അഖിലകേരള വഴിയാധാരം പാർട്ടി ( ഹാസ്യഭാവന )

നാളെ   ഹർത്താൽ

ലോകകപ്പ്‌   ക്രിക്കറ്റിൽ  ഇന്ത്യയുടെ  പരാജയത്തിൽ  ദുഖവും  പ്രതിഷേധവും
പ്രകടിപ്പിക്കാനായി   നാളെ  ( 27-03-2015 )  കേരളവ്യാപകമായി   ഹർത്താലിന്
ആഹ്വാനം  ചെയ്യുന്നു . രാവിലെ   6  തൊട്ട്  വൈകീട്ട്  6  മണി  വരെ  ആയിരിക്കും   ഹർത്താൽ . പതിവുപോലെ   പാൽ ,പത്രം ,വിവാഹം ,ശവസംസ്കാരം ,ബീഡി ,സിഗരറ്റ് ,മുറുക്കാൻ , വായുഗുളിക  മുതലായവയെ
ഹർത്താലിൽ നിന്ന്  ഒഴിവാക്കിയിട്ടുണ്ട് .

*          *                   *                      *               *                 *                 *

എന്തെങ്കിലും   പരാജയം  സംഭവിക്കുമ്പോൾ   ആചാര്യ  വിനോബാ  ഭാവയെ
ഓർക്കുന്നത്   നന്നായിരിക്കും .അതായത്   പരാജയത്തെപ്പറ്റി   ചിന്തിക്കാതെ ,തലനാരിഴ കീറുന്ന  analysis ചെയ്യാതെ  പരിപൂർണ്ണമൌനം  പാലിക്കുക .'' മൌനം   വിദ്വാന്  ഭൂഷണം '' എന്നാണല്ലോ  ചൊല്ല് . analysis ന്  പോയാൽ
തോൽവിയെപ്പറ്റി   ഓർത്തോർത്ത്   മനോവിഷമം  കൂടുകയേ  ഉള്ളൂ .
കുറേ  പഴഞ്ചൊല്ലുകൾ   പഠിച്ചിരിക്കുന്നത്  നല്ലതാണ് . വിഷയത്തിന് ചേർന്ന
പഴംചൊല്ല്   ഒരു  സുകൃതജപം  പോലെ  പത്തിരുപത് പ്രാവശ്യം  ചൊല്ലിയാൽ  അല്പം   ആശ്വാസം  കിട്ടും . e.g  ''There is  no  use  crying  over
spilt  milk .'' '' Do  not  count  your  chickens  before  they  hatch .''  Do  not  put  all  your
eggs  in  the  same  basket .'' etc  etc .

ഒരു  പരീക്ഷ  എഴുതിക്കഴിഞ്ഞാൽ   എഴുതിയതിനെപ്പറ്റി   ആലോചിച്ച്
മന:പ്രയാസം  ഉണ്ടാക്കാതിരിക്കുകയാണ്  നല്ലത് ."അയ്യോ  ആ ചോദ്യം
വിട്ടുപോയി . എന്തെങ്കിലും  എഴുതിയിരുന്നെങ്കിൽ  നാലഞ്ച്  മാർക്ക്
കിട്ടുമായിരുന്നു .'' എന്ന്  സ്വയം  പറഞ്ഞ്  വിഷമിച്ചാൽ  അടുത്ത  വിഷയം
എഴുതാനുള്ള   ആത്മവിശ്വാസം   നഷ്ട്ടപ്പെടും .

*                 *                            *                                     *                         *

അഖിലകേരള  വഴിയാധാരം  പാർട്ടി

2015   ജൂണ്‍   1

പുറത്താക്കപ്പെട്ടവരുടെ    അഖിലകേരളconvention   കോട്ടയത്ത്‌   മാമ്മൻ
മാപിള്ള ഹാളിൽ   നടന്നു . പ്രതീക്ഷിച്ചതിൽ   കവിഞ്ഞ  ഒരു  ജനക്കൂട്ടമാണ്
അവിടെ   തടിച്ചു കൂടിയത് . പുറത്താക്കപ്പെട്ട   രാഷ്ട്രീയക്കാർ  എന്ന്  ആഹ്വാനത്തിൽ   പറഞ്ഞിരുന്നില്ല . അതുകൊണ്ട്  എല്ലാത്തരം  പുറത്താക്കപ്പെട്ടവരും  അവിടെ  എത്തിയിരുന്നു . വിവിധ  രാഷ്ട്രീയ പാർട്ടികളിൽ നിന്ന്   പുറത്താക്കപ്പെട്ടവരെ  കൂടാതെ  ഭർത്താക്കന്മാർ  പുറത്താക്കിയ  ഭാര്യമാർ , ഭാര്യമാർ  പുറത്താക്കിയ  ഭർത്താക്കന്മാർ
കോളേജിൽ നിന്ന്  പുറത്താക്കപ്പെട്ട  റാഗിങ്ങ്  വീരന്മാർ  തുടങ്ങിയവരും
അവിടെ  തടിച്ചു  കൂടിയിരുന്നു . അവിടെ  സന്നിഹിതരായ  രഷ്ട്രീയ നേതാക്കന്മാരിൽ   പ്രമുഖർ  സർവശ്രീ   ഗണേഷ് കുമാർ , പി സി  George ,PC തോമസ്‌  എന്നിവരായിരുന്നു . നാല്  മണിക്കൂർ  നീണ്ട  ചർച്ചകൾക്ക്  ശേഷം
അഖിലകേരള   വഴിയാധാരം  പാർട്ടി  ഉണ്ടാക്കാൻ  തീരുമാനിച്ചു .പാർട്ടിയുടെ
ചിഹ്നമായി   റോഡ്‌   അന്ഗീകരിക്കപ്പെട്ടു . പാർട്ടിയുടെ   പ്രസിഡന്റ്  ആയി
ജോർജ് നെ   nominate  ചെയ്തെങ്കിലും   മറ്റു രണ്ടുപേരും  എതിർത്തു .ജനിച്ച്
ഒരു മണിക്കൂർ  കഴിയുന്നതിന് മുമ്പ്  AKVP  പിളരുമെന്ന  നിലയായി . അതിനാൽ   മൂന്നുപേരെയും   പ്രസിഡന്റ്   ആക്കി   ഒത്തുതീർപ്പിലെത്തി .

ഹാളിൽ   കസേരകളിൽ  ഇരുന്നവരെയെല്ലാം   ജനറൽ  സെക്രട്ടറിമാരാക്കി .
ഹാളിലും  പുറത്തും  നിന്നവരെ  Assistant  സെക്രട്ടറി മാരാക്കി . ഇടഞ്ഞു നിന്ന
കുറേ  നേതാക്കന്മാർക്ക്   Vice  പ്രസിഡന്റ്‌   സ്ഥാനങ്ങൾ  നൽകി . മുപ്പതോളം
പേർക്ക്   ഈ   സ്ഥാനം  ലഭിച്ചു . പാർട്ടിക്ക്   5000  ജനറൽ  സെക്രട്ടറിമാരും
16500  Asst . സെക്രട്ടറി മാരും  ഉണ്ടായി .വനിതകൾക്കും  വിദ്യാർത്ഥികൾക്കും
തൊഴിലാളികൾക്കും   പ്രത്യേകം  പോഷക സംഘടനകൾ   രൂപീകരിച്ച്
എല്ലാവർക്കും  എന്തെങ്കിലും   സ്ഥാനം കൊടുത്ത്  തൃപ്തിപ്പെടുത്തി .

2016 ലെ  തെരഞ്ഞെടുപ്പിൽ   അഖിലകേരള  വഴിയാധാരം  പാർട്ടി (AKVP )
റോഡ്‌  ചിഹ്നത്തിൽ   140  മണ്ഡലങ്ങളിലും   മത്സരിക്കാൻ   തീരുമാനിച്ചു .പുറത്താക്കപ്പെടുന്നവരെ  രണ്ടുകയ്യും  നീട്ടി  സ്വീകരിക്കാൻ   പാർട്ടി
തീരുമാനിച്ചു .

