ആല്മഹത്യാ പ്രവണതകൾ ( Viewpoint )

ഇക്കാലത്തു    Tv യിൽ   നിത്യവും   വളരെ    വേദനാജനകമായ  ഒരു   വാർത്ത
കാണുന്നു . '' വിദ്യാർത്ഥി /വിദ്യാർത്ഥിനി    ജീവനൊടുക്കി '', 'ഒരു കുടുംബത്തെ   മുഴുവൻ മരിച്ച  നിലയിൽ  കണ്ടെത്തി '','' കമിതാക്കൾ   ജീവനൊടുക്കി '' മുതലായ   തലക്കെട്ടുകളോടെ . ആല്മഹത്യ   എല്ലാക്കാലത്തും    ഉണ്ടായിരുന്നു . എന്നാൽ   ഇപ്പോൾ   അവ   വർദ്ധിച്ചോയെന്നു     ആശങ്ക   തോന്നുന്നു .

എപ്പോഴും    ഈ   ദുരന്തത്തിൻറെ   ചുറ്റുപാടുകൾ    സമാനമാണ് . മകനിലോ
മകളിലോ    വളരെയേറെ   പ്രതീക്ഷകൾ   അർപ്പിച്ച   ഒരു   സാധാരണ  കുടുംബം . നേരിട്ട്    യാത്രാ മൊഴിയൊന്നും   ചൊല്ലാതെ , ഒരു   കുറിപ്പ്
എഴുതി വെച്ചിട്ട്    അവൻ /അവൾ   പോയി . വീട്ടുകാരെയും   നാട്ടുകാരെയും
എല്ലാം   ദുഃഖത്തിൽ    ആഴ്ത്തി .

നിസ്സാരമാണ്  കാരണങ്ങൾ . ടീച്ചർ    വഴക്കു  പറഞ്ഞു ,അല്ലെങ്കിൽ    സോഷ്യൽ  മീഡിയയിൽ    ഫോട്ടോകളും  comments ഇട്ട്   ആക്ഷേപിച്ചു ,
എന്നൊക്കെയാണ്     കാരണങ്ങൾ .മുതിർന്നവർ    കൂട്ട   ആല്മഹത്യ യിലേക്ക്
തിരിയുന്നത്     സാമ്പത്തിക   കാരണങ്ങളാൽ  ആണ് . തൃശൂരിൽ   ഒരാൾ
ഭാര്യയെയും    മൂന്ന്  കുട്ടികളേയും  കൊന്ന ശേഷം   ആല്മഹത്യ  ചെയ്തു .

ഇത്തരം    ദുരന്തങ്ങൾക്ക്    ഒരു   പരിഹാരം   ഉണ്ടോ ?  ഇത്   മനഃ ശാസ്ത്രജ്ഞമാർക്ക്   മാത്രം   വിട്ടുകൊടുക്കാവുന്ന    ഒരു   കാര്യമല്ല .കൗമാരക്കാരായ   കുട്ടികളുടെ    മാതാപിതാക്കൾക്ക്   വളരെയേറെ
ചെയ്യാൻ   കഴിയും .

18  വയസ്സുള്ള   ഒരു  മകൻ / മകൾ . മാതാപിതാക്കൾ  40 -45 . ഒരു   മുതിർന്ന
പൗരൻറെ   വീക്ഷണത്തിൽ   ഇവരെല്ലാം   കുട്ടികളാണ് . മാതാപിതാക്കൾ
കുട്ടികളെ    വളരെ   care  ചെയ്ത്   വളർത്തുന്നു . നല്ല   ഭക്ഷണവും  വസ്ത്രവും
മറ്റു    സൗകര്യങ്ങളും   ചെയ്തു കൊടുക്കുന്നു . നല്ലതു തന്നെ . കുട്ടിയുടെ
സ്വഭാവവും    നല്ലതാണ് . പക്ഷെ   ആല്മഹത്യ ,drugs , പ്രണയം   മുതലായ
കാര്യങ്ങളെ പ്പറ്റി    മാതാപിതാക്കളും   കുട്ടികളും  തമ്മിൽ   ചർച്ചയുണ്ടോ
എന്ന്    അറിഞ്ഞുകൂടാ . ദുരന്ത  വാർത്തകളുടെ   ചുവടു പിടിച്ചു ഈ
വിഷയം   ചർച്ച  ചെയ്ത് , നിസ്സാര കാര്യങ്ങൾക്കുവേണ്ടി  വിലപ്പെട്ട  ജീവൻ നഷ്ടപ്പെടുത്തരുത്   എന്ന   ഒരു   ബോധം   അവരുടെ   മനസ്സിൽ   നട്ടുനനച്ചു
വളർത്തണം . Prevention    is   better than cure .

ഒരു   ടീച്ചർ   ഒരു  കുട്ടിയെ   വഴക്കുപറഞ്ഞാൽ   അത്  മിക്കപ്പോഴും
കുട്ടിയുടെ   നന്മയ്ക്കു വേണ്ടി   ആയിരിക്കും . എന്നാൽ  ഇത്  മനസ്സിലാക്കാതെ   ആ  ടീച്ചറെ   ക്രൂശിക്കാൻ  പടപ്പുറപ്പാട്  നടത്തുന്ന
ചില    മാതാപിതാക്കൾ  ഉണ്ട് . വാസ്തവത്തിൽ  ഇത്തരം    മാതാപിതാക്കൾ
ആണ്   ആല്മഹത്യയ്‌ക്ക്‌    പ്രേരണ  നൽകുന്നത് . അതായത്   ഒരു ടീച്ചർ
വഴക്കുപറഞ്ഞാൽ    പൊറുക്കാനാവാത്ത  ഒരു  കുറ്റമാണ്  എന്ന  ഒരു
സമീപനം   കുട്ടികളിൽ    കുത്തിവെക്കുന്നു . അതായിരിക്കാം   ആല്മഹത്യയിൽ   അവസാനിക്കുന്നത് .

ഏതുപ്രശ്‌നം    ആയാലും   ഒരു   പരിഹാരത്തിന്    സാധ്യതയുണ്ട് . ഒരു
കുട്ടി   പഠിക്കാൻ  ഫീസ്  ഇല്ലാത്ത കാരണത്താൽ   ആല്മഹത്യ ചെയ്യുന്നു .
ആ  കുട്ടിക്ക് അറിയത്തില്ല ,അവളുടെ   പ്രശ്നം   അറിഞ്ഞാൽ   അത്
പരിഹരിക്കാൻ   തയ്യാറുള്ള   സുമനസ്സുകൾ  ഉണ്ട്  എന്ന് . അതുകൊണ്ട്
പ്രശ്നങ്ങൾ   മൂടിവെക്കാതെ   അത്   മറ്റുള്ളവരുമായി   പങ്കുവെക്കണം . There
is  light at the  end of the tunnel .