ഗുണ്ടാ രാജ് ( short play )

ഗുണ്ടാരാജ്

the    characters

1 . കുഞ്ഞു കൊച്ചു    (100 )

2    കുഞ്ഞൻ          ( 45 )

3   അമ്മിണി   (  35 )

4   ടോണി     (   ഒരു  ഓസ്ട്രേലിയ   പ്രവാസി )

പൈകയിൽ     കുഞ്ഞുകൊച്ചിന്റെ    കുടിൽ . കുഞ്ഞുകൊച്ചു  ഒരു മാവിൻറെ   ചുവട്ടിൽ   ഇരുന്ന്    പത്രം   വായിക്കുന്നു .  കുഞ്ഞനും  അമ്മിണിയും    പ്രവേശിക്കുന്നു .

കുഞ്ഞൻ

ചേട്ടാ  എന്തുണ്ട്   വിശേഷം ?

കുഞ്ഞുകൊച്ചു

കേട്ടില്ലേ    നടി    ഭാവനയെ   തട്ടിക്കൊണ്ടു   പോയത് .

അമ്മിണി

അത്    സാരമില്ല .rape   ചെയ്തില്ല .കൊന്നുമില്ല .അപ്പോൾ    സംഗതി
ഓക്കേ .

കുഞ്ഞൻ

അഥവാ    കൊന്നാലും   ഇവിടെ   ഒരു   മണ്പാലും   സംഭവിക്കാൻ  പോകുന്നില്ല . സൗമ്യയെ   കൊന്നവൻ   ഇന്ന്   തടിച്ചു കൊഴുത്തു
സുന്ദരനായി     സർക്കാർ   ചെലവിൽ   ജീവിക്കുന്നു . ജിഷാ കേസ് എന്തായി ?
എന്തൊക്കെ    ബഹളം    ആയിരുന്നു ?  എല്ലാരും    മറന്നു കഴിഞ്ഞു .

അമ്മിണി

കലാഭവൻ  മണിയുടെ     കേസ്   ക്ലോസ്   ചെയ്യാൻ   പോകുന്നു . മരിച്ചതാണോ  കൊന്നതാണോ , ആർക്കും   ഒരു  പിടിയുമില്ല .


കുഞ്ഞൻ

ഈ   നാടിന്   എന്തു പറ്റി ?   സാക്ഷര കേരളം , പ്രബുദ്ധ കേരളം ,വിദ്യാഭ്യാസത്തിൽ   ഒന്നാം    സ്ഥാനത്തു   നിൽക്കുന്ന   കേരളം ....

കുഞ്ഞുകൊച്ചു

ഭ് phoo ,   ( കാർക്കിച്ചു തുപ്പുന്നു )   എന്ത്   വിദ്യാഭ്യാസം ? എന്ത്  സാക്ഷരത ?
കേരളം   ഇന്ന്   ഒരു   അറവുശാലയാണ് . എന്നും   വെട്ടിക്കൊല   നടക്കുന്നു .rape നടക്കുന്നു . കൊച്ചുകുട്ടികൾ    പീഡിപ്പിക്കപ്പെടുന്നു .  പൊലീസിന് പോലും  quotation   സംഘങ്ങളെ    പേടിയാണ് .ഇവിടെ    ആർക്കും   എന്തും ചെയ്തു രക്ഷപ്പെടാം .

അമ്മിണി

എന്താ ചേട്ടാ   ഇതിനു   കാരണം ?

കുഞ്ഞുകൊച്ചു

നിങ്ങൾക്ക്    അറിയാവുന്നതല്ലേ ?  എന്നെ ക്കൊണ്ട്    പറയിക്കണോ ?
അങ്ങോട്ട്    ഒരു    ചോദ്യം  ചോദിക്കാം . ടിപി യെ   കൊല്ലാൻ   quotation സംഘത്തെ   അയച്ചത്    ആരാണ് ?

അമ്മിണി

അത്  സിപിഎം    ആണെന്ന്   അരി   ആഹാരം   കഴിക്കുന്ന   എല്ലാവർക്കും
അറിയാം .

കുഞ്ഞുകൊച്ചു

you  hit the  nail  on the  head . മക്കളെ , കൊലപാതകത്തെ    സപ്പോർട്ട്  ചെയ്യുന്നവരെ  ഭരണത്തിൽ   കയറ്റിയാൽ   ഒരു    രാജ്യം   ഒരിക്കലും ഗുണം
പിടിക്കത്തില്ല .കണ്ടില്ലേ    പാക്കിസ്ഥാനിലെ    സ്ഥിതി .വാളെടുക്കുന്നവൻ
വാളാലെ .


(   ടോണി    പ്രവേശിക്കുന്നു )

ടോണി

ചേട്ടാ , എന്നെ   ഓർക്കുന്നുണ്ടോ ? എൻറെ   പേര്  ടോണി . പുലിതൂക്കിൽ
കുഞ്ഞാപ്പൻ    ചേട്ടൻറെ   കൊച്ചു മകനാ .ഞാൻ   ഇവിടെയൊക്കെ   കളിച്ചു
വളർന്നതാ .