പുരുഷൻമാർ സൂക്ഷിക്കുക ( ഹാസ്യഭാവന )

'' തൊട്ടുകൂടാത്തവർ  തീണ്ടിക്കൂടാത്തവർ ,ദൃഷ്ടിയിൽപ്പെട്ടാലും  ദോഷ മുള്ലോർ ''-പണ്ട്   അയിത്തം  ഉണ്ടായിരുന്ന  കാലത്ത്  ദളിതരുടെ  അവസ്ഥയെ പ്പറ്റി യാണ്  കവി  ഇങ്ങനെ  പറഞ്ഞത് . ഇന്ന്  ഈ  വാക്കുകൾ  കേരളത്തിലെ  പുരുഷന്മാരെപ്പറ്റി   പറയാമെന്ന്  തോന്നുന്നു . ഇന്ന്  പുരുഷന്മാരുടെ  നില
വളരെ  പരുങ്ങലിലാണ് . സ്ത്രീകളെ  നോക്കുന്നതും  അവരോട്  സംസാരിക്കുന്നതും   അടുത്തുകൂടി  പോകുന്നതും   വളരെ  സൂക്ഷിച്ചു വേണം .
അല്ലെങ്കിൽ   സ്ത്രീ പീഡനം  എന്ന  കുറ്റം  ചുമത്തപ്പെട്ടു  അകത്ത്  ആയേക്കും .

ഡിസംബർ  അവുധിക്കാലത്ത്   ഞാൻ   ഒരു  ദിവസം  കോട്ടയത്ത്‌ നിന്ന്
പാലയിലെയ്ക്ക്‌   KSRTC  Fast ൽ   യാത്ര  ചെയ്യുകയായിരുന്നു .കരിത്താസിൽ
എത്തിയപ്പോൾ   എൻറെ  അടുത്തിരുന്ന  രണ്ടുപേർ  ഇറങ്ങി പോയി .രണ്ട്
സ്ത്രീകൾ   ബസ്സിൽ  കയറി . ഏകദേശം  70 വയസ്സുള്ള  അമ്മയും  40
വയസ്സുള്ള  മകളും . കണ്ടിട്ട്  നല്ല  സാമ്പത്തികം  ഉള്ളവരാണ് .അവർ  എൻറെ
അടുത്തുള്ള  കമ്പിയിൽ  പിടിച്ച് നിന്നു . brake apply ചെയ്തപ്പോൾ  balance തെറ്റി
വട്ടം  കറങ്ങി .തൊട്ടടുത്ത്‌  രണ്ട്  സീറ്റ്‌  ഒഴിഞ്ഞു കിടന്നിട്ടും  അവർ  ഇരുന്നില്ല .
എനിക്ക്  സഹാനുഭൂതി  തോന്നി .'' ഇവിടെ  ഇരുന്നോളൂ .'' എന്ന്  പറയാൻ
ഭാവിച്ചു .പക്ഷേ  വേണ്ടെന്നു വെച്ചു .കാരണം  ഇത്  കേരളമാണ് . അവർ
മറ്റുവിധത്തിൽ  interpret  ചെയ്‌താൽ   കുഴപ്പമാകും . അതുകൊണ്ട്  മൌനം
പാലിച്ചു . ഏറ്റുമാനൂർ  വരെ  വളരെ  കഷ്ട്ടപ്പെട്ട്  നിന്ന് യാത്ര ചെയ്ത് അവർ
അവിടെ  ഇറങ്ങി .

ഞാൻ  ഒരു  ചെറുപ്പക്കാരൻ  ആണെന്നായിരിക്കാം  ആ  സ്ത്രീകൾ  വിചാരിച്ചത് . അടുത്തിരുന്നാൽ   ഈ  ചെറുപ്പക്കാരൻ  തട്ടുകയോ  മുട്ടുകയോ
ചെയ്തെങ്കിൽ  കുഴപ്പമാകും . അവർ  എന്നെ  ശരിക്ക്  നോക്കിയില്ല  എന്ന്
തോന്നുന്നു .ശ്രദ്ധിച്ച്  നോക്കിയിരുന്നെങ്കിൽ  ഒരു പക്ഷേ   സംഗതി  പിടി
കിട്ടിയേനെ . നല്ലയിനം   dye  അടിച്ചാൽ   ഒരു  20 -25  വയസ്സ്   കുറഞ്ഞു കിട്ടും .
നമ്മുടെ   പല   സൂപ്പർ സ്റ്റാർകളും   dye യും  make -up ഉം  മാറ്റിയാൽ  വൃദ്ധർ
ആണ് . ഉദാഹരണം  രജനീ കാന്ത്.


ഇന്ത്യയിലെ  ഏറ്റവും  പ്രബുദ്ധമായ ,ഏറ്റവും  വിദ്യാഭ്യാസമുള്ള  സ്റ്റേറ്റ്
ആണത്രേ  കേരളം .ബാംഗളൂർലും  മുംബായിലും   സ്ത്രീകൾക്കും പുരുഷന്മാർക്കും  ഇടകലർന്ന്  ബസ്സിൽ  ഇരിക്കാം . പക്ഷേ  കേരളത്തിൽ
പറ്റുകയില്ല .എന്തോ  കുഴപ്പമുണ്ട് .

കുഴപ്പം  നിയമസഭയിൽ  കണ്ടു . ഇനി  ആ  സംഭവത്തെപ്പറ്റി  സൂചിപ്പിക്കുന്നതുപോലും   കുറച്ചിലാണ് . എങ്കിലും   ചില കാര്യങ്ങൾ
പുതിയ  അറിവാണ് . ലൈംഗിക അതിക്രമം  നടന്നുപോലും !ഒരു ജനക്കൂട്ടത്തിൽ  ഉന്തും  തള്ളും  നടക്കുമ്പോൾ  എങ്ങനെയാണ്  ലൈന്ഗികമായ
താൽപ്പര്യങ്ങൾ  ഉണ്ടാകുന്നത് ? മന:ശാസ്ത്ര വിദഗ്ദ്ധർക്കെ  ഇത്  വിശദീകരിക്കാൻ  പറ്റുകയുള്ളൂ .

ഒരു പക്ഷേ  നിയമസഭാ സംഭവത്തിൽ  നിന്ന്  പുതിയ  കണ്ടുപിടുത്തങ്ങൾ
ഉണ്ടായേക്കാം . Erectile dysfunction  എന്ന  പ്രശ്നം  ഇന്ന്  പല  പുരുഷൻ മാർക്കും
ഒരു  പ്രശ്നമാണ് .അമിത മദ്യപാനം ,പുകവലി  മുതലായ  ശീലങ്ങൾ ഉള്ളവർക്കാണ്  ഈ  പ്രശ്നം കൂടുതൽ ഉള്ളത് .ദക്ഷിണാഫ്രിക്കയിൽ  40 ശതമാനം  പുരുഷമാർക്ക്  ഈ  പ്രശ്നമുണ്ടെന്നാണ്  കണക്ക് . കൂട്ടത്തിൽ
പറയട്ടെ ,ഈയിടെ  ലിംഗം  നഷ്ട്ടപ്പെട്ട  ഒരാൾക്ക്  operation ചെയ്ത്
പുതിയ ലിംഗം  വെച്ചുകൊടുത്ത്  record  സൃഷ്ട്ടിച്ച  രാജ്യമാണ്  ദക്ഷിണാഫ്രിക്ക .ഉദ്ധാരണശേഷി  വർദ്ധിപ്പിക്കുന്നതിനുള്ള  മരുന്നുകൾക്ക്  വലിയ  demand
ആണ് . നീളവും  വണ്ണവും   വർദ്ധിപ്പിച്ചു കൊടുക്കും എന്ന്  വാഗ്ദാനം
ചെയ്യുന്ന  പരസ്യങ്ങൾ  ധാരാളം .

മദ്യപാനവും  പുകവലിയും  ഏറെയുള്ള  കേരളത്തിൽ ED  പ്രശ്നം  ഗുരുതരമായിരിക്കാനാണ്  സാധ്യത . അങ്ങനെയെങ്കിൽ  ഒരു  പുതിയ
ചികിത്സാ സമ്പ്രദായം  ഉരുത്തിരിഞ്ഞ്‌  വന്നേക്കാം . ഒരു  ഹാളിൽ
അമ്പതോളം  പുരുഷന്മാരും   നാലഞ്ച്  സ്ത്രീകളും  ഉന്തും തള്ളും  നടത്തുക .
അഞ്ചോ  ആറോ  ED രോഗികളെ  അങ്ങോട്ട്  കടത്തിവിടുക . പ്രശ്നം
തീർന്നുകിട്ടും !    

