാം . പാകിസ്ഥാനിലെ    സൈനിക താവളങ്ങൾപോലും     നിത്യവും   ഭീകരരുടെ   ആക്രമണത്തിന്   ഇരയാകുന്നു .

പാകിസ്ഥാൻറെ    പരാജയം   കണ്ടുപഠിക്കാ ത്തവർ   ഇന്ന്
ഇറാഖു് , സിറിയ , സോമാലിയ , മാലി , നൈജീരിയ  മുതലായ   രാജ്യങ്ങളിൽ    മതത്തിൻറെ    അടിസ്ഥാനത്തിൽ
പുതിയ    രാജ്യങ്ങൾ  ഉണ്ടാക്കാൻ    ശ്രമിച്ചുകൊണ്ടിരിക്കുകയാണ് . ഇത്    വളരെ   ആശങ്കയുളവാക്കുന്ന    കാര്യമാണ് . ലോക സമാധാനത്തിന്
തന്നെ    ഇത്   ഒരു  ഭീഷണിയായി    മാറിയിരിക്കുന്നു .


ചോർച്ചയുള്ള    ഡാമുകൾ  പോലെയാണ്   മൂന്നാം   ലോകത്തിലെ    ജനാധിപത്യം . ഡാമുകളിലെ    പരമാവധി
ലെവലിൽ    ഒരിക്കലും   എത്തുകയില്ല . അഴിമതിയും
കെടുകാര്യസ്ഥതയും   ചോര്ച്ചയുണ്ടാക്കുന്നു . അഴിമതി
ഏറ്റവുമധികം   ദോഷമായി    ബാധിക്കുന്നത്   പാവപ്പെട്ടവരിൽ    പാവപ്പെട്ടവരെയാണ് . ഉദാഹരണമായി    ദക്ഷിണാഫ്രിക്കയിൽ    പാവപ്പെട്ടവർക്കു വേണ്ടി       നിർമ്മിക്കുന്ന   ചില   വീടുകൾ     മോശം   സാധനങ്ങൾ    ഉപയോഗിച്ചാണ്   ചെയ്തിട്ടുള്ളത് . അവ    നനഞ്ഞ്   ഒലിക്കുകയും   ഇടിഞ്ഞ്
വീഴുകയും    പതിവാണ് . അട്ടപ്പാടിയിലും   ഇത്   സംഭവിക്കുന്നു . അഴിമതി   കാരണം   പാവപ്പെട്ടവർ  കൂടുതൽ    പാവപ്പെട്ടവരായി    മാറുന്നത്   ഇന്ത്യയിലും
ദക്ഷിണാഫ്രിക്കയിലും     കാണാം .

സ്ത്രീകൾക്കും   കുട്ടികൾക്കും    എതിരേയുള്ള    അക്രമങ്ങൾ    ഇന്ത്യയിലും    ദക്ഷിണാഫ്രിക്കയിലും   വർദ്ധിച്ചുകൊണ്ടിരിക്കുന്നു . ഈ   പ്രശ്നത്തെപ്പറ്റി   നരേന്ദ്രമോഡി    പരാമർശിച്ചത്    ഏറ്റവും   ഉചിതമായി .
മാതാപിതാക്കൾ     ആണ്‍മക്കളെ   'ചൊല്ലുവിളിയോടെ '
വളർത്തണമെന്ന്   മോഡി   പറഞ്ഞത്    വളരെ   ഗൌരവത്തോടെ    കാണണം . സ്ത്രീകൾക്കും    കുട്ടികൾക്കും    സുരക്ഷിതത്വം   ഉറപ്പു വരുത്തിയില്ലെങ്കിൽ    സ്വാതന്ത്ര്യം    പാഴ്വാക്കായി   മാറും .

