വീണ്ടും ക്രൂരത (OPINION )

ക്രൂരതയെപ്പറ്റി   മുമ്പ്  എഴുതിയിരുന്നു . വളരെ    ഗൌരവതരമായ   ഒരു  വിഷയമായതുകൊണ്ട്‌  ആവർത്തന വിരസത   മാറ്റിവെച്ചിട്ട്  വീണ്ടും
എഴുതുകയാണ് . കൊച്ചിയിൽ   ഒരു പത്തുവയസ്സുകാരനെ   17 പ്രാവശ്യം
കുത്തി   ഒരു  അക്രമി കൊന്നു . Horror സിനിമകളിൽ പോലും   കാണാത്ത
ഭീകരതയാണ്     സംഭവിച്ചത് . വെട്ടിക്കൊലയും കുത്തിക്കൊലയും
മർദ്ദിചുകൊലയും   കേരളത്തിൽ    നാട്ടുനടപ്പാണ് . ഇന്നത്തെ   ഇര ,ഒരു പിഞ്ചു ബാലൻ   ആയതുകൊണ്ട്     സംഭവം  ഞെട്ടലുണ്ടാക്കി . ഈ ഞെട്ടൽ
നിലനിൽക്കുമ്പോഴാണ്   കൊലപാതകത്തെ    ന്യായീകരിച്ചുകൊണ്ട്   ചില
രാഷ്ട്രീയ നേതാക്കൾ   നടത്തുന്ന    പ്രസ്താവനകൾ .

പിഞ്ചു ബാലൻറെ    ഘാതകൻ   മനസികരോഗിയാണ് പോലും ! മനസികരോഗിയാണ്  എങ്കിൽ   അയാൾ  എന്തുകൊണ്ടാണ്   സമൂഹത്തിന്
ഭീഷണിയായി   വിഹരിച്ചിരുന്നത് ? തൻറെ    രോഗം   ഭേദമായെന്ന്  മനോരോഗിയാണോ    തീരുമാനിക്കുന്നത് ? അയാൾ ഓക്കേ   ആണെന്ന്
ആരാണ്    Certify   ചെയ്തത് ?

പ്രതി  മയക്കുമരുന്ന് സ്ഥിരമായി    കഴിച്ചിരുന്നുവെന്നും   അതിൽ നിന്നാണ്
സമനില  തെറ്റിയതെന്നും  പറയപ്പെടുന്നു . അപ്പോൾ   ഒരു  ചോദ്യം
ഉയർന്നു വരുന്നു . Drugs നിയമവിധേയമാക്കണം  എന്ന്  ചിലർ   വാദിക്കുന്നു .
കേരളത്തിൽ    drugs നിയമവിധേയമാക്കി   എന്ന്   സങ്കൽപ്പിച്ചാൽ   എന്തായിരിക്കും   സ്ഥിതി ?

ദക്ഷിണാഫ്രിക്കയിൽ   ഇപ്പോൾ   ഒരു  കേസ് വിചാരണ   നടക്കുന്നു . ഒരു
പിതാവ്   തൻറെ    നാല്   ആൺമക്കളെ   കഴുത്തറത്ത്  കൊന്നു .കേക്കാന
എന്ന്   പേരുള്ള   37 കാരൻ ,13 ,10 ,6 ,4  വയസ്സുള്ള മക്കളെ    ഒന്നൊന്നായി   കൊന്നു .
അയാളുടെ  വീട്ടിൽ ,  ഉപയോഗിച്ച  ഒരു  Condom കണ്ടെത്തിയതാണ്  കേക്കാനയെ   പ്രകോപിപ്പിച്ചത് . ഭാര്യ   അവിഹിതബന്ധം   സമ്മതിച്ചു .
ഫോണിൽ    ഒരു   വാക്കുതർക്കത്തെ തുടർന്നാണ്‌   ക്ഷുഭിതനായ  അയാൾ
കൊല   നടത്തിയത് .അയാൾ കുറ്റം   സമ്മതിച്ചു .

മാർച്ചിൽ   ഒരാൾ,

 ജനിച്ചിട്ട്‌  രണ്ടുദിവസം  മാത്രം   പ്രായമുള്ള   പെൺകുഞ്ഞിനെ   കാലിൽ പിടിച്ച് ചുഴറ്റി   ഭാര്യയുടെ  ദേഹത്ത്  അടിച്ചു കൊന്നു .  ഭാര്യയുടെ   അവിഹിതബന്ധമാണ്   അയാളെ   പ്രകോപിപ്പിച്ചത് .
ഇങ്ങനെ   എത്രയെത്ര   സംഭവങ്ങൾ ! ഇരകൾ   കൂടുതലും   സ്ത്രീകളും
കുട്ടികളുമാണ് .

പല   horror  സംഭവങ്ങൾക്കും    പിറകിൽ    അവിഹിത ബന്ധം   ഒരു  പ്രധാന
ഘടകം   ആണ് . അതിൽത്തന്നെ  സോഷ്യൽ മീഡിയയിൽക്കൂടി
മുളയ്ക്കുന്ന   ബന്ധങ്ങൾ   ഒരു   ഘടകമാണ് .