*               *                      *                        *                       *                      *            *

ലിംഗം  മാറ്റിവെയ്ക്കൽ  operation നെ പ്പറ്റി  ഒന്നുരണ്ട്  കാര്യങ്ങൾകൂടി  പറയാം .Circumcision   ദക്ഷിണാഫ്രിക്കയിൽ  സാധാരണയാണ് . ചിലർ ഇത് ചെയ്യുന്നത്
അനാരോഗ്യകരമായ  സാഹചര്യങ്ങളിലാണ് . പരിശീലനം ലഭിക്കാത്ത
ആളുകൾ  ഇത്  ചെയ്യുന്നത്  സാധാരണയാണ് . അങ്ങനെ  പണി പാളി
ഒരു 19 കാരന്റെ ലിംഗം നഷ്ട്ടപ്പെട്ടു . സിഗരട്ടുകുറ്റി പോലെ  എന്തോ  ഒന്ന്
അവശേഷിച്ചു . പയ്യൻറെ  പേര്  രഹസ്യമാക്കി  വെച്ചിരിക്കയാണ്‌ . 12 മണിക്കൂർ നീണ്ട  operation ൽ ആണ്  ലിംഗം  മാറ്റി വെച്ചത് . ഭാഗ്യവാനായ
ആ  കറുത്ത  പയ്യന്  കിട്ടിയതോ -ഒരു  വെളുമ്പൻറെ  ലിംഗം !

കുട്ടിക്കളിയും നിയമസഭയിലെ കളിയും

ഞാൻ  കുട്ടികളുടെ  മനശാസ്ത്രത്തിന്റെ  ABC പോലും  പഠിച്ചിട്ടില്ല .എന്നാൽ
എൻറെ  പേരകുട്ടികളുടെ  കുസൃതികളിൽ നിന്ന്  കുറേ  കാര്യങ്ങൾ  മനസ്സിലാക്കാൻ  സാധിച്ചിട്ടുണ്ട് . ഒന്നാമത്തെ   കാര്യം ,കടയിൽ നിന്ന്
വാങ്ങുന്ന  toys  അവർക്ക്  വേണ്ട  എന്നതാണ് .വീട്ടിലുള്ള   സാധനങ്ങൾ  മതി .
അവയിൽ  ഏറ്റവും  ഇഷ്ടമുള്ളവ   മൊബൈൽ  ഫോണും  Tv യുടെ  remote ഉം
ആണ് . ഒരു  കുട്ടി  crawl  ചെയ്യാൻ  തുടങ്ങുമ്പോൾ  തന്നെ  ആദ്യത്തെ  destination
സെൽ ഫോണും   remote ഉം   തേടിയാണ് . നടക്കാൻ  തുടങ്ങിയാൽ  അന്വേഷണം
കൂടുതൽ  ഊർജ്ജിതമാകും . നമ്മൾ  ഈ  സാധനങ്ങൾ  കൂടുതൽ  ഉയരങ്ങളിലേയ്ക്ക്   മാറ്റിവെച്ചാലും   രക്ഷയില്ല .കസേര  ഉന്തി കൊണ്ടുവെച്ച്
അവർ  ഈ  സാധനങ്ങൾ  കൈക്കാലാക്കും .കുട്ടികൾ ആദ്യം  പഠിക്കുന്ന
ഒരു  കാര്യം  ചാനൽ  മാറ്റാനാണ് . രാഷ്ട്രീയക്കാർ  നിലപാടുകൾ  മാറ്റുന്നതുപോലെ   അവർ  ചാനലുകൾ  മാറ്റും .

കുട്ടികളെ   ശ്രദ്ധിക്കാതെ   സീരിയൽ / സിനിമാ   കാണാമെന്ന്  വ്യാമോഹിക്കേണ്ട . നീണ്ട   ഫോണ്‍  സംഭാഷണങ്ങൾ   കുട്ടികൾ  ഉറങ്ങുന്ന
സമയത്ത്  മതി .അഥവാ   കാണാൻ  ശ്രമിച്ചാൽ  കുട്ടികൾ  ഫോണ്‍  തട്ടിപ്പറിക്കും
സീരിയൽ  കാണാൻ  ശ്രമിച്ചാൽ  റിമോട്ട്  തട്ടിപ്പറിക്കും .കുട്ടി  ഉറങ്ങിയ ശേഷം
എന്തെങ്കിലും  ചെയ്യാം എന്നുവെച്ചാൽ   പാതിരാ കഴിഞ്ഞാലും
ചില കുട്ടികൾ  ഉറങ്ങുകയില്ല . ''തിന്നുകയുമില്ല ,തീറ്റിക്കുകയുമില്ല '' എന്ന്
പറയുന്നതുപോലെ .ഞങ്ങളുടെ   പേരകുട്ടികളായ  അല്യസ്സ ,മരിസ്സ ,ക്രിസ്സ
എന്നിവർ  കഴിഞ്ഞ കൊല്ലം  ഇവിടെ  വന്നപ്പോൾ  ഞങ്ങൾ  TV  കാണൽ
പൂർണ്ണമായി   ഉപേക്ഷിച്ചു . ഒന്നുകിൽ  അവരുടെ  ബഹളം  കാരണം
ഒന്നും  കേൾക്കാൻ   സാധിക്കുകയില്ല ,അല്ലെങ്കിൽ  അവർക്ക്  അവരുടെ
ചാനലുകൾ  കാണണം . Pago ,കൊച്ചു TV  മുതലായവ .പിന്നെ  ഒരു ആശ്വാസമുള്ളത്  രണ്ടു മാസം  സീരിയൽ  കണ്ടില്ലെങ്കിലും  കഥ  ഒട്ടും
miss ചെയ്യുകയില്ല  എന്നതാണ് .

ചില കുട്ടികൾ റിമോട്ട്ഉം    സെൽ ഫോണും  കയ്യിൽ കിട്ടിയാൽ  അത്
ഞെക്കിയും  വലിച്ചെറിഞ്ഞും  നാല്  കഷണങ്ങളാക്കും . ഞങ്ങളുടെ
മക്കളായ  കുലീനയ്ക്കും  പ്രവീണയ്ക്കും  പൊട്ടിയ  സെൽ ഫോണ്‍ ,റിമോട്ട്
എന്നിവയുടെ  വൻശേഖരം  ഉണ്ട് . അവയിൽ  ഞങ്ങൾ  സമ്മാനമായി കൊടുത്ത  വിലപിടിപ്പുള്ള  ഫോണുകളും  ഉണ്ട് .

എത്ര വിലപിടിപ്പുള്ളതാനെങ്കിലും   ഒരു കൊച്ചുകുട്ടി  ഒരു സെൽ ഫോണ്‍
തകർത്താൽ   മാതാപിതാക്കൾ  അതൊരു  തമാശയായി  കണക്കാക്കി
സഹിക്കുന്നു . കുട്ടികളെ  വളർത്തുമ്പോൾ  ഉണ്ടാകുന്ന  extra  ചെലവുകളിൽ
ഒന്നായി  വകയിരുത്തുന്നു .



ഇലക്ട്രോണിക്  സാധനങ്ങൾ  തകർക്കുക എന്നത്  ചില  കുട്ടികൾക്ക്
ഒരു  ഇഷ്ട വിനോദമാണെന്ന് തോന്നുന്നു .ചൊട്ടയിലെ  ശീലം  ചുടല വരെ '
എന്നാണല്ലോ  ചൊല്ല് . മാർച്ച്‌  13 ആം   തീയതി  കേരള നിയമസഭയിൽ
കുറെ   'വലിയ കുട്ടികൾ ' കമ്പ്യൂട്ടർഉം   മൈക്കും   നശിപ്പിക്കുന്നത് കണ്ടു .കസേര  മറിച്ചിടുന്നതും  കണ്ടു . കൊച്ചുകുട്ടികൾ  വഴക്കടിക്കുമ്പോൾ  കടിക്കാറുണ്ട് .നിയമസഭയിൽ   അതും  നടന്നു . ഈ  രംഗങ്ങൾ  കണ്ടപ്പോൾ
കുഞ്ചൻ  നമ്പ്യാരുടെ   ഒരു  കവിതയാണ്  ഓർമ്മ വന്നത് .'' നായര്
വിശന്നു വരുമ്പോൾ  കായക്കഞ്ഞിക്കാരിയിട്ടില്ല ''  എന്ന  കവിത .

നിയമസഭയിലെ   'കുട്ടിക്കളിയെ ' ന്യായീകരിക്കുന്നവരുണ്ട്‌ . ഇനിയും
അത്  ചെയ്യുമെന്ന്  ഒരു  കുട്ടി   പറഞ്ഞിരിക്കുന്നു . പല്ലും  നഖവും
ഉപയോഗിക്കാതെ , അടിപിടിയും  തെറിവിളിയും കൂടാതെ , പരസ്പര ബഹുമാനത്തോടെ  വിയോജിക്കുന്നവർക്ക്  ചർച്ച ചെയ്ത്  പരിഹരിക്കാൻ
സഹായിക്കുന്ന  ഒരു വ്യവസ്ഥിതിയാണ്   ജനാധിപത്യം . പല്ലും  നഖവും
ഉപയോഗിക്കാനാണ്  എങ്കിൽ   നിയമസഭയുടെ  ആവശ്യം  എന്ത് ?

