തുരപ്പി ,ഗുണ്ടി , ഡ്രൈവി etc ( opinion )

പണ്ഡിറ്റ്‌   രവിശങ്കർ   കേരളത്തിൽ   concert  നടത്താൻ   താൽപ്പര്യം  കാണിച്ചിരുന്നില്ല  എന്ന്   പറഞ്ഞു കേട്ടിട്ടുണ്ട് . അതിന്   കാരണമായി 

പറഞ്ഞിരുന്നത് , എത്ര  നല്ല  performance  കാഴ്ച വെച്ചാലും   മലയാളികൾ 

കയ്യടിച്ച്   പ്രോത്സാഹിപ്പിക്കുകയില്ല   എന്നതാണ് . കയ്യടിക്കുന്നതിൽ 

മഹാ ലുബ്ധരാണ്   പൊതുവേ   മലയാളികൾ . ഭയങ്കര  മസ്സിൽ പിടുത്തം 

ഉള്ളവരാണ് . ഭാഷയിൽ   പുതിയ  വാക്കുകൾ  ഉണ്ടാക്കുന്നതിനും  മറ്റു 

ഭാഷകളിൽ നിന്ന്   സ്വീകരിക്കുന്നതിനും   മലയാളികൾക്ക്   മടിയുണ്ടെന്ന് 

തോന്നുന്നു . സംഭാഷണത്തിൽ   അനേകം  ഇംഗ്ലീഷ്   വാക്കുകൾ   എല്ലാവരും  

ഉപയോഗിക്കുന്നുണ്ടെങ്കിലും    ജീർണ്ണിച്ച  പത്രഭാഷയിലെയ്ക്ക്   അവ 

വരുന്നില്ല . ഉദാഹരണത്തിന്    ബലാൽസംഗം   ഇംഗ്ലീഷ് ൽ   rape  ആണ് .

പത്തുപേരെ  വിളിച്ച്   ബലാൽസംഗം  എന്ന്  എഴുതിച്ചാൽ   അവരിൽ 

ഭൂരിപക്ഷം   പേരും   തോൽക്കും . എന്നാൽ   rape എന്ന്  എഴുതാൻ  പറഞ്ഞാൽ 

പത്തിൽ   പത്തുപേരും   ജയിക്കും . എഴുതാൻ   മലയാളം   കടുകട്ടിയാണ് .

പറഞ്ഞ്  ഒരുവിധത്തിൽ  ഒപ്പിക്കാം . പോരെങ്കിൽ  ഇംഗ്ലീഷ്  വാക്കുകൾ 

സഹായത്തിനുണ്ട് . ഇപ്പോൾ    സാധാരണക്കാർ പോലും   actually ,basically 

എന്നൊക്കെ   പറയുന്നത്   കേൾക്കാം . 

സാധാരണക്കാരാണ്   പുതിയ   വാക്കുകൾ   പ്രയോഗിക്കാൻ   ധൈര്യം 

കാണിക്കുന്നത് . ഇപ്പോൾ facebookൽ    ലൈക്കി ,ചാറ്റി ,പോസ്റ്റി ,ക്ലിക്കി 

മുതലായ   പ്രയോഗങ്ങൾ  കാണാം . ചാറ്റ്  ചെയ്തു  എന്നത്  ചുരുക്കി 

ചാറ്റി  എന്ന്  പറയുന്നു . ഫോട്ടോ  എടുത്തു  എന്ന്   പറയുന്നതിനേക്കാൾ 

എളുപ്പമാണ്   ക്ലിക്കി   എന്ന്  പറയുന്നത് . ഇന്ന്  ജീവിതം   ഫാസ്റ്റ്  lane 

ആണ് . നീണ്ട   വാക്കുകൾ   എഴുതാനും   പറയാനും   സമയമില്ല .

അതുകൊണ്ടാണ്   four എന്നതിന്‌  പകരം 4 ഉം ,you വിന്    പകരം  

u   വും       sms ൽ     ഉപയോഗിക്കുന്നത് .

