സത്യദീപം പത്രാധിപർക്ക് ഒരു തുറന്ന കത്ത് ( OPINION )

  എ .പെ .പെ .ബ .പത്രാധിപർ    അച്ഛാ

(  ഏറ്റവും   പെരിയ   പെരിയ  ബഹുമാനപ്പെട്ട )

മാണി സാർ     നേരത്തെ തന്നെ    രാജി വെച്ച്    ധാർമ്മികതയെ   മുറുകെ പിടിക്കണമായിരുന്നു   എന്ന്   വാദിക്കുന്ന   ഒരു  മുഖപ്രസംഗം  KCBC യുടെ
മുഖപത്രമായ     സത്യദീപം   പ്രസിദ്ധീകരിച്ചതായി   ഏഷ്യാനെറ്റ്‌ ൽ
കണ്ടു . രാജി വെച്ചിട്ടും   വിരോധം  തീരാത്ത   ശത്രുക്കളുടെ   കയ്യിൽ
അങ്ങനെ    ഒരു   ആയുധം  കൂടി  കൊടുത്തു   സത്യദീപം . അതിനു വേണ്ടി
വല്ല   തുകയും  കിട്ടിയിട്ടുണ്ടെങ്കിൽ   KCBC യുടെ   Account ൽ    വരവ് വെച്ചു
കാണും . Charity   അക്കൗണ്ട്‌ ൽ !


'' ഇരുന്നിട്ടേ    കാല്  നീട്ടാവൂ ''  എന്ന്    പഴമക്കാർ   പറഞ്ഞിട്ടുള്ളത്   അച്ചന്
അറിയില്ലെന്ന്    തോന്നുന്നു . അതായത്   കാര്യങ്ങൾ   ശരിയായി   പഠിച്ചിട്ടേ   എന്തെങ്കിലും   എഴുതാവൂ . '' മലർന്നു കിടന്ന്   തുപ്പരുത് .'' എന്നും   പറഞ്ഞു
കേട്ടിട്ടുണ്ട് . തുപ്പിയാൽ   നാറും .


അച്ചൻ    ചെറുപ്പക്കാരനാണോ    വയസ്സനാണോ   എന്ന്  അറിയില്ല . ഞാൻ
ഒരു   മുതിർന്ന   പൌരനാണ് . പത്രങ്ങളുടെ /  വാരികകളുടെ   ഇന്നത്തെ
സ്ഥിതിയെ പ്പറ്റി , സ്വാധീനത്തെ പ്പറ്റി    അച്ചൻ   അറിഞ്ഞിരിക്കണം .

1950 കളിൽ   പത്രം   വായിച്ച്   വളർന്ന   ഒരാളാണ്  ഞാൻ .അന്ന്   പത്രങ്ങൾക്ക്
നൂറ്   ശതമാനം   പ്രാധാന്യം   ഉണ്ടായിരുന്നു .കാരണം ,അന്ന്   റേഡിയോ .
TV   , Computer   ഒന്നും   ഇല്ല .പത്രത്തിലെ    വാക്ക്   അവസാന വാക്കായിരുന്നു .
ഇന്ന്    സ്ഥിതി   അതല്ല . പത്രങ്ങൾ   ലക്ഷ ക്കണക്കിന്   കോപ്പികൾ
വിറ്റഴിയുന്നുണ്ട്‌  . പക്ഷേ   പത്രങ്ങൾക്ക്   പ്രാധാന്യമില്ല . പത്രങ്ങൾ
പഴങ്കഞ്ഞി   പോലെയാണ് . മറ്റ്   മാധ്യമങ്ങളിലൂടെ   അറിഞ്ഞ  വിവരങ്ങൾ
അനേകം   മണിക്കൂറുകൾ   കഴിഞ്ഞാണ്   പത്രത്തിൽ    വരുന്നത് .