പെഷവാറിലെ  സ്കൂളിൽ  കൂട്ടക്കൊല നടന്നതിനുശേഷം  അദ്ധ്യാപകർ
സ്കൂളിൽ  പോകുന്നത്  തോക്കുമായിട്ടാണ് . കേരളത്തിലെ  കുട്ടിക്കളി
തുടർന്നാൽ  രാഷ്ട്രീയത്തിൻറെ  മുഖം  മാറും . ഇന്നത്തെ  നേതാക്കൾ  രാഷ്ട്രീയം
ഉപേക്ഷിക്കേണ്ടി വരും . കാരണം  ഓരോ  പാർട്ടിയും  ഗുസ്തിക്കാരെയും  karate അഭ്യാസികളെയും   സ്ഥാനാർഥികളായി   നിറുത്തും .

പാളിപ്പോയ ഒരു തിരുവനന്തപുരം യാത്ര ( നാടകം )

കഥാ പാത്രങ്ങൾ

1   കുഞ്ഞൻ  (45 )   ഒരു  റബ്ബർ തടി വെട്ട്  തൊഴിലാളി
2   അമ്മിണി  (40 )  കുഞ്ഞന്റെ   ഭാര്യ



പൈക -ഇടമറ്റം   ലക്ഷം  വീട്  കോളനി . സമയം   രാവിലെ  7  മണി .അമ്മിണി
മുറ്റം അടിച്ചുകൊണ്ടിരിക്കുന്നു . കുഞ്ഞൻ  ഏന്തി ഏന്തി  വളരെ വളരെ
ബദ്ധപ്പെട്ട്  പ്രവേശിക്കുന്നു .കാലിന്  നീരും  വെച്ചുകെട്ടുമുണ്ട് .shave ചെയ്യാതെയും  തലമുടി  ചീകാതെയും  വളരെ  ക്ഷീണിതനാണ്  കുഞ്ഞൻ . കാൽ
നിലത്ത് തൊടാനാവാതെ   ഒരു  വടിയുടെ   സഹായത്തോടെയാണ്  അയാൾ
നീങ്ങുന്നത്‌ . അമ്മിണിക്ക്  ആളെ   മനസ്സിലാകുന്നില്ല .


                                                    അമ്മിണി

ദൈവമേ ,രാവിലെ   കണികാണാൻ   പിച്ചക്കാരനോ ? ഹേയ് ,ഇവിടെ
തരാൻ  ഒന്നുമില്ല .

                                                     കുഞ്ഞൻ

പിച്ചക്കാരനല്ല ,ഞാൻ  നിൻറെ   കെട്ട്യൊനാ ,കുഞ്ഞൻ !

                                                     അമ്മിണി
എന്ത്  പറ്റി ? രണ്ട്  ദിവസമായി   നിങ്ങളെപ്പറ്റി   ഒരു  വിവരവും
ഇല്ലായിരുന്നല്ലോ . ഞാൻ  വിചാരിച്ചു  നിങ്ങൾ   പുറപ്പെട്ടു  പോയെന്ന് .
ഇതെന്തൊരു  പേക്കോലം ! ഒരു  ഭ്രാന്തനെ പോലുണ്ട് .കാലിന്  എന്തുപറ്റി ?
ഞാൻ   നൂറുപ്രാവശ്യം  വിളിച്ചു .ഫോണ്‍  ഒന്ന്  എടുക്കെണ്ടേ ?

                                                     കുഞ്ഞൻ

എല്ലാം  ഞാൻ   പറയാം .നീ  ഒന്നു  പിടിച്ചേ . ( അമ്മിണി   താങ്ങി പിടിച്ച്
ഒരു  ബെഞ്ചിൽ  ഇരുത്തുന്നു )

 കഴിക്കാൻ   വല്ലതും  ഉണ്ടോ ?കപ്പയോ  കഞ്ഞിയോ  വല്ലതും ? ഒരു  ദിവസമായി  വല്ലതും   കഴിച്ചിട്ട് .

                                                  അമ്മിണി

ഇവിടെ  ഒന്നും  ഇല്ല . രണ്ട്  ദിവസം   എവിടാരുന്നു  എന്ന്  പറ .

                                                    കുഞ്ഞൻ

എല്ലാം   ഞാൻ   പറയാം . ഒരു  കടുംകാപ്പിയെങ്കിലും  താ . അല്ലെങ്കിൽ
ഞാൻ   തല കറങ്ങി  വീഴും .ഹാവൂ ,എന്തൊരു  വേദന .

                                                   
           ( അമ്മിണി    അകത്തേയ്ക്ക്  പോകുന്നു )

എനിക്ക്   യാതൊരു   ആവശ്യവും  ഇല്ലായിരുന്നു ,ആ  LDF കാര്  വിളിച്ചപ്പോൾ TV m ന്   പോകാൻ .തലതിരിവ്‌  എന്ന്  പറഞ്ഞാൽ  മതി . ഞാൻ  ഒരു
ശുംഭൻ  ആയിപ്പോയി . ഇനി  ഒരു  മാസത്തേയ്ക്ക്   പണിക്ക്  പോകാനും
പറ്റില്ല .ഇരുപ്പതായി .

( അമ്മിണി  കടുംകാപ്പിയുമായി  വരുന്നു .കുഞ്ഞൻ  അത്  കുടിച്ച്  ആശ്വാസം

പ്രകടിപ്പിക്കുന്നു .)
                                                      അമ്മിണി

ഇനി   പറ ,എവിടെ പോയിരുന്നു  നിങ്ങൾ ?

                                                       കുഞ്ഞൻ

എല്ലാം   ഞാൻ  പറയാം . വ്യാഴാഴ്ച  വൈകീട്ട്   ഞാൻ  പൈക  ടൌണ്‍ ൽ
നിൽക്കുമ്പോൾ  LDF കാർ  വിളിച്ചു ,Tvm ന്  പോകാൻ  .മാണിസാറിന്റെ
ബജറ്റ് അവതരണം   തടയാൻ . ഡെയിലി  600  രൂപായും  കള്ളും  അവർ
ഓഫർ  ചെയ്തു . അങ്ങനെ  അവരുടെ  കൂടെ  പോയി .

                                                   അമ്മിണി
എന്താണ്  ഈ  LDF ?

                                                    കുഞ്ഞൻ

Lost   Democratic   Front .

                                                   അമ്മിണി

എന്നിട്ട്  എന്ത്‌   സംഭവിച്ചു ?


                                                   കുഞ്ഞൻ

നല്ല  രസമായിരുന്നു . പാട്ടും   പാരഡിയും  ചെണ്ടയടിയും  നാടകവും
എല്ലാമായി  ഞങ്ങൾ   അടിച്ചുപൊളിച്ചു  രാത്രിമുഴുവൻ   നിയമസഭയ്ക്ക്
പുറത്ത്   ഉറക്കമിളച്ച്  കഴിഞ്ഞു . മാണിസാറിന്റെ  ബജറ്റ്  വലിച്ചുകീറി
കളയുമെന്ന  കാര്യത്തിൽ  ഞങ്ങൾക്ക്   നല്ല  ഉറപ്പായിരുന്നു . പക്ഷേ
പത്തുമണിക്ക്   വാർത്ത‍ വന്നു ,ബജറ്റ്  വായിച്ചു എന്ന് . മണ്ണും ചാരി
നിന്നവൻ  പെണ്ണിനേയും കൊണ്ട്  പോയി  എന്ന്  പറഞ്ഞതുപോലെ .
ഞങ്ങൾ  അണ്ടികളഞ്ഞ അണ്ണാൻമാരെ പ്പോലെ  അവിടെയെല്ലാം  മണ്ടി നടന്നു .
അങ്ങാടിയിൽ  തോറ്റതിന്  അമ്മയോട്  എന്നുപറഞ്ഞത്‌ പോലെ  ചിലർ
കല്ലേറ്  തുടങ്ങി . എടീ  നീ  ഈ  കാൽ  ഒന്നു തിരുമ്മിക്കേ , വല്ലാത്ത  വേദന .

                             ( അമ്മിണി  തിരുമ്മുന്നു )
പോലീസ്   അടി തുടങ്ങി . teargas ഉം  ജലപീരങ്കിയും   സൈറനും  എല്ലാം
കൂടി  ആകെ  ബഹളം . ഒരു  പോലീസുകാരൻ  എൻറെ  കാൽ  തല്ലിയൊടിച്ചു .
എൻറെ  ഫോണും  ചെരുപ്പും  പണവും  പോയി .