ഒരാൾ     facebook ല     സ്വാതന്ത്ര്യദിനവും    മാതാവിൻറെ   സ്വർഗ്ഗാരോഹണവും 

ഒന്നിച്ച് ചേർത്ത്   ഒരു നല്ല  ചിത്രം   പോസ്റ്റിയിരിക്കുന്നത്   കണ്ടു . സ്വർഗ്ഗാരോപണം   എന്നാണ്   എഴുതിയിരിക്കുന്നത് . ഈ  ചെറിയ  തെറ്റ് 

മാതാവ്   ക്ഷമിക്കാതിരിക്കുകയില്ല .കാരണം   ആരോപണം  എന്ന  വാക്ക് 

മലയാളത്തിൽ   എപ്പോഴും  ഉപയോഗിക്കപ്പെടുന്ന   ഒരു  വാക്ക്  ആണ് .

ഒരു    വനിതാ ഗുണ്ടാ    ജയിൽ ഭിത്തി  തുരന്ന്   ചാടിപ്പോയി  എന്ന് 

കേട്ടപ്പോൾ  ചിരിക്കാതിരിക്കാൻ   കഴിഞ്ഞില്ല . ആദരണീയനായ  ശ്രീ 

ചെന്നിത്തല   നിത്യവും  ഉപയോഗിക്കുന്ന   ഒരു  വാക്കാണ്‌ '' വീഴ്ച ''.

'' ഇക്കാര്യത്തിൽ   പോലീസിന്   വീഴ്ച   പറ്റിയിട്ടുണ്ടോ  എന്ന്  പരിശോധിക്കും . പറ്റിയിട്ടുണ്ടെങ്കിൽ   കർശനമായ   നടപടി  ഉണ്ടാകും .''

ചെന്നിത്തല   എന്നും   ഇത്   പറയുന്നത്  കേൾക്കാം . എന്നാൽ  മേൽനടപടി 

ഒന്നും   കാണുന്നില്ല .

വനിതാ ഗുണ്ടയുടെ  ജയിൽ ചാട്ടം    ഭാഷാപരമായ  ചില  സംശയങ്ങൾ 

ഉയർത്തുന്നു . ഗുണ്ടായുടെ  F , ഗുണ്ടി  ആയാൽ  പോരെ ? മണ്ടൻ / മണ്ടി 

''  അവൾ   ഒരു  മണ്ടിയാണ് .''   പൌരൻ  എന്നതിൻറെ   F  പൌരി  എന്നാണോ ?  അതോ    സ്ത്രീകളെ ക്കൂടി   ഉൾപ്പെടുത്തി   'പൌരൻ '' എന്ന്   മതിയോ ?

അത്   സ്ത്രീകളോട്   ചെയ്യുന്ന   അവഗണയല്ലേ ?

ഡ്രൈവർ  എന്നതിൻറെ  F  വനിതാ ഡ്രൈവർ  എന്ന്   പറയുന്നതിന്   പകരം 

ഡ്രൈവി  എന്ന് ആയാൽ  എന്താണ്  കുഴപ്പം ? ഗൌരി  എന്ന  പേര് പോലെ 

സുന്ദരമായ  പേര് . പക്ഷേ   മസ്സിൽപിടുത്തം   അത്  അനുവദിക്കുകയില്ല .

തുരപ്പൻ   എന്നതിൻറെ   F   തുരപ്പി   എന്നാണോ ?  തുരക്കുന്നവൻ   തുരപ്പൻ ,

തുരക്കുന്നവൾ   തുരപ്പി . അതല്ലേ   അതിൻറെ  ഒരു  ന്യായം ? അതോ വനിതാ  

തുരപ്പൻ   എന്നാണോ   ഇനി  അറിയപ്പെടാൻ   പോകുന്നത് . ഒരു  തീരുമാനം 

ഉടനെ   ഉണ്ടാകണം . കാരണം    തുരപ്പ് കലാ രംഗത്തേയ്ക്ക്   ഇനി  ധാരാളം 

വനിതകൾ    വലതുകാൽ വെച്ച്   വരാനാണ്   സാധ്യത . സ്ത്രീ ശാക്തീകരണത്തിൽ   തുരപ്പുകലയ്ക്ക്    വലിയ   സാധ്യതകളാണ്  കാണുന്നത് .