പണ്ട്    ഒരു   സാധാരണക്കാരന്‌   തൻറെ   അഭിപ്രായങ്ങൾ   പ്രസിദ്ധീകരിക്കാൻ    അവസരമില്ലായിരുന്നു .പത്രാധിപർക്ക്   ഇഷ്ടമില്ലാത്ത   കത്തുകൾ    ചവറ്റുകുട്ടയിൽ   എറിഞ്ഞിരുന്നു . ഇന്ന്
സ്ഥിതി   അതല്ല . എന്നെ പോലുള്ള    സാധാരണക്കാർക്ക്   ഒരു  ചെലവും
കൂടാതെ    സ്വന്തം   അഭിപ്രായങ്ങൾ   ഇന്ന്   പ്രസിദ്ധീകരിക്കാൻ   കഴിയുന്നു .
ആരുടേയും   ഓജാരം   ഇല്ലാതെ .

അച്ചൻ   Propaganda  കോളേജ് ൽ  നിന്ന്    ബൈബിളിൽ    Doctorate  എടുത്ത
പണ്ഡിതൻ    ആയിരിക്കാം . എന്നാൽ   ബൈബിളിന്റെ   അന്ത :സത്ത  എന്തെന്ന്   അച്ചന്   പിടിയില്ല .എനിക്ക്   ബൈബിളിൽ   അറിവ്  കുറച്ചേ
ഉള്ളൂ .  എങ്കിലും   അച്ചന്റെ    അറിവിലേയ്ക്കായി    മൂന്ന്  കാര്യങ്ങൾ
പറഞ്ഞു തരാം .

1 .   ക്രിസ്തു     നിരപരാധി   ആയിരുന്നെങ്കിലും   ''  അവനെ  ക്രൂശിക്കുക ,ക്രൂശിക്കുക ''  എന്ന്   ജനക്കൂട്ടം   വിളിച്ചു പറഞ്ഞു . ക്രിസ്തു   കുറ്റക്കാരനല്ലെന്നു    പീലതോസിന്    അറിയാമായിരുന്നു . എങ്കിലും   സമ്മർദ്ദത്തിന്   വഴങ്ങി    പീലാത്തോസ്    ക്രിസ്തുവിനെ   ക്രൂശിൽ   തറയ്ക്കാൻ    വിട്ടുകൊടുക്കുകയായിരുന്നു . മാണിസാർ   കുറ്റക്കാരനാണെന്ന്   ഒരു   കോടതിയും   വിധിച്ചിട്ടില്ല . കത്തോലിക്കരുടെ
പരമ്പരാഗത  ശത്രുക്കളായ   കമ്മ്യൂണിസ്റ്റ്‌ കളും    തറമാധ്യമങ്ങളും
ചേർന്ന്   കങ്കാരു കോടതിയിൽ   വിചാരണ ചെയ്ത്    മാണി സാറിനെ ക്കൊണ്ട്    രാജി   വെപ്പിക്കുകയായിരുന്നു . കാര്യങ്ങൾ   ഇങ്ങനെയിരിക്കെ
ശത്രുപക്ഷത്തിനു    ആയുധം   കൊടുക്കുന്ന   ഒരു   മുഖ പ്രസംഗം  അച്ചൻ
എഴുതിയത്     ഒരു    ക്രൂര വിനോദമായി പ്പോയി .

2 .  ക്രിസ്തു    ഏറ്റവും   കഠിനമായ   മനോവേദന   അനുഭവിച്ച   ഒരു
      ഘട്ടത്തിൽ , സാന്ത്വനത്തിന്റെ   ഒരു   വാക്കിന്‌  വേണ്ടി  കേഴുന്ന
 ഘട്ടത്തിൽ , പത്രോസ്   മൂന്നു  പ്രാവശ്യം   ക്രിസ്തുവിനെ   തള്ളിപ്പറഞ്ഞു .
ആ   മനുഷ്യനെ   എനിക്ക്   അറിഞ്ഞു കൂടാ   എന്ന്   പത്രോസ്   പറഞ്ഞു .
പത്രോസ്    ചെയ്ത   ഹീനമായ   പ്രവർത്തിയാണ്   അച്ചൻ   ചെയ്തത് .
രാജി  വെച്ചിട്ടും   വിരോധം   തീരാത്ത    ശത്രുക്കളുടെ   വക്കാലത്ത്
അല്ലേ    അച്ചൻ   ഏറ്റെടുത്തത് ?