                                           അമ്മിണി

നിങ്ങൾക്ക്  അങ്ങനെതന്നെ  വരണം . വേലിയേൽ  ഇരുന്ന  പാമ്പിനെ
എടുത്ത്  കൊനകത്തിൽ തിരുകേണ്ട  വല്ല  ആവശ്യവും  ഉണ്ടായിരുന്നോ ?
2013 ൽ  ഉമ്മൻ  ചാണ്ടിയെ  പുറത്താക്കാൻ  നിങ്ങൾ  Tvm നുപോയി
തോറ്റു തൊപ്പിയിട്ട് വന്ന   അനുഭവം മറന്നുപോയോ ?കാള പെറ്റെന്ന് കേട്ട്
കയറെടുക്കാൻ  പോയാൽ  അങ്ങനെയിരിക്കും .അനുഭവിക്ക് .

                                         കുഞ്ഞൻ

അമ്മിണി  നീ  കണ്ണിൽ ചോരയില്ലാത്ത  വർത്തമാനം  പറയാതെ . ഞാൻ
ഒരു  നല്ല  കാര്യത്തിന്   പോയതല്ലേ ?

                                         അമ്മിണി

എന്ത്  നല്ല  കാര്യം ?

                                         കുഞ്ഞൻ

അഴിമതിക്കാരനായ   മാണിസാറിനെ   പുറത്താക്കേണ്ടത്  നമ്മുടെ
കടമയല്ലേ ? കോടികളാണ്   മാണിസാർ   കോഴ  വാങ്ങിയത് .

                                       അമ്മിണി
എന്ന്   ആര്  പറഞ്ഞു ?

                                       കുഞ്ഞൻ

ബിജു  രമേശും  LDF ഉം  പറഞ്ഞു .

                                   അമ്മിണി

ചുമ്മാ   പറഞ്ഞാൽ  മതിയോ ? തെളിവ്  വേണ്ടേ . ഉദാഹരണത്തിന്
നിങ്ങളെ  make up ചെയ്ത്  സാരിയുടുപ്പിച്ചാൽ  ആയിരം പേർ  പറഞ്ഞേക്കാം
നിങ്ങൾ  ഒരു  പെണ്ണാണെന്ന് . ലക്ഷം  പേർ  പറഞ്ഞതുകൊണ്ട്  നിങ്ങൾ
പെണ്ണ്‍  ആകുന്നില്ല .LDF കാർ  വെറുതേ   നാക്കിട്ടു അടിച്ചതുകൊണ്ട്  തെളിവാകുന്നില്ല . തെളിവുണ്ടെങ്കിൽ   മാണിയെ  ശിക്ഷിക്കണം . അതുപോകട്ടെ  നിങ്ങളുടെ  വാച്ച്  എവിടെ ?

                                       കുഞ്ഞൻ

ഡെയിലി  600 രൂപാ  തരാമെന്നാണല്ലോ  അവർ  പറഞ്ഞിരുന്നത് . സമരം
തോറ്റത് കൊണ്ട്   പണം  തരാൻ പറ്റില്ല എന്ന്  അവർ  പറഞ്ഞു . വാച്ച്
ആക്രി കടയിൽ  വിറ്റ്  ആ  പൈസ  കൊണ്ട്  ടിക്കറ്റ്  എടുത്താണ്  ഇവിടം
വരെ  എത്തിയത് .

                                          അമ്മിണി
നിങ്ങൾ  ഇനിയെങ്കിലും  ഒരു  കാര്യം  മനസ്സിലാക്കണം . നിങ്ങളുടെ
നേതാക്കൾ   പാവപ്പെട്ടവരെ   പറഞ്ഞ്  പറ്റിക്കുകയാണ് .അവർക്ക്
നഷ്ട്ടപ്പെടാൻ   ഒന്നുമില്ല . തല്ല് കൊള്ളാൻ  നമ്മൾ . നിങ്ങൾക്കറിയാമോ
അവരുടെ  മക്കൾ  പഠിക്കുന്നത്  മുന്തിയ  സ്കൂളുകളിലാണ് . പഠിച്ചുകഴിഞ്ഞാൽ  അമേരിക്കയിലും  ഓസ്ട്രേലിയയിലും  ആണ്  ജോലി .
നേതാക്കളുടെ  ഭാര്യമാർ  ഷോപ്പിംഗ്‌  ചെയ്യുന്നത്  മുന്തിയ   മാളുകളിൽ
ആണ് . നമ്മൾ  പാവപ്പെട്ടവർ  മാളങ്ങൾ പോലുള്ള  കുടിലുകളിൽ  കഴിയുന്നു .

                                         കുഞ്ഞൻ

നീ  ഇത്തിരി  കൊഴമ്പു കൊണ്ടുവന്ന്  കാലുതിരുമ്മ് .ഇനി  ഒരു  മാസത്തേയ്ക്ക്
ജോലിക്ക്  പോകാനും  പറ്റില്ല .

                                          അമ്മിണി

തിരുമ്മാം .ഇനി  മേലിൽ   നേതാക്കൾ  പറയുന്നതുകേട്ട്  സമരത്തിന്‌
പോവുകയില്ല  എന്ന്  സത്യം  ചെയ്‌താൽ .

                                           കുഞ്ഞൻ

നീ  ക്ഷമിക്ക് .ഞാൻ   ഉറപ്പുതരുന്നു  ഇനി  രാഷ്ട്രീയക്കാരുടെ  വാക്ക്  കേട്ട്
അവരുടെ  പുറകെ  പോവുകയില്ല  എന്ന് . ഞാൻ  ഒരു  പാഠം  പഠിച്ചു .

                                           അമ്മിണി

അത്  നല്ല  പാഠം  ആണ് .

                                         ( Curtain )

മാണിവിരുദ്ധ സമരം (opinion )

Such men as he be never at  heart's  ease
Whiles they  behold a  greater than  themselves
And  therefore  are they  very  dangerous
                                                                    ( Julius  Caesar Act 1 Scene 1)

Shakespeare ടെ   Julius  Ceasr   എന്ന  നാടകത്തിൽ   സീസറിനു  എതിരെ  ഗൂഢാലോചന   നടത്തിയ   Cassius നെപ്പറ്റി, സീസർ  പറയുന്നതാണ്
ഈ   വാക്കുകൾ . മറ്റുള്ളവർ  തങ്ങളേക്കാൾ  ഉയരുന്നത്  കാണുമ്പോൾ
ചിലർക്ക്   സഹിക്കാനവുകയില്ല .അത്തരക്കാർ  അപകടകാരികളാണ് എന്ന്
സീസർ  പറയുന്നു . ഇത്  പറയുന്ന  സമയത്ത്  ഗൂഢാലോചനയെപ്പറ്റി
അദ്ദേഹത്തിന്  അറിവില്ലായിരുന്നു .പക്ഷേ  പറഞ്ഞത്  ശരിയായിരുന്നു .ആ
ഗൂഢാലോചന   സീസറിന്റെ  കൊലപാതകത്തിൽ   കലാശിച്ചു .

ഇന്ന്   ശ്രി KM  മാണിക്ക്   എതിരായ  ഗൂഢാലോചന  വളരെ  അപകടകരമായ
ഒരു  തലത്തിൽ  എത്തിയിരിക്കുന്നു . നിയമസഭ  വളഞ്ഞ്  അക്രമം  അഴിച്ചുവിടാനുള്ള   തീക്കളിയിലാണ്  സിപിഎം / LDF  ഏർപ്പെട്ടിരിക്കുന്നത് .

LDF  എന്ന്   പറയുന്നത്  ഒരു  euphemism  ആണ് .ഇഡ്ഡലി ,ദോശ ,പുട്ട് ,ഇടിയപ്പം
എന്നൊക്കെ   പറയുന്നതുപോലെ .ഇതെല്ലാം   അരിയാഹാരമാണ് . അരിയാഹാരത്തിനു   രുചി  കൂട്ടാൻ  തേങ്ങാ ,കറിവേപ്പില ,ജീരകം ,കടുക്
മുതലായവ  ചേർക്കുന്നു .LDF  ഘടകകക്ഷികളുടെ   സ്ഥിതി ,ഈ  ചെറിയ
സാധനങ്ങൾ പോലെയാണ് . പ്രധാനം   അരിയാഹാരമാണ് .അതായത്
സിപിഎം   അജണ്ട .ഈയിടെ  LDF ൽ നിന്ന്  ഒരു  കറിവേപ്പില  പുറത്തു പോയി .ഇപ്പോൾ   ഒരു  ജീരകം   അംഗത്വത്തിന് വേണ്ടി   പടിവാതിലിൽ  നിൽക്കുന്നു .

