വാരാന്ത്യ ചിന്തകൾ

എന്തൊക്കെ   കുറ്റങ്ങളും കുറവുകളും   ഉണ്ടെങ്കിലും  ലോകത്തിലെ   ഒന്നാം
നമ്പർ   രാജ്യം    ഇന്ത്യ   ആണെന്ന്   നമുക്ക്  അഭിമാനിക്കാം . ലോകത്തിലെ  ഏറ്റവും  ശക്തമായ  രാജ്യം   അമേരിക്കയാണ് .പക്ഷേ    ഡൊണാൾഡ് Trump അവിടെ    പ്രസിഡന്റ്   ആയതോടെ   ആ രാജ്യത്തിൻറെ  ഐക്യം പോയി .
രാജ്യത്തിന്    ദുഷ്പ്പേര്   ആയി . രാജ്യം   ദുർബ്ബലമായി   എന്നു തന്നെ   പറയാം .
നരേന്ദ്ര മോദി   കേരളത്തിൽ   പൊതുവെ   വെറുക്കപ്പെട്ടവൻ   ആണെങ്കിലും  ഒരു   സത്യം   മറച്ചു വെച്ചു കൂടാ . മോദി   Trump നെക്കാൾ   നല്ല   നേതാവാണ് .
ജനപ്രിയ  നേതാവാണ് .അതുകൊണ്ടാണ്     മഹാരാഷ്ട്രയിൽ    ബിജെപി
ഉജ്ജ്വല വിജയം   നേടിയത് . മഹാരാഷ്ട്ര   ചില്ലറ സംസ്ഥാനം  അല്ല . ഇന്ത്യയുടെ    സാമ്പത്തിക തലസ്ഥാനം    ഉൾപ്പെടുന്ന    സംസ്ഥാ നം   ആണ് .

മഹാരാഷ്ട്രയിൽ    ബിജെപി യുടെ   വിജയത്തിന്    പ്രധാന കാരണം  ആ
സംസ്ഥാനത്തു   സൽഭരണം   നടത്തുന്ന   യുവനേതാവ് ,മുഖ്യ മന്ത്രി
ഫട് നാവിസ്    ആണ് . പാർട്ടി   ഏതായാലും   ഭരണം  നല്ലതാണ് എങ്കിൽ
എല്ലാ  ജനവിഭാഗങ്ങളും   ഒരു  നേതാവിനെ   പിന്തുണക്കും   എന്നാണ്  ഇത്
സൂചിപ്പിക്കുന്നത് . ഭാവിയിൽ    ഫട്നവിസ്    ഇന്ത്യയുടെ   പ്രധാനമന്ത്രി ആകും
എന്നാണ്   വിലയിരുത്തപ്പെടുന്നത് .

അതേ    സമയം   രാഹുൽ  ഗാന്ധിയുടെ    രാഷ്ട്രീയ ഭാവി    വളരെ
പരുങ്ങലിൽ    ആണ് .  രാഹുലിന്    പക്വത  ആയി  വരുന്നതേയുള്ളൂ
എന്ന   ഷീലാ ദിക്ഷിത്തിന്റെ    പ്രസ്താവന   ബൂമറാങ് ചെയ്ത്  എതിരാളികൾക്ക്   അടിക്കാൻ   ഒരു   വടിയായി . വളരെയേറെ   പരിഹാസത്തിന്   ഇടയായി . കനേഡിയൻ   പ്രധാന മന്ത്രി  ട്രൂഡോക്ക്
46   വയസ്സേയുള്ളൂ . 47

കാരനായ     രാഹുലിന്   പക്വത   ആയി  വരുന്നേയുള്ളൂ  എന്നു    പറയുന്നത്   ഏറ്റവും   പരിഹാസ്യമാണ് . എന്തായാലും   ഒരു കാര്യം
ഉറപ്പിച്ചു   പറയാൻ   സാധിക്കും . രാഹുൽ   ഗാന്ധി  ഒരിക്കലും  ഇന്ത്യയുടെ
പ്രധാന മന്ത്രി    ആവുകയില്ല .