കുഞ്ഞുകൊച്ചു

കണ്ണിനു   മൂടലാ .  നിൻറെ   വല്യപ്പനും   ഞാനും   ഒന്നിച്ചു   കളിച്ചു  വളർന്നതാ . ആകട്ടെ   നീ   ഇപ്പോൾ   എവിടെയാ ?


ടോണി

ഞാനും    കുടുംബവും    ഓസ്‌ട്രേലിയയിൽ   ആണ്

കുഞ്ഞുകൊച്ചു

അവുധിക്ക്     വന്നതാണോ ?

ടോണി

അതേ .

അമ്മിണി


എല്ലാവരും   വന്നിട്ടുണ്ടോ ?

ടോണി

അതെ . ഞാൻ   ഒരു   സ്ഥലത്തിന്   അഡ്വാൻസ്   കൊടുക്കാൻ   പോകുന്ന
വഴിയാണ് . ചേട്ടനെ   കണ്ട്   അനുഗ്രഹം  വാങ്ങാൻ   വന്നതാണ് .കുഞ്ഞുകൊച്ചു ചേട്ടാ     അനുഗ്രഹിക്കണം .

കുഞ്ഞുകൊച്ചു

നല്ലതു    വരട്ടെ . വീട് വെക്കാനാണോ    സ്ഥലം ?

ടോണി

അതേ ചേട്ടാ .  റിട്ടയർ   ചെയ്‌ത്‌   നാട്ടിൽ   വന്ന്   താമസിക്കണം   എന്നാണ്
എൻറെ     സ്വപ്നം . ജന്മ നാട്ടിൽ തന്നെ   അന്ത്യവിശ്രമം ,അതാണ്   സ്വപ്നം .

കുഞ്ഞുകൊച്ചു

എൻറെ  പൊന്നു ടോണിമോനെ . പുലിതൂക്കിൽ കുടുംബത്തോടുള്ള സ്നേഹം കൊണ്ടു    പറയുകയാണ് .നീ    ആ   പണം   തിരിച്ചു  ബാങ്കിൽ
ഇട്ടേക്ക് .

ടോണി

അതെന്താ ചേട്ടാ ,അങ്ങനെ    പറയുന്നത് ?

കുഞ്ഞുകൊച്ചു

മോനെ    ഈ    നാട്   നല്ലതല്ല . നല്ലതായിരുന്നു ,കഴിഞ്ഞ   നൂറ്റാണ്ടിൽ .
ഇന്ന്    കേരളം   സ്ഥിരതാമസത്തിന്   പറ്റിയ   സ്ഥലമല്ല . ഇവിടെ ഗുണ്ടാ രാജ്
ആണ് . ജീവനും    സ്വത്തിനും   ഉറപ്പില്ല .


ടോണി

എന്നാലും     ജനിച്ച     നാടല്ലേ ?  ബന്ധുക്കളും    മിത്രങ്ങളും   ഇവിടെയല്ലേ ?

കുഞ്ഞുകൊച്ചു

അവുധിക്ക്    വരാമല്ലോ . ഹർത്താൽ    കാരണം    നാലഞ്ച്   ദിവസം   നഷ്ടപ്പെടും . അത്  സാരമില്ല . പക്ഷേ    സ്ഥിരതാമസം   അരുത് . നരകിക്കേണ്ടി  വരും .  ഓസ്ട്രേലിയ യയിൽ    നിങ്ങൾ   കഷ്ടപ്പെട്ടു
സമ്പാദിച്ച     ഡോളർ   ഇവിടെ   മാറി  ,കണ്ടവനൊക്കെ   കൈക്കൂലിയും നോക്കുകൂലിയും കൊടുത്തു്    ഇവിടെ    സ്ഥലം   വാങ്ങി   വീടുവെച്ചു ദുരിതം  വിളിച്ചു  വരുത്തണോ ?  ആലോചിച്ചു   നോക്ക് .


ടോണി

താങ്ക്സ്    ചേട്ടാ . ഞാൻ   ഒന്നുകൂടി   ആലോചിച്ചു  നോക്കട്ടെ .

കുഞ്ഞുകൊച്ചു

ഒട്ടും     ആലോചിക്കേണ്ട . ആ   പൈസാ   തിരിച്ചു   ബാങ്കിൽ  കൊണ്ടു പോയി  ഇട് . അല്ലെങ്കിൽ   ചാരിറ്റി ക്ക്   കൊടുക്ക് . നൂറ്   പുണ്യം കിട്ടും .

ടോണി

Thank  യൂ   കുഞ്ഞുകൊച്ചു  ചേട്ടാ  ഈ   നല്ല  ഉപദേശത്തിന് .

കുഞ്ഞുകൊച്ചു

ഗോഡ്   bless  യൂ  my   child .  Go  well .Take   care .

ടോണി

താങ്ക്സ് .    (  പോകുന്നു )

കർട്ടൻ