Julius  Ceasar  ഒരു   ഏകാധിപതിയാണ്  എന്ന്  ആരോപിച്ചാണ്   Cassius    ഗൂഢാലോചന   നടത്തിയത് . ശുദ്ധഗതിക്കാരനായ   Brutus നെ  തെറ്റിദ്ധരിപ്പിച്ച്
ഗൂഡാലോചനയിൽ   പങ്കു ചേർക്കുന്നു . ഗൂഢാലോചന  വിജയിക്കുന്നു . സീസർ  ഗൂഡാലോചനക്കാരുടെ   കുത്തേറ്റു മരിക്കുന്നു . എന്നാൽ   ഭരണം  പിടിച്ചെടുക്കാൻ   അവർക്ക്   സാധിക്കുന്നില്ല . അവസാനം  കുരുക്ഷേത്രത്തിൽ
തോൽവി  സമ്മതിച്ച്   Cassius ഉം   Brutus ഉം   ആത്മഹത്യ  ചെയ്യുന്നു .

മാണിക്ക്  എതിരെയുള്ള  സമരം  വ്യക്തിപരമായ  വിരോധത്തിൽ നിന്നും
അസൂയയിൽ നിന്നും  ഉണ്ടായതാണ് . രാഷ്ട്രീയ ജീവിതത്തിൽ  പല  റെക്കോർഡ്‌
കളുടേയും  ഉടമയാണ്   മാണി . അടിസ്ഥാനരഹിതമായ  ആരോപണങ്ങൾ
ഉന്നയിച്ച്  വ്യക്തിഹത്യ  നടത്തുകയാണ്  ലക്ഷ്യം . അദ്ദേഹത്തിൻറെ  അമ്പതാം
വാർഷികം  എങ്ങനെയെങ്കിലും   കുട്ടിച്ചോർ  ആക്കണം .

അഴിമതി നടത്തിയാൽ   ആരായാലും  ശിക്ഷിക്കപ്പെടണം . മാണി ആയാലും
മൻമോഹൻ  സിങ്ങ്  ആയാലും   അഴിമതി  നടത്തിയെന്ന്  തെളിഞ്ഞാൽ
ഏറ്റവും  കടുത്ത  ശിക്ഷ  കൊടുക്കണം .പക്ഷേ   CD  പൊ

ക്കിപ്പിടിച്ചതുകൊണ്ട്‌
തെളിവാകുന്നില്ല .

സിപിഎം  ഉപരോധം   ജനാധിപത്യത്തിന്   കടുത്ത  ഭീഷണിയാണ് .അക്രമത്തിൻറെ  ഭാഷയാണ്  അവർ  ഉപയോഗിക്കുന്നത് . താലിബാൻ ,IS ,
ബോകോ ഹറാം , അൽ സബാബ് ,തുടങ്ങിയ  ഭീകരരുടെ   ഭാഷയാണ് അത് .
കപ്പൽ  കൊള്ളക്കാരുടേയും  ഭാഷ  അത് തന്നെ . '' മതം  മാറിയില്ലെങ്കിൽ  തല
വെട്ടും .''  '' മോചനപണം   തന്നില്ലെങ്കിൽ  കൊല്ലും .'' ''  മാണി   രാജിവെച്ചില്ലെങ്കിൽ  ബലമായി  രാജിവെപ്പിക്കും .'''' നിയമസഭയെ  ഞങ്ങൾ
അലങ്കോലപ്പെടുത്തും .''

ജനാധിപത്യവിശ്വാസികൾ   ഈ  അക്രമരാഷ്ട്രീയത്തോട്   ശക്തമായി
പ്രതികരിച്ചില്ലെങ്കിൽ   പിന്നീട്  ദുഖിക്കേണ്ടി വരും . പാളിപ്പോയ  അറബ്
വസന്തം   ഒരു  പാഠം  ആകേണ്ടതാണ് . വളരെയേറെ  പ്രതീക്ഷകൾ  ഉണർത്തിയ
അറബ്  വസന്തം   ഏറ്റവും  വലിയ  ദുരന്തമായി  മാറി . കാരണം  അവർ
അക്രമത്തിൻറെ  മാർഗ്ഗമാണ്   സ്വീകരിച്ചത് . ഇന്ന്  സിറിയ  തവിടുപൊടി
ആയിരിക്കുന്നു . ലിബിയയിൽ  ആരാണ്  ഭരിക്കുന്നതെന്ന്  തിട്ടമില്ല . Iraq
പല കഷണങ്ങളായി .രക്തച്ചൊരിച്ചിൽ  നിത്യവും  തുടരുന്നു . നിയമം
കയ്യിലെടുത്താൽ   രാജ്യങ്ങൾതന്നെ  ഇല്ലാതാകുന്നു  എന്നതാണ്   അറബ്
ദുരന്തം  നൽകുന്ന  പാഠം .

നിയമവാഴ്ചയോടു  ബഹുമാനമില്ലത്തവർ  ആണ്   നിയമം  കയ്യിലെടുക്കുന്നത് .അത്തരക്കാർ   കേരളത്തിൽ  ധാരാളമുണ്ട് . ഉദാഹരണമായി  ഒരു ബസ്സ്‌
അപകടമുണ്ടായാൽ   ആൾക്കൂട്ടം  ബസ്‌  കത്തിക്കുന്നു . ഭക്ഷണത്തിൽ  ഒരു
ഈച്ചയെ  കണ്ടാൽ  ചായക്കട  അടിച്ചുതകർക്കുന്നു . രോഗി  മരിച്ചാൽ  ഡോക്ടറെ   മർദ്ദിക്കുന്നു . ഇവർക്ക്  നിയമത്തെപ്പറ്റി   അറിവില്ല . മാണിക്ക്
എതിരായ  സമരത്തിന്‌  ഇത്തരക്കാരെ  ധാരാളം  കിട്ടും .

BJP ക്ക്‌    മാണിയോട്  എന്താണിത്ര  വിരോധം ?  DYFI യുടേയും  യുവമോര്ചയുടെയും  പതാകകൾ  എന്തുകൊണ്ട്  കാമുകീകമുകാന്മാരെ പ്പോലെ  മുട്ടിയുരുമ്മുന്നു ? ഇതിൽ  ഒരു  ഗൂഢാലോചന  കാണാൻ  കഴിയും .
ഒരു  വെടിവേയ്പോ  മരണമോ  ഉണ്ടാക്കി  നാട്ടിൽ  അരാജകത്വം അഴിച്ചുവിട്ട്‌
കേന്ദ്ര സർക്കാരിനെക്കൊണ്ട്   UDF  govt നെ  പിരിച്ചു വിടാൻ  ഉള്ള  ഒരു
തന്ത്രം !

ഞാൻ  മനസ്സിലാക്കിയിട്ടുള്ളത് , ബൈബിൾ  വാക്യങ്ങൾ  നല്ല  കാര്യങ്ങൾക്കുവേണ്ടി  ഉദ്ധരിക്കപ്പെടുന്നു  എന്നതാണ് . ഒരു  വ്യക്തിയെ
അധിക്ഷേപിക്കുന്നതിന് വേണ്ടി  പ്രതിപക്ഷ നേതാവ്  ബൈബിൾ  വാക്യങ്ങൾ
ഉദ്ധരിച്ചത്  കേട്ടപ്പോൾ  ഞെട്ടിപ്പോയി . അത്  വളരെ  ബാലിശവും  അപക്വവും
ആയി  അനുഭവപ്പെട്ടു .

ഇത്തരം  കുതന്ത്രങ്ങൾ  കൊണ്ട്  ജനപിന്തുണ നേടി  2016 ൽ  അധികാരത്തിൽ
കയറാമെന്നാണ്   മോഹമെങ്കിൽ  അത്  അസ്ഥാനത്താണ് .കാരണം  ഭൂരിപക്ഷം
ജനങ്ങൾ   അക്രമ രാഷ്ട്രീയത്തിന്  എതിരാണ് .

Julius  Caesar  നാടകത്തിൻറെ   അവസാനഭാഗത്ത്‌   Cassius  ഒരു   അഴിമതിക്കാരനാണ്   എന്ന്  തെളിയുന്നു . ഇതേചൊല്ലി   Cassius ഉം  Brutus ഉം
തമ്മിൽ  ഇടയുന്നു . മഹാ  ആദർശധീരനെന്നു  ഭാവിച്ച   Cassius , പാവപ്പെട്ടവരിൽ നിന്ന്   കൈക്കൂലി  വാങ്ങിച്ചിരുന്നു . ഇതേപ്പറ്റി  Brutus
പറയുന്നു :

''  What , shall  one  of  us ,
That   struck  the  foremost  man  of  all  this   world
But  for  supporting  robbers ,shall  we  now
Contaminate  our  fingers  with  base  bribes ,
And  sell  the  mighty  space  of  our  large  honours
For  so  much  trash as  may be  grasped  thus ? "   ( Act 4 ,Scene  3 )

കിട്ടുന്നതെല്ലാം  കയ്യിട്ടുവാരാൻ  വേണ്ടിയായിരുന്നോ   ലോകത്തിലെ
ഏറ്റവും   പ്രധാനപ്പെട്ട  വ്യക്തിയെ  നമ്മൾ  ഉന്നതമായ  ആദർശങ്ങൾക്കു വേണ്ടി  കൊന്നത്  എന്നാണ്  Brutus  ചോദിക്കുന്നത് .