 

THATTIPPUNATTILE BALAPADANGAL ( SATIRE )

AD  2025

തട്ടിപ്പു നാട്ടിലെ    ഒരു   ക്ലാസ്സ്‌റൂം

(  അധ്യാപിക    പ്രവേശിക്കുന്നു . കുട്ടികൾ   എഴുനേറ്റ്
അധ്യാപികക്ക്   ' ഗുഡ്   morning   പറയുന്നു )

                                  അധ്യാപിക

 കുട്ടികളെ , ഇന്ന്   നമ്മുടെ   പാഠം   നമ്മുടെ   രാജ്യത്തിന്റെ
അടിസ്ഥാന തത്വ   ശാസ്ത്രമായ    തട്ടിപ്പിനെ പ്പറ്റിയാണ്‌ .
പണ്ട്   നമ്മുടെ   രാജ്യം   അറിയപ്പെട്ടിരുന്നത്  ' കേരളം '
എന്നാണ് . അതായത് , കേരം  തിങ്ങും  കേരളനാട് '.2014
ആയപ്പോൾ   അത്   അഴിമതിയും   തട്ടിപ്പും   നിറഞ്ഞ
'തട്ടിപ്പുനാടായി    മാറി . അതായത്   ആർക്കും   ഏതു
തട്ടിപ്പും    നടത്താം . ഒരു   ഒട്ടുപാലും   സംഭവിക്കാത്ത
സ്ഥിതിയായി . തട്ടിപ്പുകാർ   VIPകളായി   വിലസി . അവരെ
കാണാൻ     ജനം   തടിച്ചു കൂടി .  അവരുടെ  ചിത്രങ്ങൾ
മാസികകളുടെ    കവർ   പേജുകളിൽ    സ്ഥലം  പിടിച്ചു .
channel    ചർച്ചകളിൽ   അവർക്ക്    പ്രധാന പങ്ക്   കൊടുത്തു .
അവരുടെ   ജീവചരിത്രങ്ങൾ    ജനം   ആർത്തിയോടെ
വായിച്ചു . അവരുടെ    കഥ   സിനിമയാക്കി .

ആകട്ടെ , ഭാവിയിൽ    എന്താകാൻ   ആണ്   നിങ്ങളുടെ
 ആഗ്രഹം ?

                            കുട്ടികൾ   എല്ലാവരും

 ഞങ്ങൾ    തട്ടിപ്പു-

 

കാരാകാൻ    ആഗ്രഹിക്കുന്നു .

                              അധ്യാപിക

എന്താ     അങ്ങനെ     പറഞ്ഞത് ?

                                  കുട്ടി  1

ടീച്ചറെ , ഈ    ജീവിതം   എന്നു പറഞ്ഞാൽ   ഒരു  ഗെയിം
ആണ് . A   തൊട്ട്  Z    വരെ   എത്തുന്ന   ഒരു   puzzle . A യിൽ
നിന്ന് Z ൽ   എത്താൻ   ഒത്തിരി   കടമ്പകൾ  ഉണ്ട് . rules
ഉണ്ട് . rules   ഇല്ലാതെ   A യിൽ നിന്ന്   Z ലേക്ക്   ചാടുന്നതിനാണ്      തട്ടിപ്പ്   എന്ന്   പറയുന്നത് .

                                    അധ്യാപിക

മിടുക്കൻ . നല്ല   ഉത്തരം . ഏതെങ്കിലും    അഞ്ച്  തട്ടിപ്പുകളുടെ    പേര്    പറയൂ .

                                        കുട്ടി   2

ജോലി തട്ടിപ്പ് , വിസാ തട്ടിപ്പ് , വിവാഹ തട്ടിപ്പ് , മന്ത്ര
വാദ തട്ടിപ്പ് , ഫ്ലാറ്റ് തട്ടിപ്പ് , മണിചെയിൻ  തട്ടിപ്പ് ...

