ബീഫ് ഫ്രൈ ( ഹാസ്യ ഭാവന )

കഥാപാത്രങ്ങൾ

കുഞ്ഞൻ    ( 40 )      തൊഴിലാളി

അമ്മിണി    ( 35 )   കുഞ്ഞന്റെ    ഭാര്യ

(  പൈക   ലക്ഷം  വീട്   colony .  സമയം    വൈകീട്ട്   ആറു മണി . അമ്മിണി
ആടുകളെ    കൂട്ടിൽ  കയറ്റുന്നു . കുഞ്ഞൻ   പ്രവേശിക്കുന്നു . ഏന്തി  ഏന്തിയാണ്   നടക്കുന്നത് .കാലിൽ   ഒരു  വെച്ചുകെട്ടുണ്ട് .കയ്യിൽ   ഒരു  പ്ലാസ്റ്റിക്‌  ബാഗ്‌
ഉണ്ട് . അമ്മിണി   ഓടി   അടുത്ത്  ചെല്ലുന്നു .)


                                             അമ്മിണി

ഹോ ,ചേട്ടാ   ഇതെന്തുപറ്റി ? ചോര  പൊടിക്കുന്നുണ്ടല്ലോ .

                                            കുഞ്ഞൻ

എന്തുപറ യാനാ ! വരുന്ന   വഴിക്ക്   എന്നെ  ഒരു  പട്ടി  ഒന്ന്  കമ്മി .
സാരമില്ല . നായിൻറെ  മോൻ . അവനെ  ഞാൻ  വെറുതേ  വിടില്ല .

                                       അമ്മിണി

ശ്,  ഒന്ന്   പതുക്കെ  പറ . മൃഗങ്ങൾക്കെതിരായി    ശബ്ദിക്കുന്നതു പോലും
സൂക്ഷിക്കണം . അഴി  എണ്നും . അതാ    കാലം .

                                         കുഞ്ഞൻ

ഏതായാലും    അവനെ  ഞാൻ  ഒരു  ദിവസം  തട്ടും . നീ  നോക്കിക്കോ .

                                         അമ്മിണി

ആ   മനേകാ  ഗാന്ധിയുടേയും   രണ്ജിനിയുടെയും   തലയിൽ  ഇടിത്തീ
വീഴണേ . ഇന്ന്  മനുഷ്യൻറെ   കാര്യം  നോക്കാൻ   ആരുമില്ല . ആനയ്ക്ക്
പോലും  സുഖ ചികിത്സയുടെ   കാലമാ .

                                    കുഞ്ഞൻ

എന്തുപറയാനാ . God's   own  country , dogs  own  country  ആയി . ഞാൻ
മാണി സാറിനെ  കണ്ട്   ഒരു  നിവേദനം  കൊടുക്കാൻ  ഉദ്ദേശിക്കുകയാ .


                              അമ്മിണി

എന്താ ?

                                  കുഞ്ഞൻ

സർക്കാർ   പണമില്ലാതെ  നട്ടം  തിരിയുകയാ . മാണി സാർ  ചൈനയിൽ
പോയി    അവരുമായി  ഒരു  കരാർ  ഒപ്പിടണം . ഇക്കണ്ട   പട്ടികളെ  എല്ലാം
അവർക്ക്  വിൽക്കണം . പട്ടി  ഒന്നിന്  പത്ത്  ഡോളർ  വെച്ച്  കിട്ടിയാലും
ലാഭമാ .പട്ടിശല്യം   തീരുകയും  ചെയ്യും . കാല്   നീറുന്നു .

                             അമ്മിണി

ചോദിച്ചു  നോക്ക് . എന്താ   പ്ലാസ്റ്റിക്‌  ബാഗ്‌ ൽ ?

                              കുഞ്ഞൻ

ഒരു   ഒറിജിനൽ  കുപ്പിയാ .ഒരു  ഫ്രണ്ട്   തന്നതാ . ആട്ടെ , ബീഫ്  ഫ്രൈ  വെച്ചോ ?

                              അമ്മിണി

ഇല്ല  ചേട്ടാ . അറിഞ്ഞില്ലേ '?  മാട്ടിറച്ചി   സമരം ?  ബീഫ്  ഒരു  കഷണം പോലും
കിട്ടാനില്ല .

                             കുഞ്ഞൻ

കർത്താവേ   ചതിച്ചോ ? ഈ   BJP ക്കാർ    കേറിയതിൽ പിന്നെ   തിന്നുകയുമില്ല
തീറ്റിക്കുകയുമില്ല . കോഴി   വാങ്ങാമായിരുന്നില്ലേ ?

                     അമ്മിണി

കോഴിക്ക്   തീപിടിച്ച  വിലയാ . afford  ചെയ്യാൻ  പറ്റുകയില്ല .