3 . വീണു കിടക്കുന്നവനെ   താങ്ങി  എഴുന്നെൽപ്പിക്കാനാണ്  , ചവിട്ടാനല്ല
     ക്രിസ്തു   നമ്മെ   പഠിപ്പിച്ചിട്ടുള്ളത്‌ . ( മാണിസാർ   തോറ്റു  എന്നല്ല  ഇവിടെ  അർത്ഥം )  കരയുന്നവന്റെ  കണ്ണീർ  ഒപ്പാനാണ്   ക്രിസ്തു  പഠിപ്പിച്ചത് . നല്ല    സമരിയാക്കാരന്റെ    കഥ   ഓർക്കുക . മുഖപ്രസംഗം
എഴുതുകവഴി    കരയുന്നവന്റെ   കണ്ണിൽ    മുളകുപൊടി   വിതറുകയാണ്‌
അച്ചൻ   ചെയ്തത് . അച്ചൻ    യഥാർത്ഥത്തിൽ   ഒരു  ക്രിസ്ത്യാനി  ആണോയെന്ന്   സ്വന്തം   മന :സാക്ഷിയോട്   ചോദിക്കണം .


'' വടി  കൊടുത്ത്   അടി  മേടിക്കരുത് .''  എന്ന്   അച്ചൻ   കേട്ടിട്ടുണ്ടായിരിക്കും .ധാർമ്മികതയെ പ്പറ്റി   പറയുമ്പോൾ    എല്ലാം   പറയണമല്ലോ . സഭ
നികുതി   ഒന്നും  കൊടുക്കുന്നില്ല   എന്നാണ്  കേട്ടിട്ടുള്ളത് . സഭ
നികുതി   കൊടുത്താൽ    ആ   പണം കൊണ്ട്   കോടിക്കണക്കിന്  പാവപ്പെട്ടവരെ   ദാരിദ്ര്യത്തിൽ നിന്ന്    മോചിപ്പിക്കാൻ   കഴിയും .ഇന്ന്
സാമ്പത്തിക ശേഷിയുള്ള   ആളുകൾ   ഗ്യാസ് ൻറെ   subsidy  ഉപേക്ഷിക്കുന്നുണ്ട് . ആ   പണം    സാധുക്കൾക്ക്   പ്രയോജനപ്പെടാൻ  വേണ്ടി .
ആ    മാതൃകയെ   പിന്തുടർന്ന്   സഭ   സ്വയം  മുന്നോട്ടു വന്ന്   നികുതി  കൊടുക്കുമോ ? എന്നിട്ട്   പറയൂ    ധാർമ്മികതയെ പ്പറ്റി .


ഇനി    പ്രധാന   point ലേയ്ക്ക്    കടക്കാം . ധാർമ്മികതയെപ്പറ്റി  തന്നെയാണ്
പറയുന്നത് .