                                     അധ്യാപിക

മിടുക്കി . നല്ല  ഉത്തരം . തട്ടിപ്പുകളുടെ   ലിസ്റ്റ്   പ്രപഞ്ചം
പോലെ    അനന്തമാണ്‌ . ഈ   രംഗത്ത്   തകൃതിയായ
ഗവേഷണം    നടന്നുകൊണ്ടിരിക്കുകയാണ് . തട്ടിപ്പുനാട്ടിൽ
ഓരോ   ദിവസവും   പുതിയ പുതിയ   തട്ടിപ്പു വിദ്യകൾ
കണ്ടു പിടിച്ചുകൊണ്ടിരിക്കുന്നു . കുട്ടി   പറയൂ , എന്തുകൊണ്ടാണ്    നീ   തട്ടിപ്പ്   നിൻറെ  ഭാവി  career  ആയി
 തിരഞ്ഞെടുത്തത് ?

                                              കുട്ടി  3

ടീച്ചർ    എത്രയോ  വർഷമായി   പഠിപ്പിക്കുന്നു . A യിൽ
നിന്ന്   H   വരെ  എത്തിയോ ?  തട്ടിപ്പു രംഗത്ത്   ഇറങ്ങിയാൽ    ഒരു  കൊല്ലം  കൊണ്ട്  A യിൽ നിന്ന്  Z
ൽ   എത്താം . പണവും   പ്രശസ്തിയും  കിട്ടും .VIP  ആയി
TV യിൽ    പ്രത്യക്ഷപ്പെടാം . എന്തിന്  30 -35  വർഷം
കഷ്ടപ്പെട്ട്    ജോലി   ചെയ്യണം ?

                                           അധ്യാപിക

കുട്ടി    പറഞ്ഞത്    ശരിയാണ് . നിങ്ങൾക്ക്   ഒരു   പ്രൊജക്റ്റ്‌    ചെയ്യാനുണ്ട് . ആരെയെങ്കിലും   പറ്റിച്ച്
പണം    പിടുങ്ങണം .  പുതിയ   തട്ടിപ്പ്വിദ്യകൾ   സ്വയം
കണ്ടെത്തി , അതിൻറെ   റിപ്പോർട്ട്‌   സമർപ്പിക്കണം .
ഒരാഴ്ചത്തെ     സമയം    തരുന്നു . ഓക്കേ ?

                                 കുട്ടികൾ   എല്ലാവരും

ഓക്കേ    ടീച്ചർ . Thank   you   teacher .

*                        *                         *                     *                 *

THATTIPPUNATTILE BHASHA PADANAM

തട്ടിപ്പു നാട്ടിലെ    ഭാഷാ പഠനം

(  തട്ടിപ്പുനാട്ടിലെ   ഒരു   ക്ലാസ്റൂം . അധ്യാപിക  ക്ലാസ്സ്‌
ആരംഭിക്കുന്നു .)

അദ്ധ്യാപിക :  കുട്ടികളെ , നമ്മൾ  ഇന്ന്   നമ്മുടെ  നാട്ടിൽ
ഏറ്റവും   അധികം   ഉപയോഗിക്കപ്പെടുന്ന   ചില  വാക്കുകളാണ്   പഠിക്കാൻ   പോകുന്നത് . ( ബോർഡിൽ  കുറെ   വാക്കുകൾ    എഴുതുന്നു )  .  കുടുക്കുക , ഇര ,

ആദ്യമായി    'കുടുക്കുക ' എന്ന    വാക്ക്   എടുക്കാം . ഇത്
ഒരു  വിനോദം   പോലെയാണ് . ഉദാഹരണമായി   എലിശല്യം   കൂടുമ്പോൾ   നമ്മൾ   എലിപ്പെട്ടി , എലിവില്ല് ,
അടിച്ചിൽ   മുതലായവ   ഒരുക്കി  വെക്കുന്നു . എലിപ്പെട്ടിയിൽ   എന്തെങ്കിലും   ഒരു   സാധനം   എലിക്ക്
തിന്നാനായി    കെട്ടി   വെച്ചിരിക്കും . പാവം   എലി  മണത്തു മണത്തു   ചെന്ന്   ആ   സാധനത്തിൽ   കടിക്കുന്നു .
അപ്പോൾ    എലിപ്പെട്ടി  ' പൊത്തോ ' എന്ന്    അടയുന്നു .
അങ്ങനെ    എലി   കുടുങ്ങുന്നു .