ഇന്ന്  KM  മാണിക്ക്  എതിരെ  സമരം  ചെയ്യുന്നവർ  അഴിമതിയെ  യഥാർത്ഥത്തിൽ   എതിർക്കുന്നവരാണ്  എങ്കിൽ  എന്തുകൊണ്ടാണ്  എല്ലാ
രംഗത്തും  കൈക്കൂലിയും  നോക്കുകൂലിയും  തട്ടിപ്പും  ഉള്ളത് ? എന്തുകൊണ്ടാണ്   സർക്കാർ ഭൂമി  കയ്യൂക്കുള്ളവർ   തട്ടിയെടുക്കുന്നത് ?
ഇവിടെ   സമരം  ആദർശങ്ങൾക്കു വേണ്ടിയല്ല ,ഒരു  വ്യക്തിയെ  വേട്ടയാടാൻ വേണ്ടി  മാത്രമാണ് .

വിനാശകാലെ വിപരീത ബുദ്ധി (അഭിപ്രായം )

രാജ്യം  മുഴുവൻ   ഗോവധം  ഏർപ്പെടുത്താൻ   കേന്ദ്രസർക്കാർ  ആലോചിക്കുന്നു  എന്ന് കേട്ടപ്പോൾ   ചിരിക്കാനാണ്  തോന്നിയത് .ഒരു പക്ഷേ
ഇത്   ഒരു  rumour  ആയിരിക്കാം . അഥവാ

 അങ്ങനെ  ഒരു  നീക്കം  ഉണ്ടെങ്കിൽ
അത്   സഹതാപം  അർഹിക്കുന്നു . കാരണം   അത്  വിനാശകാലെ  വിപരീത
ബുദ്ധിയാണ് . ഭരണത്തിൽ  കയറിയിട്ട്  ഒരു  വർഷം  തികയുന്നതിന് മുമ്പ്
ഒരു  self- goal   അടിക്കാൻ  നരേന്ദ്രമോഡി  തുനിയുമോ ? അതോ  ഒരു  രണ്ടാം
term ന്   അദ്ദേഹത്തിന്   താൽപ്പര്യമില്ല  എന്നാണോ   സൂചന ?

ഗോവധ നിരോധനത്തെക്കാൾ    എത്ര  വലിയ  പ്രശ്നങ്ങൾ  ഇന്ത്യയിൽ  പരിഹരിക്കാൻ  കിടക്കുന്നു ! പാർപ്പിടം ,കുടിവെള്ളം , രോഗങ്ങൾ ,toilet
മുതലായ  പ്രശ്നങ്ങൾ  അനേക കോടി  ജനങ്ങളെ   ബാധിക്കുന്നു . ഈ  പ്രശ്നങ്ങൾക്ക്  പരിഹാരം  കാണാതെ  ഗോവധ നിരോധനവുമായി  ഇറങ്ങിയാൽ   അത്  വിഭാഗീയത   വളർത്തുകയും   രാജ്യപുരോഗതിയെ
തളർത്തുകയും   ചെയ്യും . ഈ   ആശയവുമായി  ഇറങ്ങിയിരിക്കുന്നവർ
മറ്റേതോ  ഗ്രഹത്തിലാണ്   ജീവിക്കുന്നതെന്ന്  തോന്നുന്നു .

വിഭാഗീയത  ഇന്ന്  മ നുഷ്യ വംശത്തിനുതന്നെ   ഒരു  ഭീഷണിയായി   മാറിയിരിക്കുന്നു . ഇസ്ലാമികതീവ്രവാദത്തെ   അടിസ്ഥാനമാക്കി  രണ്ടു
പുതിയ  രാജ്യങ്ങൾ  ഉണ്ടായിരിക്കുന്നു . Isis ൻറെ   Caliphate ഉം  Nigeria യുടെ
Boko Haram ൻറെ  Caliphate ഉം . അവർ  ആധുനികമാധ്യമങ്ങൾ  വഴി  അവരുടെ
പൈശാചികമായ  ആശയങ്ങൾ  ലോകമെമ്പാടും  പ്രചരിപ്പിച്ച് ,പ്രത്യേകിച്ച്
യുവജനങ്ങളെ   ആകർഷിച്ചു കൊണ്ടിരിക്കുകയാണ് . ഒരു മാസം ആയിരത്തോളം യുവാക്കളാണ്  ISIS  ന് വേണ്ടി  പോരാടാൻ   വിദേശരാജ്യങ്ങളിൽ നിന്ന്   സിറിയയിലേയ്ക്ക്  പോകുന്നത് .

ഗോവധനിരോധനം  പോലുള്ള  അനാവശ്യകാര്യങ്ങൾ  കുത്തിപ്പൊക്കി
വിഭാഗീയത വളർത്തി ,ന്യൂനപക്ഷ സമുദായങ്ങൾക്കിടയിൽ   അസ്വസ്ഥതയും
ആശങ്കയും  വളർത്തിയാൽ  അത്   ഭീകരമായ  പ്രത്യാഘാതങ്ങൾക്ക്  ഇടയാക്കും .ISIS ൻറെ    സ്വാധീനത്തിൽ  ഇന്ത്യയിലെ  കുറെ  യുവാക്കളും
പെടാതിരിക്കുകയില്ല . അവരിൽ  പത്തോ ഇരുപതോ പേർ   മരിക്കാൻ
തയ്യാറായി  ഇന്ത്യയിലെ  വൻനഗരങ്ങളിൽ   ആക്രമണം  അഴിച്ചുവിട്ടാൽ
എന്തായിരിക്കും   സ്ഥിതി ? ഇന്ന്  യുറോപ്പിലും   കാനഡയിലും  ഓസ്ട്രേലിയ
യിലും  ആ  നാടുകളിലെ  ചില  പൌരന്മാരാണ്  മാതൃരാജ്യങ്ങൾക്ക്   ഭീഷണി
ആയിരിക്കുന്നത് .

ഗോവധനിരോധനം  പോലുള്ള  തലതിരിഞ്ഞ  നടപടികൾ  രാജ്യത്ത്  നാശത്തിന്റെ  വിത്തുകൾ  വിതയ്ക്കുമെന്ന   കാര്യത്തിൽ   സംശയം  വേണ്ട .
എരിതീയിൽ  എണ്ണ  ഒഴിക്കുന്നതിന്  തുല്യമാണ്  അത് .

ഭരണാധികാരികളുടെ   തെറ്റായ   നടപടികൾ ,അവർക്കുതന്നെ  വിനയാകുന്നതിനു  ഉദാഹരണങ്ങൾ  ഏറെയുണ്ട് . 1976 ൽ   ദക്ഷിണാഫ്രിക്കയെ
ഭരിച്ചിരുന്ന  ന്യൂനപക്ഷ വെള്ള സർക്കാർ  കരുമ്പരുടെ  സ്‌കൂളുകളിൽ
Afrikaans  ഭാഷ   മാധ്യമമായി   അടിച്ചേൽപ്പിച്ചു . മർദ്ദകരുടെ  ഭാഷയ്ക്കെതിരായി  എന്നതിലുപരി ,തങ്ങൾക്കു കിട്ടിയിരുന്ന  തരംതാണ
വിദ്യാഭ്യാസത്തിനെതിരെ   സ്കൂൾ കുട്ടികൾ  കലാപം  നടത്തി .600 കുട്ടികൾ
പോലീസിൻറെ  വെടിയേറ്റ്‌  മരിച്ചു . വംശവിവേചനത്തെപ്പറ്റി  ലോകജനത
കൂടുതൽ  കൂടുതൽ  അറിയാൻ  ഈ  സംഭവം  കാരണമായി . ദക്ഷിണാഫ്രിക്കക്കെതിരെ   സാമ്പത്തികഉപരോധം  ശക്തിപ്പെട്ടു . സ്പോര്ട്സ് ൽ നിന്ന്   ദക്ഷിണാഫ്രിക്കയെ  ആട്ടി പുറത്താക്കി . നിൽക്കക്കള്ളിയില്ലാതെ  1990 ൽ  നെൽസണ്‍  മണ്ടേലയെ  മോചിപ്പിക്കുകയും  ANC യുടെ  നിരോധനം  നീക്കുകയും  ചെയ്തു . 1994 ൽ   ദക്ഷിണാഫ്രിക്ക  ഒരു  ജനാധിപത്യരാജ്യമായി .
ആഫ്രിക്കാൻസ്   അടിച്ചേൽപ്പിക്കാനുള്ള   വിഡ്ഢിത്ത പരമായ  തീരുമാനം
രാജ്യത്തിന്‌  അനുഗ്രഹമായി .