നേരത്തെ തന്നെ   തട്ടിപ്പുകലയിൽ   കേരളസ്ത്രീകൾ   പുരുഷന്മാരോടൊപ്പം 

എത്തിയിട്ടുണ്ട്  . സരിതാ  S ( Solar ) നായരെ   ഓർക്കുക .

ഇന്ന്   കേരളം   കള്ളന്മാരുടെയും   തെരുവു നായ്ക്കളുടെയും   പറുദീസയായി 

മാറിയിരിക്കുകയാണ് . കള്ളന്മാർ   ഒരു  പടി  മുന്നോട്ടാണ് . തുരപ്പു കലയിൽ 

തുരപ്പന്മാർ   നൂതനmethods   ഉപയോഗിക്കുന്നു . ഈയിടെ    ഒരു  jewellery യുടെ 

ഭിത്തി  തുരന്ന്   രണ്ടരക്കോടിയുടെ   സ്വർണ്ണം   മോഷ്ട്ടിച്ചു . പണ്ട്  തട്ടിക്കൂട്ടിയ 

കെട്ടിടങ്ങൾ   തുരപ്പന്മാർക്ക്   പണി  എളുപ്പമാക്കുന്നു . 

തുരപ്പ്   രണ്ടു തരം  ഉണ്ട് . incoming തുരപ്പും   outgoing  തുരപ്പും . ഭിത്തി തുരന്ന് 

അകത്തേക്ക് കയറുന്നത്   incoming   തുരപ്പ് . ജയിൽ ഭിത്തി  തുരന്ന്  പുറത്ത് 

ചാടുന്നത്   outgoing  തുരപ്പ് .

ഇന്ന്   മോഷണകല  ലോകമെമ്പാടും   നൂതന മാർഗ്ഗങ്ങൾ    സ്വീകരിച്ചിരിക്കുകയാണ് . ഫ്രാൻസിൽ     ഈയിടെ  പ്രമുഖ താരദമ്പതികളെ 

അവർ  അറിയാതെ  കൊള്ളയടിച്ചു . Aസിയിൽക്കൂടി    മുറിയിലേയ്ക്ക് 

ഒരു തരം   ഗ്യാസ്   കടത്തിവിട്ടു . ദമ്പതികൾക്ക്  ബോധം  നഷ്ട്ടപ്പെട്ടു . കള്ളന്മാർ  അകത്തുകടന്ന്   diamondsഉം  മറ്റും   കവർന്നു .

തുരപ്പുകലയിൽ   സർവ്വകാല  റെക്കോർഡ്‌   ഭേദിച്ച   വർഷമാണ്‌  2015 .

മയക്കുമരുന്ന്  കള്ളക്കടത്ത് കാരണം  പൊറുതിമുട്ടിയ   രാജ്യമാണ്  Mexico .

അവിടത്തെ  drug  രാജാവായ  എൽ   ചപോയെ   കഴിഞ്ഞകൊല്ലം  പിടികൂടി 

മാക്സിമം  സെക്യൂരിറ്റി ജയിലിൽ   അടച്ചു . ഇക്കൊല്ലം  ജൂലൈയിൽ   ഒരു 

ദിവസം   എൽ  ചാപോ   കുളിമുറിയിൽ  കയറി . പിന്നീട്   അയാളെ  കണ്ടിട്ടില്ല .

പോലീസ്   അന്വേഷിച്ചപ്പോൾ   ഒരു   വലിയ  അത്ഭുതം  കണ്ടെത്തി . കുളിമുറിയിൽ നിന്ന്   ഒരു  മൈൽ  നീളത്തിൽ  ഒരു  തുരങ്കം . അഞ്ചടി  ഉയരം .

നാലടി  വീതി . തുരങ്കത്തിൽ   light , എസി , സംവിധാനങ്ങൾ . ഒരു  ബൈക്ക്ഉം 

കണ്ടെത്തി .ഉപരിതലത്തിൽ നിന്ന്   മുപ്പത്  അടി  താഴെയാണ്   തുരങ്കം 

നിർമ്മിച്ചിരുന്നത് .

നമ്മുടെ   മികച്ച   തുരപ്പന്മാരെയും    തുരപ്പികളെയും   ഉപരി പഠനത്തിനായി 

Mexico ക്ക്   അയക്കണം .