1      വത്തിക്കാനിലെ     അഴിമതി

വത്തിക്കാനിലെ    അഴിമതി   കുപ്രസിദ്ധമാണ് . വത്തിക്കാൻ  ബാങ്ക്ലെ
അഴിമതി ,പണാപഹരണം , മാഫിയുമായുള്ള   ബന്ധം   മുതലായവ
കുപ്രസിദ്ധമാണ് . 5  billion   Euro    ആസ്തി   ഉണ്ടായിരുന്ന   Vatican  Bank
പാപ്പരായി . ആ  ബാങ്ക്   money -laundering ൻറെ   കേന്ദ്രം   ആയിരുന്നു .ബാങ്ക്ൻറെ    രഹസ്യ സ്വഭാവം   വൻ അഴിമതിക്ക്  കാരണമായി .  2012 ൽ
BENEDICT മാർപാപ്പയുടെ     ബട്ലെർ   പലോല  ഗബ്രീല്ലെ , നശിപ്പിച്ചു കളയാൻ     പാപ്പാ  എല്പ്പിച്ച   സ്വകാര്യ രേഖകൾ   ഒരു  പത്ര ലേഖകന്
ചോർത്തി . ലേഖകൻ   അവ   പ്രസിദ്ധീകരിച്ചു . അനേകം   അഴിമതി കഥകൾ  വെളിച്ചത്ത് വന്നു .അനേകം   പുസ്തകങ്ങൾ  ഇത്   സംബന്ധിച്ച്   പ്രസിദ്ധീകരിക്കപ്പെട്ടു . ചോർത്തിയ   രേഖകൾ   VATILEAKS   എന്ന്   അറിയപ്പെടുന്നു .

2     ബാല പീഡനം ( Child  Abuse )

കത്തോലിക്കാ   സഭയെ  പിടിച്ചുകുലുക്കിയ    scandal  ആണ്    Europe ലും
അമേരിക്കയിലും    അര നൂറ്റാണ്ടോളം  കാലം   ആയിരക്കണക്കിന്
കുട്ടികൾ     വൈദികരാൽ   പീഡിപ്പിക്കപ്പെട്ടത്‌ . അമേരിക്കയിലെ   Boston
രൂപതയിൽ  ആണ്  ഏറ്റവും  അധികം  കുട്ടികൾ   പീഡനത്തിന്  ഇരയായത് . കുറ്റവാളികളെ    മാതൃകാപരമായി   ശിക്ഷിക്കുന്നതിനു
പകരം   വൻ തുകകൾ   നഷ്ടപരിഹാരം  കൊടുത്ത്   ഒതുക്കുകയാണ്   സഭ
ചെയ്തത് . വിവാദത്തെ   തുടർന്ന്   Bostonലെ  ആര്ച് ബിഷപ്പ്  Barnard Law
രാജി  വെച്ചു . കുറ്റക്കാർക്കെതിരെ    കർശനമായ   നടപടി  എടുക്കാഞ്ഞതിന്
പീഡനകാലത്ത്   അതിന്   ചുമതല  ഉണ്ടായിരുന്ന   കർദിനാൾ   Ratzinger (പിന്നീട്     Benedict  മാർപാപ്പാ )  കടുത്ത    വിമർശനം   നേരിടേണ്ടി  വന്നു .


മേൽപ്പറഞ്ഞ    രണ്ട്    scandal കളിൽ  ഉണ്ടായ   മനോവിഷമം  കൊണ്ടായിരിക്കാം   Benedict   മാർപാപ്പാ    2013  ഫെബ്രുവരി   28 ന്  സ്വയം
വിരമിച്ചു .


KM  മാണിയുടെ    ധാർമികതയെപ്പറ്റി    മുഖ പ്രസംഗം   എഴുതന്നതിനു മുമ്പ്
പത്രാധിപർ   മേൽപ്പറഞ്ഞ  കാര്യങ്ങൾ  ഓർത്തിരുന്നു  എങ്കിൽ   നന്നായിരുന്നു . പക്ഷേ   ഏതോ  ഗൂഡ അജണ്ട  വെച്ച്  എഴുതി . ഇതിനാണ്
പറയുന്നത്   ''  മലർന്ന്  കിടന്ന്   തുപ്പരുത് .''  എന്ന് . വടി കൊടുത്ത്   അടി വാങ്ങിക്കരുത് .ഇരുന്നിട്ടേ   കാല് നീട്ടാവൂ .

എന്ന്

കുര്യൻ   നരിതൂക്കിൽ
പൈക ( പാലാ )