2003 ൽ   മതിയായ   ന്യായീകരണങ്ങൾ  ഇല്ലാതെ   ജോർജ് ബുഷ്‌   IRAQ നെ
ആക്രമിച്ച്  കീഴടക്കി . സദ്ദാം  ഹുസ്സൈനെയും  രണ്ട്  മക്കളെയും  കൊന്നു .
പത്ത്  വർഷം  ദീർഘിച്ച  യുദ്ധത്തിൽ  അയ്യായിരത്തോളം  അമേരിക്കൻ
സൈനികർ  മരിച്ചു . Billion  കണക്കിന്   ഡോളർ  ചെലവായി . കിട്ടിയതോ ,
വട്ടപൂജ്യം . IS   ഉണ്ടാകാൻ  കാരണം   ബുഷിൻറെ  തെറ്റായ  നടപടിയാണ് .

ഗോവധനിരോധനക്കാർ   ചരിത്രത്തിൽ നിന്ന്   പാഠങ്ങൾ  പഠിക്കുന്നില്ല .
രാജ്യത്തെ  കുട്ടിച്ചോർ   ആക്കിയിട്ടേ  അവർ  അടങ്ങുകയുള്ളൂ .

ബജറ്റ് അവതരണ സാധ്യതകൾ ( ഹാസ്യഭാവന )

കേരള ബജറ്റ്   അവതരിപ്പിക്കാൻ   13 ആം  തീയതി  തെരഞ്ഞെടുത്തത്
എന്തുകൊണ്ടാണെന്ന്   അറിയില്ല . പതിമൂന്ന്   ഒരു  നിർഭാഗ്യനംബരായിട്ടാണ്‌
സാധാരണ  കണക്കാക്കപ്പെടുന്നത് . എന്തായാലും   മാണിസാറിന്റെ  കഷ്ടകാലമാണല്ലോ  ഇത് .എന്തായാലും   13 ആം   തീയതി  ചിലതെല്ലാം
നടക്കും .

ബജറ്റ്  അവതരിപ്പിക്കാൻ   മാണിയെ  അനുവദിക്കുകയില്ല  എന്നാണ്
പ്രതിപക്ഷം  ഭീഷണി  മുഴക്കിയിരിക്കുന്നത് . ബജറ്റ്   മാണി തന്നെ  അവതരിപ്പിക്കുമെന്ന്  ഉമ്മൻ  ചാണ്ടി  അർത്ഥശങ്കക്കിടവരാതെ   പ്രഖ്യാപിച്ചിരിക്കുന്നു . ഇത്  രണ്ടും  എങ്ങനെ  പൊരുത്തപ്പെട്ടു പോകും ?


കേരളം  കണ്ട  ഏറ്റവും  വലിയ  മാന്ത്രികൻ  ഉമ്മൻ ചാണ്ടിയാണ് . വളരെ
സങ്കീർണ്ണമായ ,അപകടകരമായ  കുരുക്കുകൾ  അഴിച്ച്  ചിരിച്ചു കൊണ്ട്
പുറത്ത് ചാടാൻ   അദ്ദേഹത്തിന്   അറിയാം .നമ്മൾ   ഒരു  മാന്ത്രികൻറെ
പ്രകടനം  കാണാൻ  ഇരിക്കുമ്പോൾ  നമുക്കറിയാം , തലവെട്ടുന്ന  രംഗമാനെങ്കിലും   മാന്ത്രികൻ   സുരക്ഷിതനായി   പുറത്തുവരുമെന്ന് .
13 ആം  തീയതി  വളരെ  ഉദ്വേഗജനകമായ   അഭ്യാസങ്ങൾ   പ്രതീക്ഷിക്കാം .

പക്ഷേ   ഇതെങ്ങനെ   സാധിക്കും ? മാണിയെ   വഴിയിൽ   തടയുമെന്നാണ്
പ്രതിപക്ഷം  പറയുന്നത് ?

1 . പത്താം   തീയതി  മുതൽ    മാണിസാർ   നിയമസഭയിലെ   ഒരു  രഹസ്യമുറിയിൽ  താമസിക്കുക .13 ആം   തീയതി  ഭരണകക്ഷി  അംഗങ്ങൾ
എല്ലാവരും   ഇരുന്നു കഴിയുമ്പോൾ   മാണിസാർ  ബജറ്റ്  ഉയർത്തി പിടിച്ചുകൊണ്ട്   പ്രവേശിക്കുന്നു .

2 . വഴിതടയലിനെ  ചെറുക്കാനുള്ള  ഒരു  പോംവഴി ,വഴിയിൽക്കൂടി
     വരാതിരിക്കുകയാണ് . ആകാശത്തെ   ആശ്രയിക്കുക . മാണിസാർ
ഒരു  glider ,അല്ലെങ്കിൽ  balloon  ഉപയോഗിച്ച്  പറന്ന്  പറന്ന്  നിയമ
സഭാമന്ദിരത്തിന്റെ   മേൽക്കൂരയിൽ  പ്രത്യേകം  ഉണ്ടാക്കിയിട്ടുള്ള
ദ്വാരത്തിലൂടെ   നടുത്തളത്തിൽ   ലാൻഡ്‌  ചെയ്യുന്നു .

3. 13 ആം   തീയതി  മാണിസാർ   വീട്ടിൽ  വിശ്രമിക്കുക .ബജറ്റ് പ്രസംഗം
നേരത്തെതന്നെ   record  ചെയ്ത്   ഒരു  അപരനെക്കൊണ്ട്  വായിപ്പിക്കുക .
വായിക്കുക  എന്നുവെച്ചാൽ  ചുണ്ട് അനക്കിയാൽ  മാത്രം  മതി .

4 . 13  ആം  തീയതി   ഒരു  navy helicopter ൽ നിന്ന്   മാണി  സാറിനെ
     നിയമസഭാമന്ദിരത്തിന്റെ   മേൽക്കൂരയിലെയ്ക്ക്   കയറിൽ  ഇറക്കുക .


5 . നിയമസഭയിൽ  ബഹളവും  കയ്യാംകളിയും   തടയുന്നതിനു വേണ്ടി
     എല്ലാ  അംഗങ്ങൾക്കും   സീറ്റ്‌ ബെൽറ്റ്‌  ഏർപ്പെടുത്തുക . എല്ലാവരും
സീറ്റ്ബെൽറ്റ്  ഇട്ടുകഴിഞ്ഞാൽ   അത്  സ്പീക്കറുടെ  നിയന്ത്രണത്തിൽ
ആയിരിക്കും .

    നിയമസഭയ്ക്ക്    പുറത്ത്   കല്ലേറ്  തടയുന്നതിനു വേണ്ടി   ആ  പ്രദേശം
 കല്ലുമുക്ത മേഖലയായി   പ്രഖ്യാപിക്കുക . അതായത്   ആ  പ്രദേശത്ത്
ഏതെങ്കിലും  തരം  കല്ല്‌  കയ്യിലോ  പോക്കറ്റിലോ  ബാഗിലോ  വെച്ചുകൊണ്ട്
പ്രവേശിക്കുന്നത്   ശിക്ഷാർഹാമാണ് .

യുവജനങ്ങളെ   കല്ലേറിൽ നിന്ന്  പിന്തിരിപ്പിക്കുന്നതിനുവേണ്ടി   ചില
incentives  ഏർപ്പെടുത്തുക . കല്ലെറിയാൻ  വരുന്ന  യുവാക്കൾക്ക്  മാനസാന്തരം
വന്ന്  കല്ല്‌   സ്വയം  declare  ചെയ്ത്  മാപ്പ്  കിട്ടാവുന്നതാണ്‌ . മാത്രമല്ല ,
declare  ചെയ്യുന്ന  കല്ലുകൾ   തൂക്കി  തിട്ടപ്പെടുത്തി   നഷ്ടപരിഹാരം  കൊടുക്കും .
ഒരു  കിലോ  കല്ലിന്  100  രൂപാ  നിരക്കിൽ .

ഇതെല്ലാം   കാണാം   മാർച്ച്‌   പതിമൂന്നാം   തീയതി .