                        കുഞ്ഞൻ

അപ്പോൾ  പിന്നെ   എന്തു ചെയ്യും ?

                      അമ്മിണി

ഒരു   idea   പറയാം .  ഇന്ന്   ഏറ്റവും   വിലകുറഞ്ഞ  സാധനം  റബ്ബർ
ആണ് . റബ്ബർ  ഷീറ്റ്  കഷണിച്ചു   നല്ലപോലെ  കുരുമുളകും  ഇഞ്ചിയും
പച്ചമുളകും   മല്ലിയിലയും  ഒക്കെ  ചേർത്ത്  ഒരു  റബ്ബർ  stew .

                   കുഞ്ഞൻ

ചങ്കിൽ  കുത്തുന്ന   വർത്തമാനം   പറയാതെ   അമ്മിണീ .

                          അമ്മിണി

എന്തായാലും    തമിഴ് നാട്ടിൽ നിന്ന്  വരുന്ന   മുതുകാള യുടെ
ഇറച്ചിയേൽ ക്കാൾ   രുചി  കാണും  റബ്ബർ  ഷീറ്റിന് .

                      കുഞ്ഞൻ

ഒന്നും  ഇല്ലെങ്കിൽ   കുറെ  ഉണക്കമീൻ  വറുത്തു   കാന്താരിമുളക്
ചേർത്ത്   ചതച്ചു  താ . ഈ   കുപ്പിക്ക്‌   ഒരു  കൂട്ട് .

                           അമ്മിണി

ഉണക്കമീൻ   ഇരിപ്പുണ്ട് . ഉണ്ടാക്കാം .


                     കുഞ്ഞൻ

നല്ല   എരിവ്   വേണം . എന്നാൽ   വേഗം  ഉണ്ടാക്ക് .  എന്നിട്ടു വേണം
ഒന്ന്   ആഘോഷിക്കാൻ . ( സൃന്ഗാര ഭാവത്തിൽ   നോക്കുന്നു )

                  അമ്മിണി

എന്താ   എന്താ   മനസ്സിലായില്ല .

                കുഞ്ഞൻ

ഇങ്ങോട്ട്   അടുത്തു വാ . (  അമ്മിണിയെ  കെട്ടിപ്പിടിച്ച്   ചെവിയിൽ
എന്തോ  മന്ത്രിക്കുന്നു . അവൾ   കുതറി  മാറുന്നു )

                    അമ്മിണി

ഛെ , നാണമില്ലേ   മനുഷ്യാ ...

(  അമ്മിണി   പോകുന്നു )


            കുഞ്ഞൻ

ഇന്ന്   ഒന്ന്   അടിച്ചു  പൊളിക്കണം . ( കുപ്പി  തുറക്കുന്നു )
ആദ്യം   ഒരു   warming up . ഓട്ടത്തിന്  മുമ്പ്  ഉസ്സൈൻ  ബോൾട്ട്
ചെയ്യുന്നതുപോലെ . നല്ല   എരിവുള്ള   എന്തെങ്കിലും   കാണണം .
starting   trouble  ഒന്നും   പാടില്ല . (laptop തുറക്കുന്നു )  ...ഛെ  ഇതെന്താ
ഒന്നും   തുറക്കുന്നില്ലല്ലോ . എന്താ   porn  site  എല്ലാം   ബന്ദ്‌  ആണോ ?
എല്ലാം   closed . കർത്താവേ   ചതിച്ചോ ? അനാശാസ്യത്തിന്  ഒന്നും പോകാതെ
മാനം മര്യാദയായി   സ്വന്തം   ഭാര്യയോടൊത്ത്   അടിച്ചുപൊളിക്കാൻ   അൽപ്പം   എരിവ്  കൂട്ടാമെന്ന്   വിചാരിച്ചപ്പോൾ   അതിനും  BJP ക്കാര്   സമ്മതിക്കുകയില്ല . fools  own  country ! തിന്നുകയുമില്ല   തീറ്റിക്കുകയുമില്ല .
കഷ്ടം !


  ( അമ്മിണി   ഉണക്കമീൻ  ചമ്മന്തി   കൊണ്ടുവരുന്നു )

                                    അമ്മിണി

എന്താ  ചേട്ടാ  'കഷ്ടം  എന്ന്   പറഞ്ഞത് ?

                 കുഞ്ഞൻ

അതോ ? നീ   TV യിൽ   കണ്ടില്ലേ   റഷ്യയിൽ   ഒരു   helicopter  താഴെ വീണ്
pilot  കത്തി  ചാമ്പലായത് ? അതുകണ്ട്    വിഷമം  തോന്നി .

                            അമ്മിണി

അതാണോ ? എങ്കിൽ   സാരമില്ല .

( CURTAIN )