അവിഹിത ബന്ധം   ഉണ്ടാക്കുന്ന   ദുരന്തം  എന്തെന്ന്   ആറ്റിങ്ങൽ  ഇരട്ട കൊലക്കേസ്    ഒരു   പാഠം   ആണ് .

ആറ്റിങ്ങൽ പിഞ്ചുകുഞ്ഞിന്റെ    തലച്ചോർ  ചിന്നിച്ചിതറിയെന്ന്  കേട്ടു .
അപ്പോൾ   Macbeth   നാടകത്തിൽ    Lady Macbeth  പറയുന്ന   ചില   വാക്കുകളാണ്   ഓർമ്മ  വന്നത് .

Macbeth   ഒരു  നല്ല  മനുഷ്യനാണ് . മനസ്സാക്ഷി  ഉള്ളവനാണ് . എന്നാൽ
അയാളുടെ   ഉള്ളിൽ  അധികാരമോഹം  ഉണ്ട് . അയാളോടുള്ള   സ്നേഹസൂചകമായി  Duncan രാജാവ് Macbeth ൻറെ   വീട്ടിൽ  അതിഥിയായി
വരുന്നു . രാജാവിനെ കൊന്ന്   അധികാരം   കൈക്കലാക്കാനുള്ള   സുവർണ്ണാ വസരമായി   Lady Macbeth ,സന്ദർശനത്തെ   കാണുന്നു .എന്നാൽ   Macbeth , 50-50
ആണ് . പറ്റില്ലാഎന്ന്    അദ്ദേഹം   പറയുന്നു . അപ്പോൾ   ഭാര്യ   രൂക്ഷമായി
ശകാരിക്കുകയാണ് .

............I  have  given  suck,and know
How  tender it's  to love the babe that milks me
I would,while it was smiling in my face ,
Have plucked my nipple from his boneless gums,
And  dashed the brains  out,had I so sworn as you
Have done to this.      ( Act 1  scene 7)

ഇക്കാര്യത്തിൽ  നിങ്ങൾ   എനിക്ക്  വാക്ക്  തന്നതുപോലെ    ഞാൻ  തന്നിരുന്നുവെങ്കിൽ   ഞാൻ  എന്തുചെയ്യുമായിരുന്നു എന്നോ ? ഞാൻ
കുഞ്ഞിന് മുലകൊടുക്കുമ്പോൾ   അനുഭവിക്കുന്ന   ആനന്ദവും   സ്നേഹവും  അപാരമാണ് . എന്നാൽ  എൻറെ മുഖത്ത് നോക്കി ചിരിക്കുന്ന ആ ഓമനയുടെ  പല്ലില്ലാത്ത  മോണയിൽ നിന്ന് മുലക്കൺ  പറിച്ചു മാറ്റി ,അതിൻറെ  തല തല്ലിത്തകർത്തു   തലച്ചോർ  ചിതറിക്കാൻ  ഞാൻ  മടിക്കുകയില്ല .   ( സ്വതന്ത്ര   translation )


എന്നാൽ    ക്രൂരയായ   ഈ   സ്ത്രീ  കുറ്റബോധം കൊണ്ട്   മനസ്സ്  ഉരുകി
ഒരു   മാനസിക രോഗിയായി   മാറുന്നു .ഉറക്കത്തിൽ  എഴുനേറ്റ്  നടക്കുന്നു .

അവസാനം   അവർ   പറയുന്നു .

Here's  the  smell of blood still. All the perfumes of Arabia will not sweeten this little hand.
Oh! Oh!Oh

എൻറെ   കൈകളിൽ   ഇപ്പോഴും   Duncan രാജാവിൻറെ   രക്തത്തിൻറെ   മണമുണ്ട് . അറേബ്യയിലെ    perfumes  എല്ലാം  ഉപയോഗിച്ചാലും  ഈ
മണം   മാറുകയില്ല .(Act 5 Scene 1 )

ക്രൂരത കൊണ്ട് ,അല്ലെങ്കിൽ   വളഞ്ഞ   വഴികൾ  ഉപയോഗിച്ച്  വലിയ നേട്ടങ്ങൾക്ക്    ശ്രമിക്കുന്നവരുടെ   അന്ത്യം  എന്താണെന്ന്  Macbeth ൻറെയും
Lady  Macbeth ൻറെയും    ദുരന്തം   നമുക്ക്   പാഠം   ആണ് .എല്ലാം  നഷ്ടപ്പെട്ട
Macbeth   പറയുന്നു .

...........It  is a   tale   told  by  an idiot ,full of   sound  and  fury ,
Signifying  nothing .

ഒരു  വിദൂഷകൻ പറഞ്ഞ ,ശബ്ദകോലാഹലങ്ങൾ  നിറഞ്ഞ , അർത്ഥശൂന്യമായ   കഥയാണ്   ജീവിതം .

*                                     *                                 *                                   *