നടിയെ   തട്ടിക്കൊണ്ടു  പോയ   കേസ്

നടിയെ    തട്ടിക്കൊണ്ടു പോയ   കേസിൻറെ    അന്വേഷണം    വളരെ  പരിഹാസ്യമാണ് .ഇതിൽ    ഒത്തുകളിയുണ്ട്    എന്നത്   കൊച്ചുകുട്ടികൾക്കുപോലും    മനസ്സിലാകും . ഉടുമ്പിനെ   മാളത്തിൽ നിന്ന്
പുകച്ചു പുറത്തു ചാടിക്കുന്നതുപോലെ    പ്രതികളെ   പുറത്തു ചാടിക്കും
എന്നാണ്   മന്ത്രി   എ  കെ  ബാലൻ   പറഞ്ഞത് . എത്ര    നല്ല   പ്രവചനം ! പക്ഷേ   ആ    മാളം   കോടതി   ആയിരുന്നു . ഉഗ്രൻ  കോമഡി !

പ്രതികൾ   എവിടെ നിന്നാണ്   കോടതിയിലേക്ക്   വന്നത്  എന്ന് ആരും
പറഞ്ഞു കേൾക്കുന്നില്ല . ഇവർ   കോയമ്പത്തൂർ   ഭാഗത്തു  ഒളിവിലാണ്
എന്നാണ്    പറഞ്ഞു  കേട്ടിരുന്നത് . എന്നാൽ   ഇവർ  ആരുടെയോ
സംരക്ഷണത്തിൽ   AC  മുറിയിൽ   ഉറങ്ങി ,രാവിലെ  നന്നായി
ഷേവ്   ചെയ്ത് ,buffet  breakfast  കഴിച്ചു , നന്നായി   ഡ്രസ്സ് ചെയ്ത്   മുന്തിയ
ബൈക്കിൽ   കോടതി പരിസരത്തു   എത്തി . പോലീസിന്   പിടി കൊടുക്കാതെ  ഒളിച്ചു  നടക്കുന്നവർ   ആണെങ്കിൽ  ഷേവ് ചെയ്തിട്ടുണ്ടായിരിക്കുകയില്ല . ഉറക്കക്ഷീണം   കാണും . അമേരിക്കക്കാർ
ഒരു  മാളത്തിൽ നിന്ന്    സദ്ദാം ഹുസ്സയിനെ  പൊക്കിയ  രംഗം  ചിലരെങ്കിലും
ഓർക്കുന്നുണ്ടായിരിക്കും . അദ്ദേഹം   ഒരു  പിച്ചക്കാരനെപ്പോലെ  ആയിരുന്നു . ഇവിടെ   കേരളത്തിൽ   ഇതാ  ഒരു   പ്രതി   മാളത്തിലേയ്ക്ക്   ഓടിക്കയറുന്നു . പണ്ടത്തെ   ധർമ്മേന്ദ്രയെ പ്പോലെ   ഒരു   സുന്ദരൻ . Golden
shoes  ധരിച്ചു , വെളുക്കെ   ചിരിച്ചുകൊണ്ട് ! കേരളത്തിലെ    നീതിന്യായ
വ്യവസ്ഥ   ഒരു   ഒന്നാന്തരം    കോമഡി   ആയി . ഇതിനാണ്   വെള്ളരിക്കാ പട്ടണം , ബനാന  റിപ്പബ്ലിക്ക്   എന്നൊക്കെ   പറയുന്നത് .

എന്നാലും    ചിലർ   പോലീസിനെ   അഭിനന്ദിക്കുന്നു . എങ്ങനെ   ചിരിക്കാതിരിക്കും ? ഇന്ന്    കുടിവെള്ളത്തിനു പോലും   വലിയ  വിലയാണ് .
പക്ഷേ  സൗജന്യമായി   കിട്ടുന്ന  ഒന്നുണ്ട് .കോമഡി . ഇന്ത്യൻ ജനാധിപത്യം
ഏറ്റവും   comedy നൽകുന്ന   ഒന്നാണ് . ഒരു  ട്രോൾ കണ്ടു . ശശികല പരപ്പന
ജയിലിൽ   വലിയ    പറോട്ട   അടിച്ചു  പരത്തുന്നതാണ്  രംഗം . ചിരിച്ചു ചിരിച്ചു   ശ്വാസം   മുട്ടി . ഒരു  ഇന്ത്യക്കാരനായി   ജനിച്ചതിൽ   വളരെ
അഭിമാനം  തോന്നി .