ഒരു   വിധത്തിലും   രക്ഷപ്പെടാൻ   വയ്യാത്ത    അവസ്ഥക്കാണ്   'കുടുങ്ങുക '  എന്ന്   പറയുന്നത് . വേറൊരു  ഉദാഹരണം   പറഞ്ഞാൽ , ചൂണ്ടയിൽ  നമ്മൾ
മണ്ണിരയെ   തിരുകി   വെക്കുന്നു . ചൂണ്ട  ഇടുമ്പോൾ
മീൻ   ഇരയെ   വായിലാക്കുന്നു . അങ്ങനെ   മീൻ
ചൂണ്ടയിൽ   കുടുങ്ങുന്നു .  ഇനി   നിങ്ങൾ  തന്നെ   കുറെ
ഉദാഹരണങ്ങൾ    പറയൂ .

കുട്ടി 1 :  പാമ്പ്    തവളയെ    വിഴുങ്ങുന്നത് . തവള
              പാമ്പിൻറെ    വായിൽ   കുടുങ്ങുകയാണ് .അത്
               പാമ്പിൻറെ    ഇരയാണ് .

അധ്യാപിക :  മിടുക്കൻ .   വേറെ   ഉദാഹരണങ്ങൾ   പറയൂ .

കുട്ടി  2 :   ലിഫ്റ്റിൽ   ആയിരിക്കുമ്പോൾ   power cut   കാരണം
                    കുടുങ്ങുന്നത് .

അധ്യാപിക  :  മിടുക്കി . വേറെയും   ഉദാഹരണങ്ങൾ
                            പറയൂ .

കുട്ടി  4 :    ചിലന്തിവലയിൽ    ഈച്ച   കുടുങ്ങുന്നത് .

അധ്യാപിക :   മിടുക്കി . കേൾക്കട്ടെ , വേറെയും 
                              ഉദാഹരണങ്ങൾ .

കുട്ടി   5        വാരിവലിച്ച്   തിന്നുമ്പോൾ  മീൻ മുള്ള്
                      തൊണ്ടയിൽ   കുടുങ്ങുന്നത് .

കുട്ടി  6 :      ബന്ദ്‌    പ്രഖ്യാപിക്കുമ്പോൾ    യാത്രക്കാർ
                     റെയിൽവേ  സ്റ്റേഷൻനിലും    ബസ്‌  സ്റ്റേഷൻലും
                      കുടുങ്ങുന്നത് .

അധ്യാപിക  :  എല്ലാം   നല്ല  ഉദാഹരണങ്ങൾ . തട്ടിപ്പു
                         നാട്ടിൽ   ഏറ്റവും   പ്രധാനപ്പെട്ട  വാക്കുകളാണ്
                       ' കുടുക്കുക ', ഇര  എന്നിവ . ജീവിതത്തിൽ
                        നിങ്ങൾ   അറിഞ്ഞുകൊണ്ട്   ആരെയും 
                         കുടുക്കരുത് . കെണിയിൽ  
                          കുടുങ്ങാതിരിക്കാൻ    നിങ്ങൾ   എപ്പോഴും
                          ജാഗ്രത   പുലർത്തണം . വീട്ടിൽ  ചെല്ലുമ്പോൾ
                         നിങ്ങളുടെ   അച്ഛനെയും   അമ്മയേയും ഈ
                         പാഠം   നിങ്ങൾ   പഠിപ്പിക്കണം . അല്ലെങ്കിൽ
                          അച്ഛനെയോ   അമ്മയെയോ   നിങ്ങൾക്ക്
                          നഷ്ടപ്പെടാനിടയുണ്ട് .

കുട്ടികൾ   എല്ലാവരും :   പഠിപ്പിക്കാം   ടീച്ചർ .
                                             Thank  you , teacher .